Jeremías 21:4 - Kuna San Blas

⁴ Israel-e-Bab-Dummad-Jehová weyob sogye: ‘Ani an, be-sordamar-bila-onomalad Babilonia-e-rey-sordamarbo bila-ononaid-abin sikirmakega an imakoed. Bela Caldea-sordamar neggwebur-ebilis-ambikuega an imakoed. Be-sordamar neggwebur-yaba gwayis-bukuega an imakoed.

Jeremías 21:4 Iomraidhean Croise

Isaías 10:4

Ar be bar oakalogosurmalad. Ar bemar gales seledmaloed. Emar-gales-bukwad-abargi be mesagwar gumarmogoed. Sulile, burgwarmalad-imbagi be oburgwilemarmogoed. Weyob bemar imaklego-inigwele, Bab-Dummad-urwedi, amba bogigumaiosulid, Bab-Dummad amba amargi urwemaioed.

Isaías 13:4

¡Be itomar! Yalaganba neg-oimake itoleged, dulemar-ichesur-oimakedyob itoleged. ¡Be itomar! Neggwebur-dummagan-atosmalad-oimaked, be itomar, mala-gollomakedyob e-oimaked itoleged. Bab-Jehová-Bela-Gangued-Nikad, bila-onogega, sorda-bila-onomalad-guagwar urbenaid.

Isaías 5:5

An bega sogmalodo, igi an-uva-nainu an imakoe: An e-ibe galu-emakaled earoed, adi, bela berguegar. An e-galu-matusulid e-ibe earbaloed, adi, bela egi annalegegar.

Jeremías 20:4

”Ar Bab-Jehová weyob soged: ‘Na be dukin gwayed-dummadga guoed, degi, be-aimar-ogwayedga be gubaloed. Be-aimar e-isdarmaladse es-suidgi oburgwilegoed, be-sunnagwad be dakoed. Bela Judá-dulemar, Babilonia-e-reyga an urmakoed, geb a-rey, Babilonia-yarse bemar-sedoed, sulile, es-suidgi be-oburgwemaloed.

Jeremías 21:3

Jeremías we-dulemar-abin sogded: “Be Rey-Sedequíasʼga sogmalo,

Jeremías 32:24

” ’Emide, Jerusalénʼgi-gwichiguega we-yala-sulegega, bato Caldea-dulemar napa-arsanyob-sobnaid neggweburse modanigusad. Bila-onolemaladba, ukud-dummagan-naguedba, boni-dummagan-noedba we-neggwebur Babilonia-dulemarse berguoed. Bab-Jehová, bela be-ibmar-sogsamaladi, sogedba gunaid, be-sunnagwad be we-ibmarmar dakmaid.

Jeremías 32:3

Ar deunni, Judá-Rey-Sedequías, esgaryaba Jeremías-meted. Ar Jeremíasʼga weyob soged: “¿Ibiga be yogasaar Bab-Dummad-gayaburba-barsogdii? Emide, be weyob sogdiid, Bab-Dummad weyob-sogye: ‘Babilonia-reyga an we-neggwebur urmakoye, Babilonia-rey we-neggwebur suoye,

Jeremías 32:5

”Degi, weyob be sogdibalid, Bab-Jehová weyob-sogye: ‘Nabucodonosor, Babiloniaʼse Sedequías-sedoye. Geb an daknaoedse agi mai guoye.’ Deginbali, be sogdibalid: ‘Anmarde Babilonia-dulemarbo bila-onogele, anmarde galakumaloye, gwen egi nakosurmarye be sogdiid.’ ”

Jeremías 33:5

‘Babilonia-dulemar, neggweburgi gwichiguega danikid, degi, neggweburgi dule-muimar-enogega danikid. An-urwedgine, degi, an-sae-itogedgine, Jerusalén-neggwebur-idu wagar-biir an imaksad. Bela e-ibmar-isgana-imakmalad-ular, an ogilogoed.’

Jeremías 35:17

”A-ulale, ani Israel-dulemar-e-Bab-Dummad-Jehová Bela-Gangued-Nikadi soged: Bela an Judá-dulemargi, Jerusalén-dulemargi boni-dummagan-barmidoye an sogsadi, egi an barmidoed. Ar an ega ibmar-sogsadba ibsassurmalad, an ese-gochadi an-itossurmalad.”

Jeremías 39:3

A-yaa-ollo-imaklesadbali, bela Babilonia-rey-e-dummagan ubosad, geb yawagak-yaabalid negabargi-siidgi ambikudapmalad. Babilonia-rey-e-dummagan-ubosad, wemalad: Nergal-Sarezer, Samgar-Nebo, reyneggi-arbamalad-e-dummad-Sarsequim, reyneggi-arbamalad-e-dummad-baid-Nergal-Sarezer, degine, bela Babilonia-reyneggi-arbamalad-e-dummagan-bamalad.

Jeremías 52:18

Deginbali, bormomar, degi, bormo-buru-wemalad, gwillo-dub-siked-dislamar, degi, nog-dummagan, degine, buru-weemaladi, sesmarbalid. Degine, Bab-Dummadse-goled-neggi bela ibmar-ebulemalad esgoro-gordikidgi-sobarmalad, bela Babilonia-yalase sesmalad.

Lamentaciones 2:3

Bab-Jehová, uludgua, bela Israel-e-gargangued obelosad. Anmar an-isdarmaladbo-urwenaigua, Bab-Jehová anmar-bendaksasulid. Soo-dummad-bela-ibmar-obelogedyobi, Jacob-e-yar-naidgi soo ogasad.

Lamentaciones 2:5

Bab-Jehová anmar-isdaradyob na imaked: Israel-yar obelosad. Bela Israel-e-reynegmar bibichisad, Israel-e-neg-gandikmalad omukusad. Bab-Jehová Judá-yar-yeerdaklegedgi boedbi, wile-itolegedbi, neg nasiksad.

Lamentaciones 2:7

Bab-Jehová, na e-ibmar-ogumakar-ukleged-aila obachad, na e-neg-islidikid isdar daksad. E-reynegmar-e-galumar, e-isdarmaladga urmaksad. E-isdarmalad, iba-dummad-nonaiyob, Bab-Jehová-neggi oimakdemalad,

Ezequiel 39:3

Argan-sapiledsik be warsi-ganikid an bisgoed, degi, argan-nuedsik be sigumar-ganikid argwanega an imakoed.

Oseas 9:12

Ar amba e-mimmigan-dungumamai-dakdemalale, we-napneggi amba an ei obelogoed. An egi bangudele, ¡dummad-wilemaloed!

Zacarías 14:2

Bela dulemar-yar-baid-baidgi-bukmalad bemargi bila-onodagega an imakoed. We-dulemar be-yar sunonimaloed, be-neggi-ibmar-nikadi be-ibe sumaloed, degi, be-omegangi dodomaloed. Be-dulemar-negabar aineba gales seledmaloed. Bamaladdi, bemaloed.

Mateo 22:7

”Rey wisguargu, ibase-dagega-ese-gollesmalad deyob e-maigan-imaksamarye, nue-sae itoded. Geb e-sordamar-barmisad, bela e-maigan-oburgwismalad ogilosad. Deginbali, rey, bela ese-gollesmalanad-e-neggwebur ogumaksasunnad.