Jeremías 2:5 - Kuna San Blas

⁵ Bab-Jehová weyob soged: “Be-dadgande, ¿ibigi egi-nosa an-daksamarsunna? Emide, angi bangusmalad. Bab-dummagan-ibmarga-gusurmaladba nadegusmalad, agala, be-dadgan ibmarga gussurmarmogad.

Jeremías 2:5 Iomraidhean Croise

2 Reyes 17:15

Bab-Dummad-Igar-uksad, degi, Bab-Dummad-ega-Ibmar-Sogsad obachamalad. Deginbali, Bab-Dummad-Dadganbo-Igar-Mesisad obachamarbalid. Nuchumar-ib-nuedsulid-nug Bab-Dummad-nugyobi odummosmalad, degidbali, amaryobi ibmar-nuedga be gunonisurmalad. Ar Bab-Jehová ega sogsa gusad, dule-bamalad-damaladyob, melle be damaloye. Degi-inigwele, dule-bamalad-daedba nanadii gusmalad.

Salmo 115:8

E-sobmalad, deyobi gumarmogad, bela-egi-bengusurmalad, deyobi gumarmogad.

Isaías 29:13

Bab-Jehová weyob Isaíasʼga sogded: “We-dulemar an-nug-odummoye soged. E-sunmakedgi an-nug-ogannoye soged. Degi-inigwele, unnila asginbi an-nug odummomalad. E-gwage-ulubgindi angi gwen binsasurmalad. An-dobee-nanaye-sogmaladi, ar gwen an-igar-maidba nanasurmalad. Unnila dulemar-igar-mamaidba nanamalad.

Isaías 44:9

Dule ibmar-bab-dummadyob-imakleged-sobmaladi, ibmar-nuedga gusulid. E-ibmar-bur-yeerdakle-sobarmaladi, gwen ibmar-nuedga gusulid. E-sobmaladi, na wismalanad, we-ibmar-bab-dummadyob-imaklegedde, aku atakmalad, uaya yallirmalad.

Isaías 46:12

Gwage-dutusurmalad, be an-itomar. Igar-napiragwadgi-dikasurgudimalad, be an-itomar.

Jeremías 10:8

Bela dulemala, gegeganad, binsaedsurmaladid, suar-sobarmalad-ibmarga-gusurmaladse ibmar-durdaksamaladid.

Jeremías 12:2

Bee be we-dulemar urbedaed, sapimaryobi bonisuli ganguddamalad, deyob dunguddamalad, sapi-sunmakedyobi nasguddamalad. Unnila asginbi be-nug-ogannodimalad, e-gwage-ulubgindi begi binsadisurmalad.

Jeremías 14:22

Bab-Dummad, ¿ar bab-dummagan-imbagi, gwensak dii-nabir-owied gudisi? Suli. Bab-Dummad-Jehová, ¿ar bee be, dii-owisursi? ¿Ar nibnega e-itolegedba dii-owiardasi? Suli. Ar bela be we-ibmarmar imaksad. A-ulale, anmar begi bensurmalad.”

Jeremías 2:31

Bemar, wegi-an-itobukmarmogadi, Bab-Jehová-gayaburba nue be itomarmogo. Bab-Jehová weyob soged: “Emide, an Israel-dulamarga, ¿nega-dulesulidyob an gussi? ¿Negasichidyob an gussi? Ibiga an-neggwebur weyob-soge: ‘Anmar na e-itolegedba gudigumaloye, anmar bar be-nug-odummogosurye,’ anga sogmalad.

Jeremías 2:4

Ani Jeremías sogded: Jacob-wagan, Bab-Jehová-gayaburba be nue itomar, Israel-dulamar bela be an-itomar.

Jeremías 8:19

Bela neggwebur-imbaba an-dulemar-ogormakbukwad itoleged, “¿Bab-Jehová Sión-yalagi bar gudisursi? ¿E-reyde a-yargi bar maisurmosi?” Bab-Dummad abin-sogded: “¿Ar ibiga bemar be-bab-dummagangi an-ourwega an-imakmala? ¿Ibiga be-bab-dummagan-ibmar-nuedga-gusurmaladgi an-ourwega an-imakmala?”

Ezequiel 11:15

“Dule-machi, Jerusalénʼginmalad weyob be-gwenadgangi, be-mesmaladgi, degi, bela Israel-dulemargi sogmalad: ‘Wemardi, Bab-Jehováʼgi aibachamalad. A-ulale, we-yar anmargadga-guega anmarga uklesad.’

Ezequiel 14:5

Bela Israel-dulemar, e-bab-dummadyob-ibmar-imakdimalad-ular, angi aibachamalad. Amar-e-gwage, an ebugoed.’

Jonás 2:8

”Dulemar-bab-dummaganse-gormaladdi, Bab-Dummad-e-sabgued gwen bai daksurmalad.

Mateo 15:8

‘We-dulemar unnila asginbi an-nug odummomalad, ar e-gwage-ulubgindi angi gwen binsasurmalad.

Gusmalad 14:15

“¡Girmar! ¿Ibiga be deyob damala? Anmar bemaryobmogad, anmar dule gumalad. Aga anmar bemarga sogmalad, we-igar-isganamar-binsarmalad, be obelomarye. Bab-Dummad-sunnadba bur be nagumarye. Ar a-Bab dula-maid, a nibneg nasiksad, napneg nasiksad, demar nasiksabalid, degi, bela agi ibmar-bukwad urbisbalid.

Romanos 1:21

Ar dulemar-we-napneggi-bukmalad Bab-Dummad-wisgusmar-inigwele, degite, Bab-Dummad-nug gwen odummossurmalad. Degine, dog-nuedye ega gwen sogsasurmarbalid. Aka bur yogasaar ibmar-isgana-galagwensuli-imakedgi binsamalad. Degine, e-binsaed-isgusadbali, igar-nued-akudake gunonimarbarsunnad.

Deuteronomio 32:21

Israel-dulemar, Bab-Dummadsulid e-bab-dummadga-imaksamalad. Degidbali, Israel-dulemar, nobguega an-imaksad. Nuchu-mimmi na e-bab-dummadga-imakdemaladgi an-oulusmalad. An-dulasurmalad an sabguoed, bemar, a-dulemargi nobgumaloed. An dule-binsaed-satemaladgi nabir binsaoed, bemar, a-dulemargi uludoed.

1 Samuel 12:21

Mer bab-dummadyob-ibmar-imaklemalad-e-nug odummomalo. Ar amardi, gwen bemar-bendakosulid, gwen bemarga ibmar-nued-imakosurbalid, ar ade, ibmar-binsarmaladid.