Jeremías 2:3 - Kuna San Blas

³ Ani an Bab-Jehová-guedgi an bega soged: Bemar-Israel-dulemar, anga be dule-gwage-swilidikmalad gumalanad. Bemar anga, gebe-ibmar-sanmakedyob gumalanad. Dulemar ibigwensur-bemar-imakalile, anse sabsur-odurdakledaed, boni-dummagan an egi barmiardaed.’ ”

Jeremías 2:3 Iomraidhean Croise

Éxodo 22:29

”Melle be ibmar-gwag-gebe-welemalad, degine, vino-gebe-egurelemalad Bab-Dummadga-uksuli gumalo. ”Be-machi-sailagined anga be ukmarbalo.

Éxodo 23:16

”Gebe be ibmar-gwag-wealir, Ibmar-Gwag-Gebe-Weleged-Iba be onogoed. ”Deginbali, bela be-nainugi be arbasad, na be bela-ibmar-wesadgi, birga-bergusar, Ibmar-Gwag-Napi-Weleged-Iba be onobaloed.

Isaías 41:11

”Dule-isdar-be-dakmaladi, bingegudmaloed, nug-mesagwar gudmaloed. Dule-begi-gwisgudimaladi, bela bergudoed, gudisurmaladyobi naoed.

Isaías 47:6

An-dulamala an-oulus gusad. A-ulale, a-dulemar an obachagusad. Be-argan-yaurgi an uksagusad. Degi-inigwele, gwen be wiledaksasulid. Dule-sergangala arbaed-dummad be uksagusad.

Jeremías 12:14

Bab-Jehová weyob soged: “Dule-isganamar yar-baigan-dikarba-bukmaladi, an-dulamar-ibe an-yar-uksad-obelosmaladi, an bela e-yalagi we-dulemar-onogoed. Deyob an Judá-dulemar we-dulemar-abargi onomogoed.

Jeremías 2:4

Ani Jeremías sogded: Jacob-wagan, Bab-Jehová-gayaburba be nue itomar, Israel-dulamar bela be an-itomar.

Jeremías 30:16

”Bela be-wiomaladi, bela wiolemarmogoed, bela be-isdarmalad gales-seledmaloed. Begi-dii-dii-annamaladi, egi dii-dii annalemarmogoed, bela dulemar-bei-ibmar-sumaladi, bela ei ibmar sulemarmogoed.

Jeremías 50:7

E-isdarmalad dakarmalale, obelodamalad, e-isdarmaladi sokardamalad: ‘Anmargi sisuli. Ar wemar Bab-Jehováʼgi isgusmalad. Bab-Dummad ega ibmar ukmainad, e-dadgan we-Bab-Jehováʼgi ibmar-abdakdii gusmaladinad.’

Amós 6:1

Amós sogdebalid: “Dule-Sión-neggweburgi-baisuli-itodimalad, ¡duledar-wilesmar! Samaria-yargi-dobsulidba-gudidimalad, ¡duledar-wilesmar! Dule-nug-nikamalad neggwebur-dummagangi-mamaid, ¡duledar-wilesmar! A-dulemarse Israel-dulemar bendakleged egisnaddamalad.

Habacuc 1:11

We-dulemar burwa-dummadyobi bela ese ibmar oitoledaed. E-gangued e-bab-dummadga imakdimalad. Agi e-isgued siid.”

Zacarías 1:15

Ar dulemar-yar-baid-baidgi-bukwad-san-dummarba-imakdimaladgindi, an urwemaid. An bela-bela urwemaisulinad, ar emar bela-bela-an-ourwega an-imaksamalad.

Zacarías 2:8

Ar Bab-Jehová-Bela-Gangued-Nikad, dule-yar-baid-baidgi-bukmalad-bemar-ibe-ibmar-susmaladga, weyob gandikidba ibmar-sogega an-barmialid: “Dule-bamalad an-dulamar-naibi-imakele, an-naibi-imaknaimogad.

Números 18:12

”Deginbali, ibmar-gebe-sanmakmalad, ibmar-bur-nuegan Israel-dulemar anga-senonimaloedi, olivo-gwallu, vino-binid, degi, ibmar-gwagmala, wemar bemarga an ukbaloed.

Romanos 11:16

Ar madu-omukulesad Bab-Dummadga uklesale, we-madu-omukulesad-besadi, amba Bab-Dummadgadbalid, bela Babgadbiid. Ar sapi-e-saila nuedile, amba sapi-e-anagan nuedmodo. We sogledo, Israel-dulemar-gebemalad ar Bab-Dummadgadile, Israel-dulemar-sorbarmalad amba Bab-Dummadgadmoye.

Romanos 16:5

Deginbali, Jesúsʼba-nanaimalad-amar-neggi-danar-ambikunonidamaladga be sogbalo, bemar nued sogeye. Degine, Epeneto, an nue-sabedga be sogo, be nued sogeye. We-inse Acaya-yargi Cristoʼba nagus gusad.

Efesios 1:4

Amba yoo we-napneg-nagued-idu, Bab-Dummad, bato Cristoʼgi anmar-susad. Adi, anmar Bab-Dummadgadga guegar, degi, bela anmar dule-gwage-swilidikidga e-asabin gumalagar.

Deuteronomio 14:2

Ar bemar be-Bab-Dummad-Jehováʼba uklegarmaladid. Ar Bab-Jehová unnila egadgarbi-guega, we-napneggi dulamar-bukidar-bukwad-abargi bemar-sunonikid.”

Deuteronomio 26:19

Deyob, Bab-Jehová be-imaksad, adi, dulemar-baigan-imaksadba be-nug bur odummolegegar, be-nuggi bur sunmaklegegar, be-nug bur-bipisur guegar. Degine, adi, bemar unnila be-Bab-Dummad-Jehováʼgarbi-uklegaledga gumalagar, ar igi Bab-Jehová bato idu bemarga sogsadyob.”

Deuteronomio 7:6

”Ar ade, bemar, be-Bab-Dummad-Jehováʼba dule-islidikmalad gumalad. Ar be-Bab-Dummad-Jehová bemar-susad, adi, dulemar-baigan-we-napneggi-bukmaladba bur bule na egadga bemar-imakegar.”

Santiago 1:18

Bab-Dummad na e-binsaedba, E-Gayaburba-Nued-napiragwad-sogedba anmarga burba-dulad uksad, adi, e-ibmar-obinnisad-abargi anmar-inse e-mimmiganga guegar.

1 Pedro 2:9

Ar bemardi, dula-sulegaled gumalad. Bemar Bab-Dummad-e-negdakmaidgi, dule-irwa-Bab-Dummadse-gormaladga gumalad. Bemar dulamar-swilidikid gumalad. Degine, bemar Bab-Dummad-e-dulamar gumalad. Bab-Dummad deyob be-susmalad, adi, Bab-Dummad-ibmar-nued-imakedgi be dulemar-baiganga sunmakmalagar, sogmalagar, igi bemar negsichidgi-gudigu, Bab-Dummad be-onosmala, e-neg-meegwad-nuedse be-searmala.

Apocalipsis 14:4

Wemala, omeganse-gochasurmaladid, na san-swilidik sedigusmaladid. Wemar, Sibad-Wawaad-Mimmi bia naoe, eba naddamalad. Wemar-insega Bab-Dummadgadga-gumalaga, degi, Sibad-Wawaad-Mimmigadga-gumalaga, dulemar-abargi abonolesmalad.