Jeremías 2:2 - Kuna San Blas

² “Be nae, Jerusalén-dulemarga be sunmakna, ega weyob be sogna, Bab-Jehová weyob-sogye: ‘An ebinsado. Be yagwa-unni anbinarbi be-sogdidaed. Ome machered-abesiidyobi, nega-dulesulidganba be an-balimaksa gusad. Napaneg-ibmar-digar-sulidganba be an-balimaksa gusad.

Jeremías 2:2 Iomraidhean Croise

Salmo 129:1

Sapingwagwad-akar, nue-an-wiodimalad, degi-inigwele, gwen an-oakalossurgusmalad. Israel-dulemar weyob be sogmarmosun.

Éxodo 14:31

Israel-dulemar dakdegu, Bab-Jehová e-gangued Egipto-dulemargi sabsur-yolesa, nue Bab-Jehová-dobee itonadmalad, degine, Bab-Jehováʼgi bensuli gunonimalad. Amba deyob Bab-Jehová-mai-Moisésʼgi, bensuli gunonimarbalid.

Éxodo 16:8

Degine, Moisés sogdebalid: “Sedogi Bab-Jehová bemarga san ukoed, adi, a-san be gunmalagar. Wakdardi madu ise-obinagwar bemarga ukoed, ar ade, Bab-Jehová egi be ulusmalad be-itosmalad. ¿Ar anmardi doasunna, anmargi be urwenaimargu? Ar bemar anmargi ulussulid, Bab-Jehováʼgi be ulusmalad.”

Proverbios 1:20

Binsaed-Nikaguedi, binnasuli galimbaba goled, dulemar-bukidar-ambikued-abargi isseed sunmaked.

Cantares 3:11

¡Omegan-Sión-yarginmalad, nodamala! Rey-Salomón be dakdamala. E-nan-ega-ologurgin-imaksad-yoi danikid. Ome-nikued-ibagi-yosad-yoi danikid. Wergued-dummad-itoged-ibagi-yosad-yoi danikid.

Cantares 3:6

¿We ibu waayobi neg-dulesulidganba ainakdani-daklege? Ina-wawadikid-mirra-abargi danikid, ina-wawadikid-incienso-abargi danikid, dutumar-wawadik-yapanmalad-abargi danikid.

Isaías 58:1

Bab-Dummadi Isaíasʼga sogded: “Gandikidba be binnasuli gole, melle be bogguo, gar-trompetaʼyob be binnasuli gole. An-dulamarga e-nodiid be soge, Jacob-waganga e-isgudiid be soge.

Jeremías 11:6

Bab-Jehová anga sogdebalid: “Bela we-gayaburba Judá-neggweburgi, degi, bela Jerusalén-galimbaba be sogo. Weyob be sogo: ‘We-igar-mamaid be itomarye, we-igar-maidba be damarye.

Jeremías 19:2

”Geb agine, Hinom-nebase be namalo. A-neba napsa-sobmalad-e-yawagak-asabin naid. Agine, an bega-ibmar-sogoedi be sogoed.

Jeremías 2:1

Bab-Jehová-gayaburba weyob anse nonikid:

Jeremías 2:6

Bipisaale, be-dadgan gwen-egichasurmalad: Bab-Jehová-Egipto-yalagi-anmar-onosadi, ¿bia-nadye? Bab-Jehová-nega-dulesulidganba-anmar-idusadi, napa-dii-sateganba, degi, nega-buleganba-anmar-seargusadi, bia-nadye, gwen egichasurmalad. Bab-Jehová-nega-dinnaganba, degi, negasichidganba-anmar-seargusadi, bia-nadye, gwen egichasurmalad. Nega-dulemar-iirmaksurmaladba, degine, dulemar-bukwasulidba-anmar-seargusadi, bia-nadye, be-dadgan gwen egichasurmalad.

Jeremías 3:4

Emisgwasaar be anse weyob gordigusad: ‘Babaye, bipigwad-akale be an-ai-nuedye.’

Jeremías 7:2

“Jeremías, anse-goled-neg-dogedse be gwisguna, agine weyob be sogo: ‘Bemar bela Judá-dulemar-we-yawagakgi-ubomalad, Bab-Jehová-gayaburba nue be itomaloye.

Ezequiel 16:22

Bela be-ibmar-isgana-imakedba, be-galagwensuli-nanaedba, igi be bipigwaun-gudigusa be ieded, egi bar be binsassulid. Deunni, be uka-swana-gudigusad, be-ablisgi be moodmaigusad, bela be ieded.’ ”

Ezequiel 16:60

Degi-inigwele, andi be-bipigwaun an-bebo-igar-mesisad ebinsaoed, geb igar-degisadeguad an bebo mesoed.

Ezequiel 16:8

” ’A-ibagan-nasad-sorbali, an gannar be-nagaba nasbalid, degi, bato be sui-nikuedgin an be-daksad. Geb degine, an-mor-dummad an bega uksad. A-morgine an be-obirmaksad. An bega ise-sogar sogsad, degi, an bebo igar-mesisad, geb angadga be-gunonisunnad. Ani an Bab-Jehová-Bela-Gangued-Nikadi weyob soged.

Ezequiel 23:19

Degi-inigwele, Aholiba bur bule gambanuchu-imakdii guded. Egipto-yargi yagwaun gambanuchu-imakdigusad ebinsad gusad.

Ezequiel 23:3

Yagwaga-gunonimalad-akale, gambanuchu-imakdii gudmalad. Egipto-yargi abirgunagwarsuli galagwensur nanasmalad. Egipto-yalagine, niagwale e-mam-ebulesad na baisur-itosmalad. E-mam-gannarba-gannarbagwad e-ibe niagwale bele-bele imaksamalad. Bar yaganaga gunonisurmalad.

Ezequiel 23:8

Egipto-yargi gambanuchu-imakdigusadi, Ahola gwen-indaksasulid. Yagwad-akale, bukidar macherganbo-megdii gusad. E-mam-gannarba-gannarbagwad e-ibe niagwale bele-bele imaksamalad. Aholaʼgine bela-bela nialesmalad.

Oseas 11:1

Bab-Jehová Israel-dulemarga sogded: “Bipigwaunni an be-sabgusad, Egipto-yar-akale an-machise an gochagusad.

Oseas 2:15

Agi, Acor-nebagi, uva-nainumar gannar an ega obiroed, sabsur-odurdakleged-neba an ega weligued-nebaga imakoed. A-nebagine igi-nuchukwa-unni angadga gusa, degi, igi-Egipto-yargi-noargusgu angadga an imaksa, deyob an gannar imakoed.”

Oseas 2:17

Be-bab-dummadyob-imaklemalad-e-nug-biega bar an be-imakosulid, degi, bipisaale bar ese be gorsii guosulid.

Oseas 2:7

Ar e-suiganbina surbinsa miamakdii guoed. Gwen amisulidbali weyob sogdoed: ‘Bur an-sui-sailaginedse an gannar naoe, iduardi bur an nued gudiinad.’

Oseas 8:1

Bab-Jehová sogdebalid: “¡Gar-trompeta be ogole! Ar sulubagi anse-goled-neggi sigdanikid. Ar Israel-dulemar, anbo-igar-mesisad obelosmalad, an-Igar-Maidgi yolesmalad.

Oseas 9:10

Bab-Jehová sogded: “An Israel-dulemar-aminonigu, nega-dulesulidganba uva-san-amilegedyob an amisgusad. An gebe e-dadgan-dakargua, higuera-sapigi-e-san-dutuu-ainidanikiyob an daksad. Degi-inigwele, emar aka bab-dummadyob-imakleged-Baal-Peorʼba nanadmalad. Abali na isgudmalad, dule-isguedga gudmalad. We-bab-dummadbina sulibinsa-itode gudmalad.

Jonás 1:2

“Jonás, Nínive-neggwebur-dummadse be nao. A-dulemarga be sogo, anse ibitomaloye. Ar Nínive-dulemar-e-isgued doggus wilub-obicha-gusad, e-ibmar-isgana-imakmalad anse warmaksad.”

Mateo 11:15

Bemar mag nue-itobiele, an bemarga ibmar soged nue-itomar.”

Lucas 12:13

Dulemar-bukidar-bukwad-abargi dule-wargwen Jesúsʼga sokar: —Odurdaked-saila, an-iaga be soge, an-bab burgwisgu, anmarga-ibmar-obesad, anga udamoye.

Deuteronomio 2:7

”Ar bemar-Bab-Dummad-Jehová bela bemar-ibmar-imakedgi ise-nued bemargi binsasad. Degine, we-neg-dulesulidgan-dummadba nued bemar-akwedii gusbalid. We-birga-dulabogwadgi (40), bemar-Bab-Dummad-Jehová, bemarba gudii gusad, degine, gwen ibmar-galakudii bemar-imaksasulid.

Deuteronomio 33:3

Bab-Dummad, e-dulamar nue-sabed, e-argan-yaurgi bela dulemar-egadga-gued ganikid. Degisoggu, e-dulamar e-sogedba nadapi gumalad. Bab-Dummad, e-dulemarga Igar ukmaiguad.

Deuteronomio 8:2

”Bemar-Bab-Dummad-Jehová nega-dulesulidganba birga-dulabo (40) bemar-semaigusadi be ebinsamalo. Agi sabsur-bemar-wiosgusad, sabsur-bemar-wilubdaksa gusad. Adi, wisguegar, bemar igi-ulubgi binsamardibeye. Degine, bemar-dakbaligar, bule-nabir e-igarmar-bemarga-uknaidba be damalodibeye.

Santiago 4:4

Bemar ¡Na-abirgunagwarsuli negsichidgi-yoledimaladid! Dule we-napneg-naidbo ai-imakele, Bab-Dummad-e-isdaradga-gunonidaed, ¿ar be wissurmarsi? Ar dule we-napneg-naidbo ai-imakbiele, Bab-Dummad-e-isdaradga gunonidaed.

Apocalipsis 2:4

” ’Degi-inigwele, ibmar-soggwengi an begi gwisgued. Gebesailagi be an-sabgusadyob be bar an-sabsulid.