Jeremías 19:3 - Kuna San Blas

³ Weyob be sogo: ‘Judá-e-reymar, degi, Jerusalén-dorgan, Bab-Jehová-ibmar-soged be itomar. Weyob Israel-dulemar-e-Bab-Dummad-Jehová-Bela-Gangued-Nikad soged: We-nebagi boni-dummad an barmidagoed, dulemar we-ibmar-itomaloedi geger itomaloed.

Jeremías 19:3 Iomraidhean Croise

Salmo 102:15

Bela dulemar-yar-baid-baidgi-bukwamaladi, Bab-Jehová-nug-dobe-nanadii gumaloed. Bela-yar-baid-baidgi-reyga-mamaid, Bab-Jehová-e-gangued-yeerdakleged magar-dakmaloed.

Salmo 110:5

Bab-Jehová, Dule-Dummad be-argan-nuedsik siid. Sabsur-urwenonikoed-e-ibagi reymar-mamaid ese ibitomaloed.

Salmo 2:10

Reymar, degisoggu, wisigarmar, nue-binsaed-nikaa damalo. Dulemar-negsemamaid, ¡nue salakarmar! Bab-Jehová bega ibmar-sognaidba be damar.

Isaías 28:19

Be-isdarmalad bemargi-gwichigued-ilibali, ese be bergudii guoed. Bane-bane, mutikidbali, ibginedbali, bemargi nanagwichi guoed.” Bonigan-daniye itoarmalale, bela-belad nue-dobe itodmaloed.

Jeremías 13:18

”Reyga, degi, e-nanga be weyob sogo: ‘San-bipii na be imakmala. Bemar, rey-gangi-siidgi be aidemala, napagi be sigmala. Ar be-ologurgin-yeerdakleged-yoega bar bega igar maisulid.’

Jeremías 17:20

‘Judá-dulemar-e-reymar, Bab-Jehová-gayaburba be itomar. Degi, bela Judá-dulemar, bela Jerusalén-dulemar we-yawagakgi-dogdimalad, Bab-Dummad-gayaburba be itomar.’ ”

Jeremías 18:11

”Jeremías, emisgindi, Judá-dulemarga be sogo, degine, Jerusalén-dulemarga be sogbalo. Bab-Jehová weyob sogye ega be sogo: ‘An bemar-idu boni-dummagan urbenaiye, bemar-sabsur-odurdakedgi an binsanaiye. Bemar igar-isganagi bangumarye, be-daed be ogwamarye, be-ibmar-imaked nue be imakmarye.’

Jeremías 19:15

“Israel-e-Bab-Dummad-Jehová-Bela-Gangued-Nikad weyob soged: ‘Ar we-neggwebur, degi, bela e-neggwebur-burwigan-dikarba-bukwamaladi, an-ibmar-sogedba imaksasurmarsoggu, bela boni-dummagan-barmidagoye-an-sogsadi, an bemargi barmidasunnoye.’ ”

Jeremías 25:29

Bab-Jehová soged: “Neggwebur-angadga-gusadga bato an boni-dummagan barmidasokalid. ¿Sabsur-bemar-imakosurye be binsamala? Mer degi-binsamalo, ar bemar anse dummad-odurdaklegoed. Ar dulemar-bukwadbina an es-suid onosbinned.

Jeremías 35:17

”A-ulale, ani Israel-dulemar-e-Bab-Dummad-Jehová Bela-Gangued-Nikadi soged: Bela an Judá-dulemargi, Jerusalén-dulemargi boni-dummagan-barmidoye an sogsadi, egi an barmidoed. Ar an ega ibmar-sogsadba ibsassurmalad, an ese-gochadi an-itossurmalad.”

Jeremías 44:3

Ar ade, ibmar-isgana-imaksamaladba deyob gusad. Ar bab-dummadyob-imaklemalad-e-bab-dummaganga-imaksamaladba an-oulusmalad, degi, a-bab-dummaganga ina-wawadikmalad-ukdemaladba an-oulusmalad. Ar e-dadgana, degi, emarbela gwen we-bab-dummagan wissurmalanad.

Jeremías 6:19

”Dulemar, bela be an-itomar: Boni-dummad an Jerusalén-neggweburga sedanikid. E-isgudimalad-ulale, boni-dummad an ega sedanikid. Ar an ega ibmar-soged itossurmalad, aka an-igar-maid obachamalad.

Ezequiel 7:5

Bab-Jehová-Bela-Gangued-Nikadi weyob soged: “Sabsur-odurdaklegedi ukin-ukin danikid.

Mateo 10:18

Degine, ar be an-sapingan-gusoggu, dulemar, dummagan-negdakmamaid-asabin, degi, reymar-asabin be-ebipidmaloed, adi, dummaganga, degi, Judíoʼsurmaladga bemar angi sunmakmalagar.

Apocalipsis 2:29

Ar dule magar-itogele, Bab-Burba-Isligwaled anba-nanaimaladga-soged nue itogo.’ ”

1 Samuel 3:11

Geb Bab-Jehová ega sogded: —Nue itogo. An Israel-yargi ibmar-imaksokalid dulemar wisgualile, bela-bela gwakidmaloed.