Jeremías 15:3 - Kuna San Blas

³ Bab-Jehová soged: “We-dulemargine, we-boni-dummagan-sogabake an barmidoed: Bila-onoleged, adi, agi-burgwemalagar. Achumar, adi, e-muimar-ebipiegar. Mulamar, adi, e-san-gunmalagar. Geb ibdurgan-sapurbarmalad, adi, bela e-san-obelomalagar.

Jeremías 15:3 Iomraidhean Croise

Salmo 68:23

Be-naga, be-isdarmalad-e-ablisbi-moodo-guega an imakoed. Be-achumar we-ablis elomaloed.”

Isaías 18:6

Deyobi, bela we-dulemar gumogoed. Ibdurgan-sapurbarmaladga miledoed. Yorgi, nuu-ibmar-burgwarmalad-gunmalad-masga guoed. Dii-wied-ibagangine, bela ibdurgan-sapurbarmalad-masga guoed.”

Jeremías 12:9

An-dulamar, igi nuu-e-absar-akar-akar-daklemalad sulubagise-balegilledidaeyobi gued. ¡Bela be dagmar! Bela ibmar-durgan-ursirmalad, dulemargi-aibinega egi be dagmarsun.

Jeremías 14:12

Ar anse-goled-ular, mas-gunsuli-gumalale, amba an itogosulid. Ar amba anga ibmar-ogumakar-ukmalale, anga ibmar-gwagmar-ukmalale, amba an abingaosulid. Es-suidgi an we-dulemar obelogoed, degi, ukudgi, boni-dummagangi an we-dulemar obelogoed.”

Jeremías 14:16

”Degine, dule-we-sunmakmalad-itosmaladi, Jerusalén-neggwebur-neg-imbabali ukudba mellemamai gumaloed, es-suidgi oburgwilemaloed, igarba-mellemamai gumaloed. E-omegan-e-muimar, e-masmala-e-muimar, e-bunamala-e-muimar gwen dule digosurmalad. Ar dule-muimar-digedbela sate gumaloed. Ar bela e-isgumalad egi aibinega an imakoed.

Jeremías 16:4

“Wemala, bonigan-dummagangi burgwemaloed, gwen dule ega boosurmalad. Geb degine, e-muimar gwen dule nuedgi digosurbalid. Bela e-muimar ibmar-isganayob napagi-omilede guoed. We-dulemar es-suidgi oburgwilemaloed, ukud-dummad egi gwichiguoed. E-muimar, ibdurgan-gukumalad-e-masga guoed, achu-sapurmar-e-masga gubaloed.”

Jeremías 7:33

We-neggweburginmalad-e-muigan ibmar-durgan-gukumalad-e-masga guoed, achu-sapurmar-e-masga guoed. Dulemar we-ibmar-durgan ogwayosurguoed.

Lamentaciones 3:11

An-san-oichimakega igargi an-obachad, mer bendakleged-amiega, walagwen an-obesad.

Ezequiel 14:21

”A-ulale, ani an Bab-Jehová-Bela-Gangued-Nikadi weyob soged: ‘An wemar-sabsur-odurdaked-bulegan-sogabakegwad barmialile, Jerusalén-neggweburgi bur bule neg-guoed. Bila-onolegedgi, ukud-dummad-naguedgi, ibmar-durgan-ursilimargi, degi, bonigan-bulegangi, an e-dulemar, degi, e-ibmar-durgan ogilogoed.

Ezequiel 33:27

”Degisoggu, ani Bab-Jehová-Bela-Gangued-Nikadi weyob sogye, ega be soge: ‘An-sunnad an ise-sogar soged, dulemar-neg-bibichisadgi-gudidimalad es-suidgi burgwemaloed. Dulemar-sapurba-gudidimalad ibmar-durgan-ursirmarse dolegega an imakoed. Dulemar-negmar-dutusulidgi, degi, ibe-ollor-siidgi-gudidimalad boniganba burgwemaloed.

Levítico 26:16

an weyob bemar-sabsur-imakoed: Ukiar dobed-dummad bemargi nagunonikoed, bonigan-dummagan, degi, uellemalad-dummagan begi an barmidagoed. Wemala, be-ibyamar oichogoed, degi, be-sanmar nolloo imakoed. Be-ibmar-gwag bemar binsa digmaloed, ar ade, dule-baigan bemar ibmar-gwag-digmaloedi gunmaloed.

Levítico 26:22

Degine, bemargi ibdurgan-sapurbarmalad-ursilimalad an barmidabaloed, adi, be-mimmigan ese bergumalaga, degi, be-moli-bebe-nikamalad bei oburgwemalagar. Degisoggu, bemar ichee-gudmalosoggu, dule-be-igarba-nanamalad sate gudmaloed.

Levítico 26:25

An bemar-ebo-igar-mesisadba bemar dasurmalale, bemar urwenanaidgi, es-suidgi-burgwega an bemar-imakoed. Ar bemar bemar-neggweburgi be dukunadmalale, uelleged-dummad begi an barmidoed, degine, bemar, be-isdarmaladse be galakumaloed.

Amós 5:19

Dule aisaar achumigur-idu-wakinmaiyob guoenad, degi-inigwele, wiob-abingudagoed. Deyobiyobi, a-iba ega guoed. Dule e-negyaba-dogmaile, galugi akadapiyob guoed, galugi-akadapidba naibegi-warmaksayobi guoed. Deyobiyobi, a-iba ega guoed.

Deuteronomio 28:26

Be-muimala mulamar-masga, degi, ibdurgan-ursirmar-masga gumaloed. We-ibdurgan be-muimar-gunnanair, dule ogwayed satemaloed.

Deuteronomio 32:24

An Israel-dulemargi ukud-dummad barmidagoed. Uelleged-dummad, degine, bonigan-dummad, we-dulemar-obelogega an imakoed. Degine, Israel-dulemargi achu-sapur-ursilimar an barmidagoed, naibe-nuegan napagi-unimakdimalad egi an onioed.

Apocalipsis 6:8

An dakdegu, moli-gordikid noarbali an dakalid. Dule-a-moli-birgi-siidi Burgwedye nugad. A-sorba, Dule-Burgwarmalad-Meged-Nega nadapmogad. Wemarga, napneggi-dula-bukwad-sogabake-mamarisad-soggwen ogilogega ega gangued uklesad. We-ibmarmargi oburgwega: Es-suidgi oburgwega, ukudgi oburgwega, gegumalad-dummadgi oburgwega, ibdurgan-sapurbarmalad-ursirmaladgi, ogilogegar.