Jeremías 13:9 - Kuna San Blas

⁹ “Ar igi be we-sasirdub nunu-daksa, deyopira an Judá-dulemar-na-san-dummarba-imakdiid imakoed. Jerusalén-dulemar-na-san-dummarba-imakdimarmogad deyob an imakbaloed.

Jeremías 13:9 Iomraidhean Croise

Proverbios 16:18

San-odummolegedgine, ibitoged-igar maid. San-dummarba-imaklegedgine, yoleged-igar maid.

Isaías 16:6

”Anmar itodiid, Moab-dulemar doggus na san-dummarba-imakmarye. Wemar na bule-bule-na-san-imakdimalad. Dule-buledye na sogdimalad. Doggus-e-sunmakedgi emar-mesagwar imakdimalad. Ar binsarsunna deyob-damalad anmar nue-wisid.

Isaías 23:9

Bab-Jehová-Bela-Gangued-Nikad we-igar mesisad, adi, dulemar-nug-gannarba-nikad ei obelogega, bela dule-napneggi-nuga-nikamalad-e-nug bipii imakegar.

Jeremías 13:8

Geb Bab-Jehová weyob anga sognonibalid:

Jeremías 25:18

We-dulemar an ogobsad: Jerusalén-dulemar, Judá-dulemar, Judá-e-reymar, bela e-dummagan an ogobsad, adi, obelogegar. E-neggweburmala, akwabi ambikusmalad, egi-dodolegedga gusmalad, degi, ukabsalegega an imaksad, igi emi-ibagi amba deyob daklege.

Jeremías 48:29

Moab-dulemar-san-dummarba-imakedi anmar wisid, doggus na san-dummarbaa imakmalad. San-bule-bule samalad, san-dummarbaa imakmalad, san-gandiki samalad, dule-buled san-imakmalad.”

Ezequiel 16:50

Dule-bamaladba na san-dummarbaa itodii gusmalad, an-asabin ibmar-isgana-imaksamalad. A-ulale, an deyob-daksagua, an obelosad.

Ezequiel 16:56

Amba-yoo be-isgued-wisgulegu, be san-dummarbaa itodii gusad,

Levítico 26:19

Bemar be-san-dummarba-imakmaladi, an san-bipii bemar-imakoed. Nibneg esgoroyob, an bega imakoed, degi, napadi esgoro-gordikidyob an bega imakbaloed, ar ade, dii wiosulid, degi, napagi ibmar-sanmakosulid.

Nahúm 2:2

Ar Bab-Jehová Jacob-dulemar-e-yeerdakleged gannar obinoged. Israel-dulemar-e-yeerdakleged gannar obinoged. Ar dule-atursamalad e-ibe ibmar susmalanad, bela e-ibe uva-dub obelosmalanad.

Sofonías 3:11

A-ibagine, be angi-yoledigusadgine, bar be bingeguosulid. Be-abargi dule-na-san-dummarba-imakdiid, dule-na-nuga-nikadga-imakdiid, an obelogoed. Deyobi, an-yar-islidikidgi, bar na san-dummarba-imakdii guosulid.

Lucas 18:14

”Ani Jesús, an bega sogmar, ar we-dule Fariseoʼba bur gwage nugus-naddo. ”Ar ade, dule-wargwen na nug dummarbaa saele, a-dule, bur nug bipii guoed. Ar dule na nug bipii saerdi, adi, a-dule, bur nug odummolegoed.”

Santiago 4:6

Ar Bab-Dummad na e-anmar-wiledakedba bur bule anmar-bendaked. A-ulale, weyobi e-gardagi soged: “Bab-Dummad, dule-na-san-dummarba-imakdimaladgi gwisgudaed. Ar dule-na-san-bipi-imakdimaladdi, Bab-Dummad amar-bendakdaed.” Proverbios 3:34

1 Pedro 5:5

Sapingana, bemarmoga, girmar-selegan-urbaligwa ibmar-imakdii be gumarmo. Degine, bela na be muchub-muchub urbaligwa be nanamar, degi, san-bipi na be imakmar. Ar ade: “Bab-Dummad, dule-na-san-dummarba-imakdimaladgi gwisgudaed. Ar dule-san-bipi-imakmaladdi, Bab-Dummad amar-bendakdaed.” Proverbios 3:34