Jeremías 13:21 - Kuna San Blas

²¹ Wede igi be sogosunna, Bab-Dummad, be-ai-nueganga-guega be odurdaksadi be-dummaganga nug-imaksar. Naibid-dummad be itomaloed. Sior-gwensak muu-neggi-ugakgunaile, nunmaked-dummad abinganaidae, debayobi, ulubgi be nunmaked itogoed.

Jeremías 13:21 Iomraidhean Croise

2 Reyes 16:7

Rey-Acaz, Asiria-rey-Tiglat-Pileserʼse e-nuggi dulemar-barmisad, ega weyob sogsiid: “Andi be-maiga gued, unnila be-sogedba gudiid. Degisoggu, Siria-e-rey, degi, Israel-e-rey, angi gwisgunanaidgi be an-bendakdage.”

Isaías 10:3

Bemar sabsur-odurdaklealile, ¿bemar igi imakoe? Boni-dummad bannaba-nosa begi-dani be dakalile, be-bendakega, ¿doase be goloe? ¿Bia be-ibmar-nuegan be odukumaloe?

Isaías 13:8

Bela-belad dobe-itodmaloed, suli-suli-itomaloed, nunmaked-dummadi egi nagudmaloed. Igi-sior-muu-neggi-ugakgunair nunmaked-itodae, deyobi, egi nunmaked nagunonikoed. Dukin-dukin geger na dakdemaloed, e-wagarmar-daklegoedi, bela-bela dobed-nika daklemaloed.

Isaías 21:3

A-ulale, an-abagan nunmakedba wawanmaked, an nunmaked-dummad itoged. Sior muu-neggi-ugakgunair abagan nunmakdaeyobi, an nunmak itoged. An dule-sunmaked-itogedi, suli-suli-ito an-imaked. An ibmar-dakedi, dobed-dummad anga uked.

Jeremías 2:25

”Bemar, Israel-dulemar, melle nag-swili be gudii gumar, ar degiile, na be dukin naibigumaloed. Melle be-gammu na dinguega be imakmar. Ar be sogsad: ‘¡Suli! ¡Geg an na san bargaed! Bur an bab-dummad-baiganbina soged, bur amar-e-nug an na odummodii guoed.’

Jeremías 22:23

Emide be, Líbano-yargi be maid, urwargi be uu-sobsayobi be gued. Ar emisgindi, be dummad-naibid itosunnoed, igi ome-muu-neggi-nai, nunmaked-itonaidyobi, be nunmaked itonai guoed.”

Jeremías 30:6

Yamo be dakena, ese be egisena, machergan, omeganyobi muu-neggi nagusogeye. Degite, ¿ibiga machergana, siamar-muuneggi-nagueyobi, musiragi alamaknanai an daksunna? ¿Ar ibiga e-wagarmar bela sipuu daklesunna?

Jeremías 38:22

‘Bela Judá-reyneggi omegan-amba-bukwadi, Babilonia-rey-e-dummaganga uklegoye. Ar a-omegana weyob bakar bega sogmaloye: Rey, be-aimar be-walikamaladi, be-yamosmalad, begi nakwismalad. Emigindi, be-nag napa-olli-ollidyaba dogsa-gwichid, be-aimar bela begi bangudmalad.’

Jeremías 4:30

”Bemar, Jerusalén-dorgan nue be wilesmalad: ¿Ar igi be binsamala? ¿Ibiga be mor-gargemalad yomala? ¿Ibiga be ormar-nuegan nasikmala? ¿Ibiga be ibya-sigamar magmala? Ar binsarsunna yeerdaklege na be san-imaknanaid. Ar dule-be-abesmalad, isdar be-dakmalad, unnila be-oburgwega be-abemalad.

Jeremías 4:31

”Igi-ome na gebe e-igargi-boni-itonaile, binnasuli-gornaidae, deyobi, dulemar-gole an itoged. We-binnasuli-gornanaidi, Sión-dulemar gornaid, akus-akus bunnonaid. Na e-argan-onakwale, weyob sognanaimalad: ‘¡An duledar-wiles-ini! ¡An bela! ¡Dule-gindakmalad an-gasmalad!’ ”

Jeremías 48:41

Moab-neggweburmar bela sulegoed, e-neg-gandikmalad bela egadga imakmaloed. A-ibagine, Moab-sorda-bila-onomaladi, ome-ugakgunair boniganba-galitonaidaeyobi, wile itomaloed.

Jeremías 5:31

An-gayaburba-barsogmalad, unnila gakansaale sunmakmalad. Dule-irwa-anse-gormalad, na e-itolegedba negsemamaid. An-dulamarde, weyob-abeye soged. Ar bela ibmar bergunonikile, ¿bemar igi-gudmalosunna?”

Jeremías 6:24

Jerusalén-dulemar sogdemalad: “Anmarse gayaburba nonikid, degidbali, anmar niga argwated. Anmargi dobe-itogedi obined, igi-ome-ugakgunair boniganba-galitonaidae, deyobiyob anmar itoged.

Ezequiel 28:9

Dulemar-be-oburgwemaloed-asabin, ¿amba be sogoe: Ani an Bab-Dummadye? Ar dulemar-be-gindakmaladga bab-dummadga be guosulid, unnila be dule gued.

Mateo 24:8

Degi-inigwele, bela we-ibagan-bulegan, igi bunor sikwi-bakesokalile, e-bonigan-itoar-dae, deyob guoed. Ar a-sorbardi, bur bule ibagan-bulegan nonikoed.

1 Tesalonicenses 5:3

Dulemar weyob-sogmaladgine: “Bela neg-bogidik-naiye, ar ibiga anmar dobgudagoye.” A-dulemargine, ukiagwale bergued-ibagan nonikoed. Igi ome-wargwen ukiar na e-bonigan itoardae, deyob nonikoed. Dulemar we-igargangi gwen wakinnosulid.