Biblia Todo Logo
Bìoball air-loidhne

- Sanasan -




Jeremías 13:14 - Kuna San Blas

14 Bab-Jehová soged: “Na muchub-muchub-sarsomalaga an imakoed, babgana, e-mimmiganbo-sarsomalaga an imakbaloed. An we-dulemar bai-dakosulid, wile an ebinsaosulid. An we-dulemar obelogoed.”

Faic an caibideil Dèan lethbhreac




Jeremías 13:14
30 Iomraidhean Croise  

Ar Amón-sordamar, Moab-sordamarbo, Seir-yarginmaladgi gwisgudmalad. Geb bela Seir-sordagan-ogilosmalad. A-sorbali, Amón-sordamar, degi, Moab-sordamar na muchub-muchub bela-osulogedse e-sordamar-ogilosmalad.


Bab-Dummadi, dule-isganagi sabsur-yoleged, dule-isgana Bab-Dummadgi, aisaar wakinnoeyob itodaenad.


Sabsur-gandikidba be negseoed, sianar-irgwensur-mamariddaedyobi, be a-dulemar-imakoed.”


Geb sapi dingudele, e-anagan bibichiddaed. Geb omegan, sapanga aminonidamalad. Ar Israel-dulemar neg-gunaid nue-akusunna itomalad. A-ulale, e-Bab-Dummad-e-obinnisadi, we-dulemar-wiledaksulid, a-ulale, e-Bab-Dummad-e-obinnisadi, we-dulemarga igi-barsaye sogosulid.”


Jerusalén-dulemar, ¿doa wile be-dakoe? ¿Doa bebina booe? ¿Doa be-egisoe, bede nueganbi-sogeye?”


Bab-Jehová soged: “Bemar an-obachamalad, be angi bangudmalad. Degisoggu, an bemargi gwichiguoed, an bemar-obelogoed. An wile-bemar-dakdiid budar-itogusad. Wese-ugaksun.


Bab-Jehová weyob sogbalid: “Melle dulemar-bonanaid-negse be dogo, de-ukinbali, melle ega be bonabalo, degine, melle be e-naibi-itodiid baisur-itogega be imaknabalo. Ar ade, an we-dulemargi an-bogidikid-ega-uksadi, an e-ibe obelosad. An-sabguedi an e-ibe osulosad, an-wile-dule-dakedi an e-ibe osulosbalid.


Bab-Jehová soged: “Deyob-gusad-sorbali, geb an Babilonia-e-reyga Judá-e-rey-Sedequías an ukoed, e-dummagan an ukbaloed, degine, dulemar bonigi-burgosurmaladi, bilagi-burgosurmaladi, degi, ukudba-burgosurmaladi, Babilonia-Rey-Nabucodonosorʼga an ukoed. E-isdarmalad-oburgwebigudimaladga amar an urmakbaloed. Geb Nabucodonosor es-suidgi amar-oburgoed, igi-barsaye ega gwen-sogosulid, wile gwen-dakosulid.”


We-dulemar gobsamalale, banamakdemaloed. We-dulemar, bila-onoged-an-barmidagoedgi suli-suli itodmaloed.”


Babgan molimar-nag-gole itoarmargu, ur-napaginmalad-e-nagmar-bipirmaknaid-gole itoarmargu, degine, ur-napaginmalad-gole itoarmargu, babgan dobedbali niga-argwatemalad, na e-mimmigan iedmalad.


Bab-Jehová soged: “Ibagan dani. Moab-dulemar-isdarmalad, Moab-dulemargi an barmidagoed, adi, Moab-dulemar yar-baidse sedmalagar. Moab-yala ollomaklegoed, e-neggwebur bela bibisgoed.


A-ulale, Bab-Jehová weyob soged: “An Jerusalén-dulemar-igar oburoed, egi yolemalaga an imakoed. Babgan, e-mimmiganmala, e-aimarmala, degine, e-neg-dikarba-mamaimalad, bela girgumaloed.”


”Sapingana, degi, dule-serganse-bakale, neg-imbaba burgwar mellemamaid. An-sapingana, degi, an-yagana, es-suidgi oburgwilesmalad. Be-uludedbali, be wemar oburgwisad, bela-bela-wiledaksuli, be wemar oburgwisad.


”Ani an Bab-Jehová-guedi we-ibmar soged. An we-ibmar imakedsegad. An-sunnad an imakoed, an sikirmakosulid. An wile-be-dakosulid, deginbali, an ibmar-sogsad an gannar-osulogosurbalid. Be-daedba, be-ibmar-imakedba an bega igar-nabogoed. Ani an Bab-Jehová-Bela-Gangued-Nikadi weyob soged.”


Israel-yar, be-bergued omosad, an-urwed be-itogoed. Be-daedba an bega igar-nabogoed, be-ibmar-isgana-imaksadba an sabsur-be-odurdakoed.


Bipisaale, isgussuliyob an be-dakosulid, an wile-be-dakosurbalid. Be-ichagwadaed-ulale, degi, be-ibmar-isgana-sae-daklemalad-imaked-ulale, an sabsur-be-odurdakoed. Degidbali be wisguoed, ani an Bab-Jehová gued.’ ”


Bipisaale, isgussuliyob an be-dakosulid, an wile-be-dakosurbalid. Be-ichagwadaed-ulale, degi, be-ibmar-isgana-sae-daklemalad-imaked-ulale, an sabsur-be-odurdakoed. Degidbali be wisguoed, ani an Bab-Jehová gued.


A-ulale, nue-urwedgi an sabsur-odurdakoed. Bipisaale, an sabguosulid, an wiledakosulid. Amba ise-wilegar anse gormaloen-inigwele, an itogosulid.”


A-ulale, an dulemar sabguosulid, an wiledakosulid, na e-damaladba an sabsur-odurdakoed.”


Ar dule-bamaladgardi weyob soge an itosad: “¡Eba be namala! ¡Neggweburgi be bipirmaknamala! ¡Wiledaksuli dulemar be ogilonamala!


An e-mimmigan wile dakosulid, ade, gambasaed-mimmiganad.


Bab-Jehová soged: “Deyopira, dulemar-we-yargi-gudimalad bar an sabguosurmogad. Dulemar-e-dikarba-yar-baid-baidgi-bukwamaladga an urmakoed, degi, e-reyga an urmakbaloed. Ar e-yar-naidi bela oitonanaile, bendakega an naosulid.”


Jesús, e-sapinganga sogdebalid: “Dulemar e-gwenadgan-oburgwega na muchub-muchub urmaknanai gumaloed. Bab na mimmigi aibinnai guoed. Mimmigan babgangi gwisgunanai gumogoed. Na oburgwenanai gumaloed.


”Oburgwega na gwenadgan muchub-muchub-urmaknanai gumaloed. Bab, na mimmigi-aibinnai guoed. Mimmigan, babgangi gwisgunai gumaloed, degi, na oburgwemaloed.


Bab-Jehová dule-isgusadga e-isgued eliosulid. Bab-Jehová-bela-bela-e-urwed, we-dulegi gwichiguoed. We-gardagi bela sabsur-odurdakleged-narmakar-naidi, bela we-dulegi gwichigunonikoed. Deginbali, Bab-Jehová, bela we-dule-e-waganse-bakale, obelogoed.


Saúlʼga-nakulemalad, Benjamín-neggwebur-Gabaaʼye-nugad-akale daksamalad, ar igi Filistea-sordamar gwayidedba akar-akar duurmakmai.


Lean sinn:

Sanasan


Sanasan