Jeremías 12:3 - Kuna San Blas

³ Bab-Jehová, bedi be an-wisid. Be an-dakdiid, be an-wisid igi an begi binsae. Igi sibad-wawaad e-oburgwileged-negse-selemaidae, deyob be we-dulemar sede. Oburgwileged-ibaga be we-dulemar saboge.

Jeremías 12:3 Iomraidhean Croise

2 Reyes 20:3

“Bab-Jehováʼye, mer be an-iege, ar andi be-sogedba innikigwadba bega nue nanadiid, beba napiragwadba an alamakdiid. Degine, be-ibmar-abegedba andi bega ibmar-imaksad.” Deyobi, Ezequías bela-belad isedar-boale meremai gusad.

1 Crónicas 29:17

Anmar-Bab-Dummadye, an wisi be anmar-wilubdaked, degi, dule-innikidaed be nue-abeged. Agala, an gwage-islidikidgi bela an bega ibmarmar uksad. Emide an daked, dulemar ibiyobi ulubgi weligwaledba bega ibmar uksamala.

Job 23:10

Bab-Dummaddi bela an-gudiid nue-wisimakaled. Bab-Dummad an-wilubdakye-sogele, or-swilimakaleyob an gusaled.

Salmo 11:5

Bab-Jehová, dule-innikidaed, degi, dule-isganadaed bela baramied. Bab-Jehová, dule-sabsur-emar-imakdiidgi-wergudiid isdardaked.

Salmo 139:23

Bab-Dummad, be an-baramie, an-gwage-ulub be dake, be an-wilubdake, be an-binsaed dake.

Salmo 17:3

Be an-binsaed nue-dakdaed. Mutikidba an nue-ulubgi-binsamaid be baramidaed. Nue be an-wilubdaksad, ibmar-isgana be angi amissurgusad. An na sogsad, an-sunmakedgi an begi isguosurye.

Salmo 26:1

Bab-Jehováʼye, an-akar-akar-gudisulid be oyoge. Begi an bengussulid, begi gwen an bangussulid.

Salmo 7:9

Bab-Jehová, bedi Bab-Dummad-innikigwadid, bedi dule-binsaed bela baramied. Degisoggu, dule-isganamar-e-ibmar-isgana-imakdimalad be obeloge. Dule-nuegandi, melle be osikirmakega imake.

Jeremías 15:15

Ani Jeremías, Bab-Jehováʼga sogded: “Bab-Jehová an be-ular-wilediid be nue-wisid. ¡Melle be an-iege! ¡Be an-bendakdage! ¡Dulemar an-balegindimalad buged-mai be imake! Be-gwae-gwae-itosurdaedba, melle we-dulemarse-burgwega be an-imake. Be nue-an-dake, an be-ular uasoledid.

Jeremías 17:16

Bab-Jehová, an bega-ibmar-sogsadi be nue-wisid, ar an be-asabinni an bega ibmar sogsad. Degi-inigwele, an begi alamaknai gussulid, be we-dulemar sabsur-odurdakye, be we-dulemargi boni-dummagan-barmidaye an bega sogsasurbalid.

Jeremías 17:18

¡Baba, melle bingeguega be an-imake! ¡We-dulemar be obingegsae! ¡Melle dobe-itogega be an-imake! ¡We-dulemar be odobgue! ¡Ibagan-bulegan ega be barmidage! ¡We-dulemar be obeloge! ¡Ilabogwadse be wioge!”

Jeremías 20:12

”Be, Bab-Jehová-Bela-Gangued-Nikadid. Bedi dule-innikigwad-e-daed balamied. E-gwage-ulubgi-ibmar-itoged be wisid, degi, e-binsaed magar be daked. Degisoggu, be we-dulemar-buged-mai-imakoed-dakega be an-imake. Ar an-bonigan an bega uksad, emidi, begi siid.

Jeremías 48:15

Ani an Rey-guedi, Bab-Jehová-Bela-Gangued-Nikadye an nugad. Weyob an soged: Moab-dulemar bela oitolegoed, e-neggweburmar bela sulegoed. E-sapingana, oburgwileged-negse seledoed.

Jeremías 50:27

E-moli-bebe-nikad-sapingana bela be oburgwemar. Oburgwileged-negse be sedmar. Babilonia-dulemar, duledar-wilesmalad, sabsur-odurdakleged-iba ega nonikid.

Jeremías 51:4

Babilonia-yalagi burgwar omiledmaloed, neg-galimbabali e-muimar omiledoed.

Juan 21:17

Gannar irbaagwadgi Jesús sogdebar: —Jonás-machi-Simón, ¿be an-sabe? Pedro, Jesús ega gannar-gannar irbaagus-soge-itogedba bukib-ito naded. Ega soggu: “¿Be an-sabe?” Pedro, abin-sogded: —Dummad, bela ibmar be wisid. An nue-be-sabed be wisid. Jesús ega sogded: —Degirdi, an-dulamar-sibad-wawaadyob-gudiid nue be anga sedii imako.

Santiago 5:5

Bemar we-napneggi bela ibmar-nika gudigusad, degi, bela galagwensuli gudigusmarbalid. Oburgwileged-ibaga bemar na bela-bela dukin owardungusmalad.

2 Pedro 2:12

Ar we-dulemardi ibdurganyobid: Binsaed-satemalad, e-itolegedba gudimalad. Ibdurganyob, galegega gwalulesmalad, degine, oburgwilegega gwalulesmalad. We-dulemardi na dukin e-isguedgi bergudmaloed.