Jeremías 1:9 - Kuna San Blas

⁹ Geb agine, Bab-Jehová e-argan anse-oyoalid, geb an-gakuli ebusad. Agine weyob anga sogded: “Be-gwabindukugi an bega, an-gayaburbamargi-sunmakoed an nasiksad.

Jeremías 1:9 Iomraidhean Croise

Isaías 49:2

Es-suid-swiswidikidyobi an-gayaburba imaksad. E-argan-yaurgine an-odukusad. Sigu-daarmakaledyob an-imaksad, e-sigumar-saboged-yaba an-odukusad.

Isaías 50:4

Bab-Jehová binsaed-ibegan-sunmaked-gwabinduku anga uksad, adi, dulemar-geggus-gudimalad-e-gwage gadi-gadi-imakegar. Bab-Dummad bane-bane wakudaryalabali an-odaked, ibmar-itogega an-imaked, adi, dule-ibmar-durdaknaidyobi an ibmar durdakegar.

Isaías 51:16

Be-gwabindukugine, an-gayaburba an nasiksad. An-ganguedbali an be-anar gwisgusad. Ani an mogir-billi nasiksad, ani an napneg nasiksad. Degine, Sión-yalagi-bukmaladga an weyob sogsad: ‘Be an-dulamar guye.’ ”

Isaías 59:21

”An bemarbo igar mesed, An-Burba bemargi maigu guoed. Be-gwabindukugine, an bega an-gayaburba-nasiksadi, bar begine alliosulid. Degi, be-mimmigangine, be-wagangine, bar an-gayaburba alliosulid, emi-ibadse degisadegu guoed.”

Jeremías 15:19

A-ulale, Bab-Jehová weyob soged: “Gannar be anse dagye-sogele, gannarse an be-onudakoed, be anga arbadii guoed. Yogasaar be-itolegedba be sunmaksulile, unnila napiragwadba be sunmakele, bee be, anga gayaburba-berbegedga guoed. We-dulemarba be mer ibsao, ar wemar bur be-sunmakedba ibsamaloedid.”

Jeremías 34:6

Geb Bab-Dummad-gayaburba-barsoged-Jeremías bela Bab-Jehová ega ibmar-sogsadi, Judá-rey-Sedequíasʼga Jerusalén-neggweburgi sogsad.

Jeremías 36:2

“Garda-suid be sue, agine bela an bega Josías-ibagan-akar emi-ibadse ibmar-sogdanikid be narmako. An bega, Israel-dulemargi, Judá-dulemargi sunmakdanikid, degine, bela dulemar-baigangi an bega-sunmaksadi bela be narmako.

Jeremías 5:14

Degisoggu, ani an Bab-Dummad-Jehová-Bela-Gangued-Nikad bega soged: “Weyobi, dulemar sogsamarsoggu, Jeremías, an-gayaburba be-gayagi sooyobi guoed. We-dulemardi, sapanyobi gumaloed, bela bergumaloed.”

Ezequiel 3:10

Anga sogdebalid: “Dule-machi, an bega-ibmar-sogoedi be nue itogo. Nonogi bela be gao.

Daniel 10:10

Agine, dule an-ganonikid, geb napagi-akani yokorgi-sigega an-imaksad.

Daniel 10:16

Geb degine, gwensak duleyob-itoged an-gakuli ebunonikid, geb an nabir sunmakded. Dule-an-asabin-gwichidga an weyob sogded: ‘Dummad, an we-negburgan-daksad-ulale, an surbinsa-itoged, an nolloo itoged.

Números 23:5

Bab-Jehová Balaamʼga gayaburba ukded, ega weyob sogded: —Balac-gwichidse be nae, an bega-ibmar-sogsad ega be sogna.

Mateo 10:19

”Ar dulemar a-dummaganga be-uksamalale, mer be bukib binsamalo, igi an sogodibeye. Ar be sunmak-sokalile, Bab bega binsaed ukoed, igi be sogoe.

Marcos 7:33

Jesús a-dule dulesulidba bachikii sesad. Geb Jesús dule-bonigwaled-uaya-yaba e-goo odos imaksad, degi, e-googi wiaksagu, dule-bonigwaled-e-gwabin, e-googi ebus imaksabalid.

Lucas 12:12

Ar be sunmak-sokalile, Bab-Dummad-Burba-Isligwaled bemarga sogoed, igi be sogoe.”

Lucas 21:15

Ar ani an bega binsaed-nued ukoed igi be sogoe. Bela dulemar-begi-gwisgudimalad begi obinosurmalad, ar ade, geg be-abinsae gumaloed.

Deuteronomio 18:16

We be egichis gusmalad, deunni, ar Horeb-yargi, dulemar-bukidar-bukwagusad-abargi, bemar be-Bab-Dummad-Jehováʼba be sogsa gusmargu: ‘Anmar yapa bar anmar-Bab-Dummad-Jehová-e-gaya itoye, anmar yapa bar we-soo-gwabunye-gwichid dakbarye. Ar anmar burgwebisuliddeeye.’

Deuteronomio 18:17

”Agi, Bab-Jehová anga sogsagusad: ‘We-dulemar-ibmar-soged, an nabir itoye.

Deuteronomio 18:18

Agala, an, an-gayaburba-barsoged-beyobidi be-gwenadgan-abargi gwensak an ega barmidagoye. A-dulegala an-gayaburba an ega ukoye. A-dule, ar igi an ega sogoe, bela bemarga sogmogoye.