Jeremías 1:8 - Kuna San Blas

⁸ Ani an Bab-Jehová-guedgi bega soged: Melle be dulemar-abin gwayo. Ani an be-bendakega beba gudii guoed.”

Jeremías 1:8 Iomraidhean Croise

Éxodo 3:12

Bab-Dummad Moisés-abin sogded: —Ani an beba gudiguoed. Wegi be dakoed, ani an be-barminaid: An-dulamar-Egipto-yargi-bukwad be onosale, bela bemala we-yargi be an-nug-odummobukwa gumaloed.

Isaías 43:2

Be dii-obaknaile, an beba nadapmogoed. Be diwar-obaknaile, be gundilegosulid. Soo-birgi be nadapile, gwen be gummakosulid. Soo-duurmakedi gwen begi naguosulid.

Isaías 51:12

Bab-Jehová weyob soged: “Ani an bemar-gwage baisur-itoge imakedid. ¿Ar ibiga be dulemar-dobe? Ar wemardi, unnila gagan-durganyob gumalad.

Isaías 51:7

”Bemar, igar-napiragwad-wismalad, be an-itomar. Gwagegi-an-igar-sedidimalad, be an-itomar. Dulemar-begi-ichakwa-sunmakedi, melle be dobgumalo, sabsur-e-ibmar-sogedgi, melle be niga argwanmalo.

Jeremías 1:17

”Jeremías, bedi guakwagudii sao. An bega bela-ibmar-sogoedi, be sognao. Melle be we-dulemar dobguo. Degisulile, ani an dulemar-asabin-gwayega an be-imakoed.

Jeremías 1:19

We-dulemar bela begi gwisgunanai gumaloed, degi-inigwele, begi obinosurmalad. Ar ani an, be-bendakega beba gudii guoed. Ani an Bab-Jehová-guedgi, we-ibmar an bega soged.”

Jeremías 20:11

”Degi-inigwele, Bab-Jehová, bee be anba gudiid, bila-onoged-gandikidyob be anba garmakdiid. Degisoggu, dulemar an-balegindimaladi, angi obinosulid, anse galakumaloed, igarga guosurmalad, bingedar itomaloed. Degisadegu, suli-suli-itodii gumaloed, bipisaale dulemar we-ibmar iegosurmalad.

Jeremías 30:11

Bab-Jehová soged: “An be-bendakega be-yalaba gwichid. Bia an be-oaisakismala, a-yarmala an bela-naitinagase obelogoed. Degi-inigwele, bemardi an be-obelogosulid, unnila igar-innikigwadba an sabsur-bemar-odurdakoed, an bemar-odurdaksuli an guosulid, an bemar-odurdakedsegad.”

Jeremías 39:11

Babilonia-rey-Nabucodonosor ega-nakulemalad-e-dummad-Nabuzaradánʼye-nugadga Jeremías-akwega weyob igar uksad:

Jeremías 42:11

Bab-Jehová soged: “Bemar Babilonia-rey-dobgudimalad, melle be dobgumalo. Ar ani an bemar-bendakega bemarba gudiid, degi, Babilonia-rey-e-ganguedgi bemar-ollorsaega an gudiid.

Daniel 3:17

Ar soo-ginnitibi-gasiid-yagi anmar-metemalale, anmar-Bab-Dummad, anmar e-nug-odummodiidi sunna soogi, degi, begi, anmar-ollor-imaked.

Daniel 3:25

Geb degine, Rey sogdebalid: —Degite, soo-abargi dule-walabake achikar-gudii an daked. Gwen akar-gusuli an dakbalid. E-bakegwad-wargwenadi, baliwituryob dakleged.

Mateo 10:26

Jesús sogdebar: “Degisoggu, dule-isdar-be-dakmalad mer be dobgumar. Ar bipisaale ibmar-dukuar-imaklegedi, magadse buud noosurdeeye gwen soglesulid. Degi, ar emi amba ibmar-dukualed wisgulegosurdeeye gwen soglesurbalid. Ar wisgulegedsegad.

Mateo 28:20

An bemar-odurdaksadba bela eba nue-nanamaloye be amar-odurdako. Napira an bemarga soged, an emi bemarba we-napneg-berguedse, bane-bane an gudiguoed. Be itogua.

Gusmalad 18:10

Ar an beba gudiguad, degisoggu, dule gwen be-oakalogosulid. Ar ade, we-neggweburgi dulemar-bukidar-anba-nagumaloed an nikad.”

Gusmalad 26:17

”Dummad-Jesús anga sogdebar: ‘Judíoʼmarse, degi, Judíoʼsurmaladse an be-barmid. Amar be-oakalobigualile, ani an be-ollor-imakoed. Amarse, an be-barmid:

Gusmalad 4:13

Dummagan dakarmargu, Pedro, degi, Juan, dobsuli ibmar soge-soge gwichi, geger dakdemalad. Ar ade, wismalad, we-dulemarde dogdar garda wissurmaladi, degine, dule-binsarmaladi. Degi-inigwele, magar daksamalad, wemarde Jesúsʼba-gudigusmaladi. Degisoggu, a-ular binsaed-nikarba sunmakmarye annik sogdemalad.

Gusmalad 4:29

”Emigindi, Bab-Dummad, nue be dake, ibiyobi anmar bega-arbamalad-ulale, dummagan, anmargi yolenanai. Degisoggu, anmarga gangued be uksun, adi, dobsuli be-gayaburbagi anmar sunmakmalagar,

Efesios 6:20

Ar ade, Bab-Dummad-nuggi-an-sunmakdiid-ular an esgoro-dubgi emi an edilles mellesisunnad. Anga Bab-Dummadse gatik gormalo, adi, an dobsuli we-Gayaburbagi an sunmakegar. Ar deyob an dobsuli sunmakergebed.

Deuteronomio 31:6

Degisoggu, ¡be gangumar! ¡Mer galakumar! Ar ade, be-Bab-Dummad-Jehová bemar-idunadapsoggu, melle be we-dulemar dobgumalo, melle ese be gwayemalo. Bab-Jehová walagwen bemar-metosulid, bemargi banguosulid.”

Deuteronomio 31:8

Bab-Jehová-sunnad be-idunadapi guoed, beba gudigu guoed, walagwen be-metosulid, begi banguosulid. Degisoggu, melle be dobguo, melle be galakuo.”

Josué 1:5

Be-dula-gudiidgi, dule bipisaale begi nakosulid. Ar an igi-Moisésʼba gudigusa, deyobi, an beba gudii gumogoed. An be-metosulid, walagwen an be-obegosurbalid.”

Josué 1:9

Bato an bega sogsad: ¡Gandik be sao, melle be galakuo. Melle be dobguo, melle be nig-argwanbalo! Ar bia be naoedba, ani an be-Bab-Dummad-Jehová, beba gudii guoed.”