Jeremías 1:3 - Kuna San Blas

³ Deginbali, Josías-machi-Joacim Judáʼgi reyga-maigusadgi, Bab-Jehová-gayaburba Jeremíasʼse nonigusbalid. Josías-machi-Sedequías Judáʼgi birgambe-gakagwensak-gaka-nii-walataledgi reyga-maid-bergusadse, Bab-Jehová-gayaburba Jeremíasʼse nonigusbalid. Wegisundo, a-ibagangi, deunni, Jerusalén-dulemar Babilonia-neggweburse gales-selesgusmalad.

Jeremías 1:3 Iomraidhean Croise

2 Reyes 23:34

Geb agine, Faraón-Necao, Josías-machi-Eliaquim e-bab-Josías-muchub reyga omesisad. Geb Eliaquimʼga nug-ogwanonikid, Joacimʼye onug-imaksad. Faraón-Necao Egipto-yarse Joacaz-sesad. Agi Joacaz burgwisad.

2 Reyes 24:17

Geb a-sorbali, Nabucodonosor, Joaquín-e-gilor Mataníasʼye nugad, Judá-e-reyga nug-imaksad. Geb ega nug ogwasad, Sedequíasʼye onugsasad.

1 Crónicas 3:15

Josías-e-masmala, wemalad: E-machi-sailagined, Johanán. Johanán-yarbalidi, Joacim. Joacim-yarbalidi, Sedequías. Sedequías-yarbalidi, Salum.

Jeremías 1:4

Bab-Jehová-gayaburba anse nonikid, weyob anga nonikid:

Jeremías 34:1

Deunni, Babilonia-rey-Nabucodonosor, bela-e-sordaganmala, degi, bela dulemar-eba-nanaimaladmala, degine, neggweburmar bela e-sogedba-selemamaidmala, Jerusalénʼgi, degi, neggweburmar-Jerusalén-nagaba-bukmaladgi gwichigunaigu, Bab-Jehová-gayaburba Jeremíasʼse nonikid. Ega weyob sognonikid:

Jeremías 35:1

Jeremías sogded: “Josías-machi-Judá-e-rey-Joacim-ibagangine, Bab-Jehová-gayaburba anse nonikid, weyob anga sognonikid:

Jeremías 36:2

“Garda-suid be sue, agine bela an bega Josías-ibagan-akar emi-ibadse ibmar-sogdanikid be narmako. An bega, Israel-dulemargi, Judá-dulemargi sunmakdanikid, degine, bela dulemar-baigangi an bega-sunmaksadi bela be narmako.

Jeremías 39:2

A-birgabogi gaka nii-walabake-ibabakebakgine Babilonia-sordamar galu-matusulid-akwabiid-neggwebur-ebirnaid geb egasmalad. Deun, agi Sedequías birgambe-gakagwensakgus (11) reyga maidgined.

Zacarías 7:5

“Bela dulemar we-yargi-bukwamaladga be sogo, dule-irwa-anse-gormaladga be sogmogo: ‘Bemar birga-irba, birga-dulapaa-gakambegus (70), nii-walataledgine, degi, nii-walagugledgine (7), mas-gunsulid-iba, degi, wile-itoged-iba onodamargua, ¿bemar nue anga mas-gunsulid-iba ononanaidamala?

Zacarías 8:19

“Ani Bab-Jehová-Bela-Gangued-Nikad weyob soged: ‘Judá-dulemargala nii-walabakedgi, nii-walataledgi, nii-walagugledgi (7), nii-warambedgi (10), mas-gunsuli-gudiguedi, weligwaledga, yeer-itolegedga guoed, iba-dummad-weligwaledga guoed. Degisoggu, neg-bogidikidbina be sogmar, igar-napiragwadbina be sogmar.’ ”