Gusmalad 9:6 - Kuna San Blas

⁶ Saulo nue-dobed-abalagine, wawanmakale, sogded: —Dummad, ¿ibi imakbi be an-abesunna? Dummad, abin-imakde, ega sogded: —Be gwisgu, neggweburse be nae, agi bega sogmaloed, ibu be imakoe.

Bab dummad Jesucristoba igar mesisad garda

⁶ Saulo nue dobe itoge, wawanmakde, sogded: “Dummad, degite, ¿ibi imakbi be an-abesunna?” Dummad, abin-imakde, ega sogdesun: “Be gwisgu, neggweburse be nae, agi bega sogmaloed, ibu be imakoe.”

Gusmalad 9:6 Iomraidhean Croise

Salmo 25:12

Bab-Jehová, dule-e-dobee-nanadiidga oyogoed, biti-igarba nanaoe.

Salmo 94:12

Bab-Jehová, dule-ibmar-noar-imaksad be nudakedi, we-dulegi be ise-nued binsasad. Be, be-igar-maidgi-dule-odurdakedi, we-dulegi be ise-nued binsasad.

Isaías 57:18

E-damaladi, an daksad, degi-inigwele, an ega nudakoed. Idudii an guoed, baisur-itoge an imakoed. Degine, dule-ega-bukib-binsadimalad,

Isaías 66:2

Ani Bab-Jehová soged: Ar belagwable we-ibmarmar ani an obinnisad, deyobi nagunonikid. ”Ani an dule-wilemalad, dule-suli-suli-itodimalad, degi, an-gayaburbaba binsaed-nika-nanadimalad, an yeer-daked.

Ezequiel 2:1

Bab-Jehová weyob anga soged: “Dule-machi, be gwisgue. An bebo sunmakgwelo.”

Ezequiel 3:22

Geb agi, Bab-Jehová na e-gangued angi odenonikid, degi, anga sogded: “Be-gwisgue, sapurba be nae. Agi, an bega sunmakoed.”

Habacuc 3:16

An deyob itosgua, bela an-gwage-ulubse an-ebusad, an be-gaya-itosgua, an-gakuli wawanmakded. Bela an-garmala gulleded, an-nagmar bela nollomakded. Degi-inigwele, andi binnalee, anmar-wionanaid-e-sabsur-odurdaklegoed-iba-nonikoedi, an edarbed.

Mateo 19:30

”Ar bukidar emar-idudimaladi, emar-sorbalidga gumaloed. Bukidar emar-sorbarmaladdi, emar-idumaladga gumaloed.”

Lucas 3:10

Ar degi, dulemar Juanʼse egichiar dasunnad, ega sogdedamalad: —Degite, ¿ibu anmar imakmarsunnoe?

Gusmalad 10:22

Amar, Pedro-abin sogded: —Roma-dule-sorda-dulatar-sediid, Cornelioʼye-nugad-nuggi anmar danikid. A-dulede, igar-napiragwadbadaed-duled, Bab-Dummad-dobekwaa-nanadiid-dulebalid. Deginbali, Judíoʼmar bela a-dule nabir dakmalad, bela bina sogedbimarbalid. Bab-Dummad e-baliwitur-isligwaledba Cornelioʼga sogsad bese gordaye, Pedro-ibmar-bega-sogoed, be nue itogoye.

Gusmalad 10:32

Degisoggu, Jope-neggweburse Simón-sunaega be dulemar-barmid. A-dule, Pedroʼye-bimarbalid. We-Simónʼde, demar-gakasik maid, dule-ibmar-ukagi-arbaed-neggi, Simónʼye-nugmogad-walik maid. We-Simón-Pedro bese nonikile, bega ibmar sognonikoed.’

Gusmalad 10:6

We-Simónʼde, dule-Simónʼye-nugmogad-neggi maid, a-dulede, ibmar-ukagi-arbaed-duled. A-nega demar-gakasik siid. A-Simón-Pedro bega sogoed, ibu be imakoe.

Gusmalad 2:37

Dulemar, Pedro-deyob-ibmar-soged itosmargu, nue-bukib itodmalad. Geb Pedroʼga, degi, Jesús-e-sapingan-bur-dummagan-baiganga sogdemalad: —Degite, gwenadgan, ¿igi anmar saergebe?

Gusmalad 22:10

”Geb ega an sogdesunnad: ‘Degite, Dummad, ¿ibu imakbi be an-abesunna?’ Degi, Dummad-Jesús weyob anga sokalid: ‘Be gwisgu, Damasco-neggweburse be nae, agi be-ibmar-imakoye-soglesad, bega soglegoed.’

Gusmalad 26:16

Emigindi, be gwisgusun, nue an-itogo. An-maiga-guega an bese magarononikid. Dule-baiganga ibmar-daksadgi-sunmakega, degine, ibmar-guoed-an-bega-sogbaloed-sogega an bese magar-gunonikid.’

Gusmalad 9:5

Saulo abin-sogded: —Dummad, ¿be doasunna? Dule, abin-imakded: —Ani an Jesús, ar ani be an-balegindiid, ani an a-duled. [Ikogi be didii annaye sogele, na be dukin nunmaked amioed.]

Romanos 10:20

Sorbali, Isaías bur-bakar-buud soged: Bab-Dummad soged: “Dulemar-an-amidisulid, an-amimalaga an imaksad, dulemar-an-egisdisurmaladse an magarosad, an doa-dule gue.” Isaías 65:1

Romanos 10:3

Ar Israel-dulemar, Bab-Dummad-isgussuliyob-dulemar-imaked wissurmalad. A-ulale, Israel-dulemar na e-ibmar-imakedba isgussuliyob-gued amididimarsunnad. Degisoggu, Bab-Dummad-isgussuliyob-emar-imaked-igar-maidba dasurmalad.

Romanos 5:20

Ar Moisés-Igar-Megnonigu, isgued bur merguded. Agi, Bab-Dummad-nabir-dulemargi-binsamaid bur bule mergudmogad.

Romanos 7:9

Ani, epennedi an Moisés-Igar-Maid-wissuli an gudigusad. An Moisés-Igar-Maid-wisgunonigu, isgued-angi-naid durguded. Agine, an burgwenonisunnad.

Filipenses 2:12

Degisoggu, an-gwenadgan-sabesailamalad, an bemar-abargi-gudigusgu, bemar gusgu an-ibmar-sogedba ibsadamalad. Emigindi, an bemarba-gudisulidgi bur bule be anba ibsamala. Bab-Dummad-dobegwadgi, degi, Bab-Dummadgi-nue-binsaed-nikagwadgi, be-abonolesadgi be alamaknai samala.

Santiago 4:6

Ar Bab-Dummad na e-anmar-wiledakedba bur bule anmar-bendaked. A-ulale, weyobi e-gardagi soged: “Bab-Dummad, dule-na-san-dummarba-imakdimaladgi gwisgudaed. Ar dule-na-san-bipi-imakdimaladdi, Bab-Dummad amar-bendakdaed.” Proverbios 3:34

1 Samuel 16:3

Isaíʼse be golo ibmar-ogumakar-uklegoedse dagegar. Geb agine, an bega sogoed ibu be imakoe. An bega dule-oyogoed. A-dule, be anga reyga nug-imakoed.

1 Samuel 28:5

Ar Saúl, Filistea-sordamar-dakdegua, dobguded, geb bela-bela nig-argwated.