Gusmalad 7:5 - Kuna San Blas

⁵ A-yargi Bab-Dummad Abrahamʼga nainu gwen uksasulid, wis bipi-goakwasaarbela ega uksasulid, sate gusad. Degite, Bab-Dummad ega sogsagusad: ‘We-yar an bega uko, degi, be-waganga an ukbaloye.’ Génesis 12:7 A-unni, amba yoo Abraham mimmi nikued.

Bab dummad Jesucristoba igar mesisad garda

⁵ A-yargi Abrahamga nainu gwen uklessulid, bipi-goakwasar-bela sate. Degite Bab Dummad ega sogsad: We-yar an bega ukoye, degi, be-waganga be-sorba an ukbaloye. Gn. 12:7 Deyob ega-sogsa-unni amba yo Abraham mimmi-nikueunnid.

Gusmalad 7:5 Iomraidhean Croise

Génesis 12:7

Agine, Bab-Jehová Abramʼse magarosad, ega sogded: “We-yar an be-waganga ukoed.” Agine, Abram Bab-Jehováʼga-ibmar-ogumakar-ukleged-aila sobsad, ar ade, Abram soged, Bab-Jehová wegi anse magarosaddeeye.

Génesis 13:15

We-napnegmar be dakedi, bela bega an ukoed. We-yalagan begadga degi, be-wagangadga degisadegu guoed.

Génesis 15:18

A-ibagi, Bab-Jehová Abram-ebo igar mesisad. Agi Abramʼga sogded: —We-yala be-waganga an ukoed, Egipto-diwar-maid-akar, diwar-dummad-Éufrates maidse.

Génesis 16:2

Geb Sarai, Abramʼga sogded: —Bab-Jehová geg goe-bake an-imaksad. Degisoggu, an bese wilesakwaa egissundo, bunagwa an-maiga-gudiidse be gole. Abakale a-omebali, an mimmi nikualile. Abram Sarai-ega-soged nabir itosad.

Génesis 17:8

Emi, Canaán-yala be-yalasur-inigwele, degite, a-yalagi be garmakdiid. We-Canaán-yalade, bela degisadegu an bega uked, degi, be-sorba, be-waganga an ukbaloed. A-yalade, degisadegu bemargadga guoed. Deginbali, ani, an be-wagan-e-Bab-Dummadga gubaloed.

Génesis 23:4

Geb Abraham Het-dulemarga sogded: —Ar an bemar-abargine weginedsur-inigwele, anga wis be neg-uan manigi ukmala, adi, an-ome-mui agi an digegar.

Génesis 26:3

Ar emigindi, wegi sikwas be mego. An beba gudii guoed, degine, ise-nued an begi binsaoed. Ar ade, begala, degine, be-wagangala we-yar an ukoed. Ar igi be-bab-Abrahamʼga ise-sogar an sogsa, deyob an imakedsegad.

Nehemías 9:8

Be, Abraham-e-gwage-ulub be daksad, nue-inniki beba nanadii guo be daksad. A-ulale, Abraham-ebogwa be igar-mesisad, e-waganga we-yarmar ukoye be sogsad: Canaán-dulemar-yar, Het-dulemar-yar, Amorreo-dulemar-yar, Ferezeo-dulemar-yar, Jebuseo-dulemar-yar, degi, Gergeseo-dulemar-yar. We-yarmar, Abraham-waganga ukoye be sogsad. Bab-Dummad, be-ibmar-sogsad be imaksad. Ar ade, be dule-innikigwadid.

Ezequiel 33:24

“Dule-machi, Israel-yargi neg-bibichisadgi-gudidimalad sogdimalad: ‘Ar Abraham wargwen-guedgi bela yar-gasa gusad. Ar anmardi bur-bukidar mergusoggu, bur bule anmar yar gamogodo.’

Deuteronomio 10:11

Geb degine, Bab-Jehová anga sokalid: ‘Be nae. Dulemar-idu be guakwaa nadap-imako, adi, be-dadganga-an-yar-ukoye-sogsadse be dogmalagar, a-yala bemargadga guegar.’ ”

Deuteronomio 11:9

Adi, Bab-Jehová we-yar be-dadganga-ukoye-sogsagusadgi, e-wagan-danimaloedga-ukoye ise-sogar-sogsagusadgi, bemar suitibaksaar-mai gumalagar. We-yar, napa-nuedid, gadi ibmar-sanmaked-yalad.

Deuteronomio 2:5

Mer amarbo be urwemalo. Ar an bemarga we-yar ukosulid, amba bia egi be annamaloe, soggwensaale an bemarga ukosulid. We-Seir-yala bato Esaú-waganga an uksad.

Deuteronomio 34:4

Bab-Jehová, Moisésʼga sogded: “An Abrahamʼga, Isaacʼga, degi, Jacobʼga ise-sogar an sogsad: ‘We-yala an be-waganga ukedseye.’ Moisés, be-sunnad we-yar be-ibyagwar be daksad. Ar ese be dogoeddi be dogosulid.”

Deuteronomio 9:5

Degisoggu, bemar we-yar-susokalidi, be-ibmar-innikigwad-imaked-ularsulid, be-gwage-nued-nikad-ularsurbalid. Degisulid. ”Ar we-dulemar, ibmar-isgana-imaked-ulale, be-Bab-Dummad-Jehová bemar-asabin wemar-ononaid. Ar Bab-Jehová, bemar-dadganga ise-sogar sogsa gusad, Abrahamʼga, Isaacʼga, degi, Jacobʼga, an bemarga imakedseye. Degisoggu, Bab-Jehová deyob imakedsegad.