Gusmalad 6:3 - Kuna San Blas

³ Degisoggu gwenadgan, dulemar-bemar-abargi-gudimalad walagugle (7) be sumalo. Bemar-abargi nueddaed, Bab-Dummad-Burba-Isligwaled-nikad, degine, nue-binsaed-nikadaed, be sumalo. Adi, a-dulemar mas-mimied-dakegar.

Bab dummad Jesucristoba igar mesisad garda

³ Degisoggu gwenadgan, na bemar sumalo, dule-walagugle, amar bemar-abargi nued gudiid, degi, bela-bela Bab-Dummad-Burba-Nued-nikabalid, geb nue-binsaed-nikaa dabalid, adi amar anmarga mas-mimmied-arbaed dakegar.

Gusmalad 6:3 Iomraidhean Croise

Éxodo 18:21

Bedina, deyob be imakegala, neggweburgi dulemar-nabir-ibmar-imakmalad be suo: Dulemar Bab-Dummad-dobee-nanadimalad, dulemar wagar-darbodasurmalad, dulemar ibmar-atursaaledgi mani-onosurmalad, a-dulemar be suoed. Amar gwenna-gwennagwa, dulemar-miligwenad-e-dummadga (1,000) be imakoed, baigan dulemar-dulataled-e-dummadga (100) be imakoed, baigan dulemar-dulabo-gakambegwad-e-dummadga (50) be imakoed, degi, baigandi e-ambegwad-e-dummadga (10) be imakmogoed.

Isaías 28:26

Ar ade, Bab-Dummad weyob ibmar-imakega dule-odurdaked, igi dule ibmar imakoe, aba odurdaked.

Isaías 28:6

Bab-Dummadi, dule-igar-nabogedga igar-innikii-imaked-burba ukoed. Neggwebur-yawagakgi-nakulemaladga niga-ogannogoed.

Mateo 23:8

”Ar bemardi odurdaked-sailaye mer bese-gormalad na be imakmalo. Ar bemargardi, unnila Cristoʼbi bemar-odurdaked-saila wargwenna maid. Ar bela bemar na gwenadgan gumalad.

Juan 21:23

We-degisoglesadi, Jesús-sapingan-abargi nasguddo, we-Jesús-e-sapin burgosurye. Ar Jesús sogsasulid: “We-sapin burgosurye.” Sogsado: “An we-dule an-gannar-dagedse amba dula-gudii an abegele, ¿be anga akar sogosi? Geg be akar soged.”

Gusmalad 1:15

Deunni, gwenadgan e-dulanergwasaar (120) ambikunonimalad. Amar-abargi Pedro gwisguded, weyob sogded:

Gusmalad 1:21

”Degisoggu, anmar Judas-sorba dule-wargwen amiergebed. Dule, Jesús-gudigusgu, anmarba bipirmakdaniguad anmar amiergebed.

Gusmalad 10:22

Amar, Pedro-abin sogded: —Roma-dule-sorda-dulatar-sediid, Cornelioʼye-nugad-nuggi anmar danikid. A-dulede, igar-napiragwadbadaed-duled, Bab-Dummad-dobekwaa-nanadiid-dulebalid. Deginbali, Judíoʼmar bela a-dule nabir dakmalad, bela bina sogedbimarbalid. Bab-Dummad e-baliwitur-isligwaledba Cornelioʼga sogsad bese gordaye, Pedro-ibmar-bega-sogoed, be nue itogoye.

Gusmalad 15:23

Amarbali, weyob garda-narmakar barmismardo: “Anmar Jesús-e-sapingan-bur-dummagana, degi, gwenadgan-Jesúsʼba-nanaimalad-danar-ambikunonidamaladi, degi, e-idumaladi, bemar-Judíoʼsurmaladse wis garda narmaksimalad. Anmar bemar-Antioquíaʼgi-bukmaladse, Siria-yargi-bukmaladse, degi, Cilicia-yargi-bukmaladse garda narmaksiid. ”Dog-nuedye sogledo.

Gusmalad 16:2

Gwenadgan Listraʼginmalad, degi, Iconioʼginmalad, bela yeer Timoteoʼgi sunmakedbimalad.

Gusmalad 2:4

Belagwapa dulemar-bukwadgi Bab-Dummad-Burba-Isligwaled ubononikid. Degidbali, gangudmalad, gaya akar-akar sunmakdemalad. Bab-Dummad-Burba-Isligwaled ega gaya-ukedba, sunmakdemalad.

Gusmalad 22:12

”Damascoʼgi dule-wargwen, Ananíasʼye-nugad, mai-gusad. A-dulede, Moisés-Igar-Maidba nue nanadimogad-duled, degine, bela Judíoʼmar-Damascoʼgi-mamaid egi nueganbi sunmakmalad.

Gusmalad 28:14

Agi anmar gwenadgan-Jesúsʼba-nanaimalad dakarmalad. E-walik wis itoged-irgwensaar megye anmarga sokalid. A-sorba, anmar Roma-neggweburse nadsunnad.

Gusmalad 6:2

Degi, Jesús-e-sapingan-bur-dummagan-e-ambe-gakabo-guedi (12), bela Jesúsʼba-nanaimaladse gochamalad, amarga sogdemalad: “Anmar mas-mimied-ular, Bab-Dummad-gayaburbagi-sunmaked-indaker, noaled.

Gusmalad 6:5

Belagwapa Jesúsʼba-nanaimalad nabir itosmalad. Degisoggu, Estebanʼye-nugad susmalad, a-dulede Babgi nue bensulid, degine, nue Bab-Dummad-Burba-Isligwaled nikabalid. Deginbali, Felipe, Prócoro, Nicanor, Timón, Parmenas, degine, dule Antioquíaʼgined-Nicolásʼye-nugad, susmarbalid.

Gusmalad 6:6

We-dulemar Jesús-e-sapingan-bur-dummaganse senonimalad. Geb Jesús-e-sapingan-bur-dummagan amarga Bab-Dummadse gochamalad. Na e-argan dulemar-walagugled-e-nonogi (7) mesismalad, adi, oyogegar, we-dulemar Bab-Dummadga-arbaega sulesmarye.

Gusmalad 9:30

Gwenadgan-Jesúsʼba-nanaimalad degi-wisguarmargu, Cesarea-neggweburse Saulo-sesmalad, geb Tarso-neggweburse Saulo-barmismarsunnad.

1 Corintios 12:8

Bab-Burba, dule-war-wargwenga, nue-binsaed-nikaa-sunmaked ega uked. Baidgardi, nue-ibmar-wisid ega ukmogad, ar Bab-Burbadi, wargwennado.

1 Corintios 16:3

An bemarse modapile, a-mani-bemar-wesad, bemar dule-Jerusalénʼse-a-mani-sedega-be-susmaladi, garda-nika an barmidoed.

Efesios 5:18

Degine, melle be mumgumar. Ar mumguedi, galagwensuli dule-onanae imaked. Bur bela-bela Bab-Dummad-Burba-Isligwaledse-seledii na be imakmar.

Deuteronomio 1:13

Degisoggu, bemar-abargi dule-war-wargwen be-dadgan-iliba be amimala: Dule-binsaed-ibegan, dule-mag-neg-itomalad, dule-ibmar-nue-wismalad, adi, a-dulemar an be-dummaganga nug-imakegar.’

1 Timoteo 5:10

We-ome we-ibmar-nueganbi-imakdiidba egi-nued-sunmaklediid: E-mimmigan-na-nued-akwisad. E-neggi nuedgi dulemar-abindaksad. Jesucristoʼgi-akananaimalad-gadi-bendaked. Dule-wiledimalad-bendaksad. Degi, belagwapa akar-akar ibmar-nuegan-imaksad. Degiid-omeganbi, be e-nug nasikoed.

Santiago 1:17

Bela ibmar-nuegan, degi, ibmar-innikimalad, Bab-Dummadgi nibneggi danikid. Bab-Dummad-nibneggi-gwallumar-obinnisadgi danikid. We-Bab-Dummad niisgwamar-gwagdedaeyob gwagsulid, degi, burbamaryob bergusulid. Degisadegu maid.

3 Juan 1:12

Bela-dulemar Demetrioʼgi nuedbi sunmakedbimalad, degi, e-daedi anmarga oyomogad napira sogmarye. Ar anmar amba deyob sogmarmogad, Demetrio dule-nuedye. Ar bemar wisid, anmar-ibmar-sogedi, we napiragwadid.