Gusmalad 6:1 - Kuna San Blas

¹ Deunni a-ibagangine, Jesúsʼba-nanaimalad mergumaisoggu, Judío-dulemar-Griegoʼgaya-sunmakmaladi, Judío-dulemar-Hebreoʼgaya-sunmakmaladgi sunmakarmalad. Sokarmalad, bane-bane mas mimilealile, anmar-omegan-ei-sui-burgwismaladdi baisur dakdamarye.

Bab dummad Jesucristoba igar mesisad garda

¹ Deunni a-ibagangine, Bab-Jesúsba-nanaimalad mergumaisoggu, Judio-dorgan-Griego-gaya-sunmakmalad sunmakarmalad, Judiomar-e-gaya-sunmakmaladgi sokarmalad, e-mukwamar-ei-sui-burgwismalad mas bane-bane mimmilealile, bur amar baisur dakledamarye.

Gusmalad 6:1 Iomraidhean Croise

Job 29:13

Dule-na-bela-itodimaladi, angi ise-nued binsadamalad. Omegan-ei-sui-burgwismalad, an yeer-ito imakdabalid.

Job 31:16

”Dule-wilemaladi ibmar-abealile, an ega ukdidaed. Omegan-ei-sui-burgwismaladi, an ukudmaada imakdisulid.

Salmo 110:3

Be-sordamala bila-onoleged-ibagi, sogedbali guakwaa bukumaloed, ilekwaa yeerdakle ambikumaloed. Bolegoedba boo-bateyobi, be-niga bega gannolemai-gannolemai guoed.

Salmo 72:16

Bela-napamargi, ibmar-gwag-gullemalad bukidar nikusun. Bela yalamar-birgi, Líbano-yargi-ibmar-gwag-gullemalad-nikayobi nikusun. Dulemar, gagan-nainugi-ainieyobi, neggweburgi mergusun.

Isaías 1:17

¡Igar-nuegan-imaked be durdakmar! ¡Igar-napiragwad be imakmar! ¡Dule-mesagwar-imaklediid be bendakmar! ¡Dule-sergan-satedga be igar nabomar! ¡Siamar-ei-sui-burgwismalad-ular, be gwisgumar!”

Isaías 27:6

”Yoo ibagan nonikoed, Jacob-wagan ambikunonikoed, Israel-dulemar gannar ainidagoed, nue-nasgumai gudagoed. E-ibmar-nuegan napneg-dirbirmakar-naidgi iirmakmai gudoed.

Jeremías 30:19

Neg-galimbabali, dog-nuedgi-namakleged itoledagoed, degi, weligwaledba binnasuli-oimake itoledagoed. Be-anagan an bega omelomai imakoed, bega ichegumai guosulid. Be-nug-ogannodii an imakoed, mesagwar-imakledii be guosurmalad.

Ezequiel 22:7

Be-dulemar na e-babgan, na e-nangan, mesagwar imakmalad. Dule-yar-baidgined sabsur-imakmalad, sergan-sated-ibe, degi, ome-ei-sui-burgwisad-ibe ibmar sumalad.

Malaquías 3:5

Bab-Jehová-Bela-Gangued-Nikad soged: “Degisoggu, an bemarga igar-nabogega an bemarse warmaknonikoed. We-dulemargi-ibmar-sogega an guagwar danikoed: Ina-isgana-imakdimaladgi, abirgunagwarsuli negsichigi galagwensuli-nanadimaladgi, gakansaar ise-sogar ibmar-sogmaladgi, ega-arbamalad-sabsur-imakdimaladgi, siamar-ei-sui-burgwismalad-sabsur-imakdimaladgi, dule-sergan-sated-sabsur-imakdimaladgi, degi, gwen an-dobsuli, dule-yar-baidsikmalad-sabsur-imakdimaladgi, amargi dobsulidba-gwisguega an danikoed.”

Mateo 23:13

”Bemar, Garda-Narmaked-Dulemar, Fariseoʼmar, ¡be duledar-wilesmar! ¡Wagar-darbomalad! ”Ar bemar, Bab-Dummad-e-negdakmaidse dulemar-dogbigudimalad-idu be yawagak edidimalad. Ar bemarbela ase dogsurmalad. Ar bemar, dulemar-ase-dogbigudimalad-gwen-dogega be imaksurmalad.

Gusmalad 11:20

Degi-inigwele, gwenadgan-aisakid-gusmalad gwen-gwen Chipreʼginmaladid, degi, Cireneʼginmaladid. Amar Antioquíaʼse modapmargu, Griego-dulemarga Bab-Jesús-gayaburba-nuedgi sunmakdapmalad.

Gusmalad 11:26

Agine, Jesúsʼba-nanaimalad-danar-ambikunonidamalad-walik birgagwen gudigusmalad, Jesús-igargi dulemar-bukidar-odurdakdii gusmalad. Deun, a-neggweburgi gebe Jesúsʼba-nanaimalad, Cristianoʼye bilenonimalad.

Gusmalad 11:29

Degisoggu, Antioquíaʼgi-Jesúsʼba-nanaimalad, gwenadgan-Judeaʼgi-bukwamalad-bendake guarmalad. Na ibmar-nikadba ukdemalad.

Gusmalad 2:41

Dulemar Pedro-ibmar-sogsad-abingasmaladi, Bab-Jesús-diigi-ogleged-igar imaksamalad. Geb Jesúsʼba-nanaimaladba atosmalad. A-ibagi, milipaa-wilub (3,000) eba nagusmalad.

Gusmalad 2:45

Nainu-nikamaladi na maniga-imaknanai guarmalad, degi, ibmar-nikamaladi bela maniga-imaknanai guarmalad. Ibmar-abelegedba na uknanai guarmalad.

Gusmalad 2:47

Na bulakwaa Bab-Dummad-nug-ogannobukwa damalad. Dule-neggweburginmaladi yeer Jesúsʼba-nanaimalad-dakbukwa gusmalad. Bab-Dummadi bane-bane dulemar-gwage-abonolesmalad-omelomai gusad.

Gusmalad 4:35

Agine, Jesús-e-sapingan-bur-dummaganga mani uknonidamalad. A-mani na yopiraa ibmar-abemaladba mimiddamalad.

Gusmalad 4:4

Dulemar-bukidar Jesús-igar-itosmaladi Jesúsʼgi bensuli gunonimalad. A-ibagi, machergan-Jesúsʼba-nagusmalad bela miliatar-wilub (5,000) gunonimalad.

Gusmalad 5:14

Bukidar Bab-Jesúsʼgi bensuli gudmalad. Machergan, degi, omegan, Jesúsʼba-nanaimaladba nagumai gudmalad.

Gusmalad 5:28

—Anmar bemarga sogsamarsursi: ‘Melle bar Jesús-nuggi dulemar-odurdakmaloye. Emide, bela Jerusalénʼgi bemar-odurdakdiid-igar, bela neg-gassunnad, degine, bemar Jesús-burgwisad anmargi nasikbi gunaid.’

Gusmalad 6:2

Degi, Jesús-e-sapingan-bur-dummagan-e-ambe-gakabo-guedi (12), bela Jesúsʼba-nanaimaladse gochamalad, amarga sogdemalad: “Anmar mas-mimied-ular, Bab-Dummad-gayaburbagi-sunmaked-indaker, noaled.

Gusmalad 6:7

Bab-Jesús-gayaburba nasgumai gualid, degi, Jerusalén-neggweburgi Jesúsʼba-nanaimalad mergumai gualid. Agine, bukidar dule-irwa-Bab-Dummadse-gormaladse-bakar, Bab-Jesús-igarba nagudmarmogad.

Gusmalad 9:29

Deun, Saulo, dobsuli Bab-Jesús-nuggi sunmakdii gualid. Judíoʼmar-Griego-gaya-sunmakmalad-ebo dobsuli na abin-abin imakdii gualid. Amardi, Saulo-oburgwebi-gusmalanad, degite, gwen oburgwissurmalad.

Gusmalad 9:39

Pedro dulemar-warbogwadba Jopeʼse arsunnad. Jopeʼse-nonimargu, neg-aila-niba Dorcas-mui-maidse Pedro-sesmalad. Omegan-ei-sui-burgwismalad ise-boale Pedro-ebilis ambikunonimalad. Geb omegan, Dorcas-subamar-ega-maksad, degi, mormar-ega-maksad, Pedroʼga oyonanaiguarmalad.

Gusmalad 9:41

Pedro, argangi Dorcas-gasaa ogwichisa imaksad. Geb Pedro a-sorba, Jesucristoʼba-nanaimaladse, omegan-ei-sui-burgwismaladse, dula Dorcas-senonikid.

Romanos 12:7

Dulemar-baid-bendaked-gurgin-burbaled be nikale, nue be dulemar-baid-bendakodo. Ar dulemar-odurdaked-gurgin-burbaled be nikale, nue be dulemar-odurdakodo.

1 Corintios 10:10

Degi, melle Bab-Dummadgi urwale be sunmakmalo, igi be-dadgan-abar Bab-Dummadgi-urwale-sunmaksamaladba, baliwitur-dule-oburgwedse anmar-dadgan oburgwilesgusmala.

2 Corintios 11:22

¿Ar a-dulemar Hebreo-dule gumala? Ar an Hebreo-dule gumogad. ¿Ar emar Israel-dulemala? An Israel-dule gumogad. ¿Emarde Abraham-wagan gumala? An Abraham-wagwa gumogad.

Deuteronomio 26:12

”Birgapaagine, ambegi gwensak (10%) Bab-Dummadga-ibmar-ukleged-birgad. A-birgagi, bela gebe-ibmar-sanmaksamalad be bachikii urbisale, Levita-dulemarga, Israel-dulesurmaladga, dule-sergan-satedga, degi, ome-ei-sui-burgwismaladga be we-ibmarmala ukmogoed, adi, na e-neggwebur-e-neggweburgi mas ise-immelegar gunmalagar.

Filipenses 3:5

Ar an gwalulesgu, ibabaabakgi (8) an-abgan-e-uka-duku siklesad. An Israel-duled, Benjamín-wagwad, an Hebreo-dule-sunnadid. An Judíoʼmar-igar-mamaid-odulogedsiki, an Fariseo-sordad.

1 Timoteo 5:3

Ammormar-ei-sui-burgwismalad-nue-bendakleged-abediid walagwen-gudimalad, be gatik bendako.

1 Timoteo 5:9

Degisoggu, mer be yogasaar omegan-sui-ei-burgwismalad-nugmar be nasiko. Unnila, we-omegan-nug naguoed: Ome-birga-dulapaa-gwena-nikamalad. (60+) We-ome sui-baid-ogwassulid.

Hebreos 13:1

Na be Cristoʼgi gwenadganga gunonikidgi na be muchub-muchub sabgudii nanamalo.

Santiago 1:27

Ar anmar-Bab-Dummad-asabin e-igar-nuedba-swilidik-nanaedi, wedo: Dule-sergan-sated bendaked, mukwamar-sui-ei-burgwismalad-wile-itodimalad bendaked, degi, san-swilidik-gudiguega we-napneggi-ibmar-isganagi bangued.

Santiago 4:5

Ar Bab-Dummad-Gardagi binsa weyob-sognai be insae: Bab-Dummad na E-Burba-anmargi-oubosgusad-nue-sabedbali anmargi-nobguye.

Santiago 5:9

Gwenadgan, melle bemar sabsur-odurdaklemalaga na be muchub-muchub urwemar. Ar dule-igar-naboged bato emiskwaa danikid.