Gusmalad 5:4 - Kuna San Blas

⁴ Yoo be nainu-ukegu, ¿nainu begadinsursi? Nainu be uksagu, ¿a-manide begadinsursi? ¿Ibiga be-gwagegi anmarga gakansaedgi be binsanoniki? Dulemarga be gakan-imaksasulid, Bab-Dummadga be gakan-imaksad.

Bab dummad Jesucristoba igar mesisad garda

⁴ Yo be nainu ukegu, ¿nainu begadinsursi? ¿Nainu be uksagu, a-manide begadinsursi? ¿Ibiga be-gwagegi anmarga gakansaedgi be binsanoniki? Dulemarga be gakan imaksasulid, Bab Dummadga be gakan imaksad.

Gusmalad 5:4 Iomraidhean Croise

1 Crónicas 29:17

Anmar-Bab-Dummadye, an wisi be anmar-wilubdaked, degi, dule-innikidaed be nue-abeged. Agala, an gwage-islidikidgi bela an bega ibmarmar uksad. Emide an daked, dulemar ibiyobi ulubgi weligwaledba bega ibmar uksamala.

1 Crónicas 29:3

”An Bab-Dummadse-goled-neg nuekwaa sobedgi an binsasoggua, we-ibmarmar-onmaksad-ukine, an ibmarmar-nuegan-nikadgi, an bela ormar-nikadi, manimar-nikadi, Bab-Dummadse-goled-neggala an ukbalid. An wemar uked:

1 Crónicas 29:5

Deginbali, ormar, orbi-ibmar-soblegoedgarbalid. Manimar, manibii-ibmar-soblegoedgarbalid. Bela we-ormar, manimar, dule e-argangi ibmar-akar-akar sobegalad. Bemarmoga, emi-ibagine, ¿doa-dule Bab-Jehováʼga na binsa e-ibmar-ukmogoe?”

1 Crónicas 29:9

Deyobi, dulemar na war-wargwengi ibmar-uksamaladba yeer-itosmalad, ar ade, Bab-Jehováʼga bela-bela na weligwaledba uksamalad.

Job 15:35

Dule ibmar-isgana-imakedgi-binsaed, ibmar-isgana imaknonikoed, e-gwagegi unnila emar-yardakedgi binsadiid.”

Salmo 139:4

Bab-Jehová, ar amba yoo an ibmar-soge, bato bedi bela wisdaed.

Salmo 7:14

Dule-isgana, igar-isganaginbi binsadaed, ibmar-isgana-imakega igar amidaed, geb igar-isgana imaknonidaed.

Éxodo 16:8

Degine, Moisés sogdebalid: “Sedogi Bab-Jehová bemarga san ukoed, adi, a-san be gunmalagar. Wakdardi madu ise-obinagwar bemarga ukoed, ar ade, Bab-Jehová egi be ulusmalad be-itosmalad. ¿Ar anmardi doasunna, anmargi be urwenaimargu? Ar bemar anmargi ulussulid, Bab-Jehováʼgi be ulusmalad.”

Éxodo 35:29

Bela Israel-dulemar, machergan, degi, omeganse-bakale, na gwagegi-ibmar-ukbi-itosmaladi, Bab-Jehováʼga na e-itogedba-ibmar-ukega senonimalad, adi, Bab-Jehováʼga ibmarmar sobegar. Ar igi Bab-Jehová-Moisésʼga-sogsagusa, deyob imaksamalad.

Eclesiastés 5:5

Ibmar-imakoye-ise-sogar-soged-sogsadba, degi, imaksulidba, ibmar-imakoye-ise-sogar-soged-sogsulid bur nuedid.

Isaías 59:4

Dule igar-innikigwadgi-sunmaked sulid, dule napiragwadgi-igar-naboged sulid. Gakansalegedgi bensurmalad, na muchub-muchub gakansamalad. Binsaed-isganagi binsadamalad, degi, igar-isgana imakdedamalad.

Ezequiel 38:10

”Bab-Jehová-Bela-Gangued-Nikadi weyob soged: ‘A-ibagine, ibmar-imaked be ilemakoed, geb igar-isgana be mesoed.

Números 16:11

Degisoggu, be, degi, beba-nanaimalad, bemar Bab-Jehováʼgi-beedse-yolegegala na atosmalad. Ar ¿Aarónʼde doasunna, emide bemar egi gwisgunanaimargu? Degisulirgebed.”

Lucas 10:16

Jesús, dulapaa-gakambe-barminaidga (70) sogdebar: “Ar dulemar be-itomalale, an-ega-ibmar-soged-itonaiyob gumalodo. Ar dulemar be-abingasurmalale, an-abingasurmalayob gumalodo. Ar dulemar an-abingasulile, dule-an-barmialid-abingasurmardo.”

Gusmalad 5:3

Ananías mani-uknonigu, Pedro ega sogded: —Ananías, ¿Ibiga nia-saila-Satanás burba-isgana begi oubononiki? Emide, Bab-Dummad-Burba-Isligwaledga be gakansanonigu, mani-abala be susgu.

Gusmalad 5:9

Geb degi, Pedro ega sogded: —¿Ibiga bemar-bebogwad Bab-Dummad-Burba-Isligwaled-wilubdakye sogmala? Be-dake, sapingana-be-sui-mui-digdimaladi emiskwaa nonimalad. Emisgindi, wemar neg-uanse be-dignamarmogoed.

1 Corintios 8:8

Bab-Dummad anmar-mas-gunnedba anmar-abingasulid. Anmar-mas-gunnedba bur dule-nuedga anmar gunonidasulid. Anmar-mas-gunsulidba bur dule-isganaga anmar gunonidasurbalid.

1 Tesalonicenses 4:8

Degisoggu, ar doa-dule weyob-ibmar-soglenaid isdar-itogele, dule-isdar-daksulid, Bab-Dummad-isdar-daked. Ar a-Bab-Dummad anmarga E-Burba-Isligwaled uksad.

Filemón 1:14

Degi-inigwele, be-ibmar-wissuli an yapa ibmar imakgusad. Adi, be-anga-ibmar-imaked an bega-ise-sogar-sogedba melle be imakegar. Bur be-itolegedba be anga ibmar imakegar.

Santiago 1:15

We-ibmar-isgana-imakbiedgi isgued noardaed. We-isgued-imaklesad-sorba, burgwed nonisunnoed.

1 Samuel 8:7

Agi, Bab-Jehová ega sogded: “Israel-dulemar isdar-be-daksurmalad, anbi-unnila isdar-an-dakmalad. Ar e-dummadga-gued an-abesurmalad. Degisoggu, bega-ibmar-sogedba ega be imako.