Gusmalad 3:18 - Kuna San Blas

¹⁸ We deyob-gusadi, ar Bab-Dummad bato idu anmarga e-gayaburba-barsogmaladba sogsagusad, an-Machi-Cristo nue-wilegoye. Agala, deyob gusad.

Bab dummad Jesucristoba igar mesisad garda

¹⁸ We degi-gusad, ar Bab Dummad bato idu anmarga E-gaya-burba-berbemaladba, sogsa-gusad, an-Machi-Cristo nue wilegoye. Agala deyob gusad.

Gusmalad 3:18 Iomraidhean Croise

Génesis 3:15

Ome-ebogwa na be isdar-dakdii an be-imakoed. Ome-e-wagwa, be-wagwa-ebo na isdar-dake gumaloed. Ome-e-wagwa be-nonogi annaoed. Bedina e-mali-gasigi onakliksaoed.”

Isaías 50:6

Dulemar-an-bibyonanaidga an-yargan an oyosad. Dulemar-an-siga-sabsur-ungemaladgi, an-aku an gwen odukussulid. Degine, dule-angi-dodomaladgi, degi, angi-wiakmaladgi, an-wagar an gwen odukussulid.

Daniel 9:26

” ’We-itoged-dulapaa-gakabo (62) nasad-sorbali, Dule-Dummadga-nug-Imaklesad oburgwilenonikoed. We-Dule-Dummadga-nug-imaklesad, neggwebur-sate, degi, Bab-Dummadse-goled-neg-sate guoed. Ar ade, rey-wargwen-yar-baidsikid e-sordamar-bila-onomaladmala obergunonikoed. Muu-dummad-noedyobi neg-bergued nonikoed. Neggweburmar-bergued bila-onoleged-berguedse bergudapoed.

Zacarías 12:10

Rey-David-neguyagi, degi, Jerusalén-dulemargi burba-nued-binsaed, degi, burba-Bab-Dummadse-goled an odegoed, geb ansik atakdemaloed. Ar igi-dule e-machi-wargwenna-nikad-e-ibe-burgwisadba wile-itonadae, deyobi, Jerusalén-dulemar dule-sabsur-naibigusadga wile-itonanai gumaloed. Ar igi-dule e-machi-sailagined-burgwisadba bonaidae, deyobi, bela-bela bonanai gumaloed.

Zacarías 13:7

“Es-suid, be an-sibad-wawaad-edarbed onailiksae. An dulegi-bensurgudiidgi be yoledage. Ani Bab-Jehová-Bela-Gangued-Nikad weyob soged. Sibad-wawaad-edarbed be oburgwe. Deyobi, sibad-wawaadmar duurmakdemaloed, geb an e-burwigana obelogoed.

Lucas 24:44

Jesús amarga sogded: —Amba an bemar-abargi gudigu, bemarga bato weyob an sogsad: ‘Moisés-Igargi-Angi-Narmakar-Maidi, bela angi guergebye. Degi, Bab-gayaburba-barsogmalad-angi-narmaksamaladba, degine, Salmosʼgi angi-narmakar-maidba bela angi guergebye an bemarga sogsamalad.’

Gusmalad 10:43

Deginbali, bato Bab-Dummad-gayaburba-barsogmalad iduar sogsagusmogad, we-Jesúsʼgi dulemar nue-bensulile, a-dulemar abonolegoye, e-isgudiid, Jesús-nuggi Bab-Dummad ega elioye.’ ”

Gusmalad 2:23

Ar gebesaila Bab-Dummadi bato sogsad, Jesús nue-wilegergebye, degine, e-isdarmaladga uklegoye sogsad. Emide, bemar oburgwemalaga Jesús-gasgusmalad, bemar Roma-sordamarga uksagusmalad.

Gusmalad 28:23

Degisoggu, ambikued-iba ega nasismarsunnad. A-ibagi, bukidar Judío-dummagan Pablo-maidse nonimalad. Pablo agi wakudaryala sunmakded, emarga Bab-Dummad-e-negdakmaidgi sunmaksii osedosad. Jesús-igargi aisaar emar-gwage-ogwaena-gadinye-binsaedba, emarga aisaar oyonai gualinad, igi Moisés-Igar-Mesisadi, degi, Bab-gayaburba-barsogmalad-ibmar-sogsadi, Jesúsʼgi bela deyob gusa.

2 Pedro 1:21

Ar ade, Bab-Dummad-gayaburba-barsogmalad, wargwensaale yoedse-ibmar-guoed-Bab-Dummad-sogsadgi na-e-itolegedba sogsasurmalad. Ar Bab-Dummad-sordamar-gwage-swilidikmalad Bab-Dummad-Burba-Isligwaled-sogedba sunmaksagusmalad.

Apocalipsis 19:10

An Baliwitur-asabin e-nug-odummogega, yokorgi-sindigar an sigided. A-baliwitur anga sogded: “Mer be deyob imak. Mer yokorgi an-asabin sindigar be sige. Ar an, be-sunnaamogad, gwenadgan-Jesúsʼba-nanaimalad-gwen-galakussurmaladyob an Jesús-e-maimogad. Unnila, Bab-Dummad-e-nugbi be odummoge.” Ar Jesús-gayaburba-odurdaksadi, Bab-Dummad-gayaburba-barsogmalad gatik-dulemarga-sunmakega imaked.