Gusmalad 26:7 - Kuna San Blas

⁷ Anmar na dadgan-sogambe-gakabo-gumaladi (12), Bab-Dummad-ise-sogar-ibmar-sogsad-guoed edarbedimalad. A-ulale, bane-bane mutik-mutik Bab-Dummad-nug-ogannodimarsunnad. Rey-Agripa, ar an we-igar-nue-bensuli-edarbediid-ular, we-Judíoʼmarse solegagwar an be-asabin selenonisunnad.

Bab dummad Jesucristoba igar mesisad garda

⁷ Bab Dummad deyob sogsad, degi-guoed an bensuli-edarbediidyobi wemar edarbedimogad. A-ular anmar-belagwapa Israel-dulemar-sogambe-gakabogwad mutikidba, degi, ibginedba, gwagegi Bab Dummadgi binsabukmalad. Rey-Agripa, ar a-igar an nue bensuli-edarbediid-ular, we-Judiomarse solegagwar an be-asabin selenonisunnad.

Gusmalad 26:7 Iomraidhean Croise

Esdras 6:17

We-neg Bab-Dummadga nug-imaksamaladgi, Bab-Dummadga we-ibmar-durgan ogumakar uksamalad: Moli-bebe-nikad-sapingana, waladulatar (100). Sibad-wawaad-machergan, waladulataled-ilabo (200). Sibad-wawaad-sapingwagwad, waladulataled-ilabakebar (400). Degi, Israel-dulemar e-dadgan-warambe-gakabogwad-iliba (12), e-isgued-ular, na war-wargwen sibad-machergan, warambe-gakabo (12) uksamarbalid.

Esdras 8:35

A-sorbali, Israel-Dulemar-galesgusmalad-gannar-nonimaladi Israel-e-Bab-Dummadga ibmar-ogumakar-ukleged ukdemalad. A-dulemar we-ibmar-durgan uksamalad: Moli-bebe-nikad-sapingana, warambe-gakabo (12). Sibad-wawaad-machergan, waladulabake-gakambe-gakanergwa (96). Sibad-wawaad-sapingana, waladulapaa-gakambe-gakagugle (77). Degine, e-isgued-ular uksamarbalid: Sibad-machergan, warambe-gakabo (12). Bela Bab-Jehováʼga weligwaledgi we-ibmarmar-ogumakar uklesad.

Salmo 135:2

Bab-Jehová-e-neggi-gudidimalad, ¡Bab-Jehová-e-nug odummomala! Anmar-Bab-Dummad-neg-imbagi-gudidimalad, Bab-Jehová-nug odummomala.

Mateo 19:28

Jesús abin-sogded: —Napira an bemarga soged, Bab-Dummad we-ibmar-bela-ogwaoed-ibagangi, ani Dule-Machi, an-ologan-yeerdaklegedgi an sigidapir, bemar-anba-nagusmalad ologan gwaambe-gakabogwadgi (12) sigmarmogoed, adi, Israel-dorgan-sogambe-gakabogwadga igar-nabosii be gumalagar.

Lucas 2:25

A-ibagangine, dule-wargwen, Simeónʼye-nugadi, Jerusalénʼgi gudigusad. A-dulede, dule-gwage-nuedid, Bab-Dummad-dobee-nanadiidid, na Israel-bendakleged-edarbedimogad-duled. Bab-Dummad-Burba-Isligwaled a-duleba gudiguad.

Lucas 22:30

Adi, bemar an-negdakmaidgi an-mese-naba mas gunmogagar, degi, gobmogagar, degine, ologan-nuedgi-sii Israel-dorgan-sogambe-gakabogwadga (12) igar-nabosii gumogagar.”

Gusmalad 20:31

Degisoggu, nue-salakarmar. Nue-insamalo, birgapaa bane-bane, ibginedba, mutikidba, ibyanis-abalagi, an bemarga binsaed-nued-ukdii nanasad.

Gusmalad 24:15

Deginbali, we-dulemar bensurmalad, dule-nuegan-burgwismaladi, dule-isganamar-burgwismaladi, gannar-ega-durgued-ibagan nonikoye. Ar we-dulemaryopira an Babgi-bensulidgi ibagan-deyob-gued an abdakdimogad.

Gusmalad 26:2

—Rey-Agripa, emi-ibagi, an be-asabin-sunmakesokalidi, ibiyobi an weligwar itoge. Judíoʼmar angi ise-yolegar-sunmaknaidgi na san-bendakesokalidi, an yeer-itoged.

Gusmalad 26:3

Ar Judíoʼmar-daed be nue-wisid. Degine, ibu-igargi anmar na abin-abin imaknanai, be nue-wisbalid. Degisoggu, na bega sogsun, bitigi bargaakwaa be wis-an-itosii gusana gadinye.

Gusmalad 28:20

A-ulale, an bemar-dakega, degi, bemarbo-sunmakbaliga, an bemarse gochasunnad. Epenne, Bab-Dummad Israel-dulemarga sogsad: ‘Yoedse bega dule-wargwen an barmidagoye.’ Emide, Israel-dorgan nue-bensulidgi a-edarbediidgi an sunmakdiid-ular, wegi esgoro-dubgi gugmakles an gwichisunnad.”

Filipenses 3:11

Deyobi, an dulemar-burgwismalad-abargi, an gannar-durgumogad abitoged.

1 Tesalonicenses 3:10

Mutikidba, ibginedba, anmar Bab-Dummadse ise-egisar gornaid, bitigi bemarse-ataknaed anmar-imaksana gadinye, adi, bemar-bendakega, bemar-Cristoʼgi-bensulid-nikad ogannogegar.

1 Timoteo 5:5

Ar ome-ei-sui-burgwisad walagwen bessoggu, unnila Bab-Dummadginbi ibmar abdakdisunnad, degi, Bab-Dummadse mutikidba-goledi, ibginedba-goledi, gwen bogiledisulid.

Santiago 1:1

Ani Santiago, Bab-Dummad-e-mai, degi, Bab-Jesucristo-e-maibar. Israel-dulemar-sogambe-gakabo (12) we-napneggi-aisakis-bukwadga nued-sogeye sogsiid.