Gusmalad 15:8 - Kuna San Blas

⁸ Bab-Dummad ulubgi dulemar mag daksoggu, anmarga oyosad, a-dulemar ede abingamoye, degi, E-Burba-Isligwaled anmar-sunnaa amarga uksamoye.

Bab dummad Jesucristoba igar mesisad garda

⁸ Bab Dummad ulubgi ar dulemar mag daksoggu, anmarga oyosad, a-dulemar ede abingamoye, degi, E-Burba-Nued anmar-sunnaa amarga uksamoye.

Gusmalad 15:8 Iomraidhean Croise

1 Reyes 8:39

nibneggi-mai be itogoed, degi, Israel-dulemar-e-isgued be osulogoed. War-wargwengi e-daedba ega be ibmar-imakoed, ade, bebi unnila dule-e-binsaed magar be daked.

1 Crónicas 28:9

”Emisgi, Salomón, be an-machi-guedgi, be an-Bab-Dummad be mag-dake nanaergebed. Innikigwadba ega be arbaergebed, gandikidgi, degi, weligwaledgi eba be ibsaergebed. Ar Bab-Jehová dule-binsaed bela wissoggu, dule ibmar-imakbiele, bela magasar-daked. Ar be Bab-Jehová-nue-ami-sogele, e-amiega be-imakoed. Ar be Bab-Jehováʼba ibsasurdibe, Bab-Jehová degisadegu be-obanoed.

1 Crónicas 29:17

Anmar-Bab-Dummadye, an wisi be anmar-wilubdaked, degi, dule-innikidaed be nue-abeged. Agala, an gwage-islidikidgi bela an bega ibmarmar uksad. Emide an daked, dulemar ibiyobi ulubgi weligwaledba bega ibmar uksamala.

Salmo 44:21

¿ar be wisguosulin be insae? Ar bede bela ulubgi dulemar-binsaed mag-daked.

Jeremías 11:20

Ar be, Bab-Jehová-Bela-Gangued-Nikad, be igar-napiragwadba dulega igar-nabogedid. Bedi, dulemar-ulubgi-ibmar-itoged-wisidid, magar be dulemar-binsaed-dakedid. Ar be an-bendaksadba an begi bensulid, degisoggu, be we-dulemar-buged-mai-imakoed-dakega be an-imake.

Jeremías 17:10

”Unnila ani an Bab-Jehová-guedi, dulemar-ulubgi-binsaed magar-daked, dulemar-binsaed balamied. Degidbali, an e-ibmar-isgana-imakedba sabsur-odurdaked.

Jeremías 20:12

”Be, Bab-Jehová-Bela-Gangued-Nikadid. Bedi dule-innikigwad-e-daed balamied. E-gwage-ulubgi-ibmar-itoged be wisid, degi, e-binsaed magar be daked. Degisoggu, be we-dulemar-buged-mai-imakoed-dakega be an-imake. Ar an-bonigan an bega uksad, emidi, begi siid.

Juan 21:17

Gannar irbaagwadgi Jesús sogdebar: —Jonás-machi-Simón, ¿be an-sabe? Pedro, Jesús ega gannar-gannar irbaagus-soge-itogedba bukib-ito naded. Ega soggu: “¿Be an-sabe?” Pedro, abin-sogded: —Dummad, bela ibmar be wisid. An nue-be-sabed be wisid. Jesús ega sogded: —Degirdi, an-dulamar-sibad-wawaadyob-gudiid nue be anga sedii imako.

Juan 5:37

Bab-an-barmialidi, bato angi sunmaksa gusad. Bemala bipisaale e-gaya-sunmaked be itodisurmalad, degine, e-dakleged be dakdisurmarbalid.

Gusmalad 1:24

Dulemar-bukmalad Bab-Dummadse gotemargu, sogdemalad: “Bab-Dummadye, bedi bela anmar-binsaed mag daksoggu, anmarga be oyoge, we-ebogwadi, Judas-ular-dogega, biti bur be susadi.

Gusmalad 10:47

Geb Pedro sogded: —¿Doa Bab-diigi-ogleged-igargi we-dulemar mer ogoye sogmalosunna? ¿Ar anmar-sunnaa wemar Bab-Dummad-Burba-Isligwaled-abingasmarmosursi?

Gusmalad 14:3

Pablo, Bernabé-ebo suibaksaar Iconio-neggweburgi megiarmarsunnad. Nue-dobsuli gandikidba Bab-Jesús-dulemar-abonoged-igargi sunmakarmalad. Dulemar Bab-Jesúsʼgi bensuli gudiguarmalad. Pablo, Bernabé-ebo ibmar-soged nabir guegala, Bab-Dummad amarba ibmar-wilubgan-dakledisurmalad-imakega, degi, ibmar-gegerdaklemalad-imakega imaksad.

Gusmalad 15:28

Bab-Dummad-Burba-Isligwaledi, degi, anmarmoga mer bemarga igar-dutusur-mesed nabir itosmalad. Unnila we-igarmar nue-imaklebi abeleged:

Gusmalad 2:4

Belagwapa dulemar-bukwadgi Bab-Dummad-Burba-Isligwaled ubononikid. Degidbali, gangudmalad, gaya akar-akar sunmakdemalad. Bab-Dummad-Burba-Isligwaled ega gaya-ukedba, sunmakdemalad.

Gusmalad 4:31

Jesúsʼba-nanaimalad Bab-Dummadse-goled-bergusmargu, danar-bukwamaladgi neg giglimakded. Agine, bela Bab-Dummad-Burba-Isligwaled egi ubononisunnad, geb degine, dobsuli Bab-Dummad-gayaburbagi sunmakdemarsunnad.

Hebreos 2:4

Degine, Bab-Dummad anmarga na oyosad, ibmar-wilubgan-imaklegedgi, dule-geger-ibmar-daked-imaklegedgi, degine, ibmar-dakledisurmalad-akar-akar-imaklegedgi, degi, e-Bab-Burba-Isligwaled na e-sogedba gurgin-burbarmalad-nuegan-uksadgi, anmarga oyosad.

Hebreos 4:13

Bela-ibmar-obinnilesadi, Bab-Dummadgi dukunaisulid, bela e-asabin magar-daklenaidbiid. Anmar-Bab-Dummadga-ibmar-sogoedgi, ibmar dukunaisulid.

Apocalipsis 2:23

Jezabel-e-mimmigan an oburgoed. Deyobi, bela anba-nanaimalad wisgumaloed, ani an dulemar-gwage-ulubse-bakar, igi-binsa-bukmalad an wisye. Deginbali, dulemar na-e-ibmar-imaksadba an bennukoed.

1 Samuel 16:7

Bab-Jehováʼdi, Samuelʼga sogded: —Ar we-dule an nug-imaksasulid. Mer e-daklegedgi be atake, mer e-mas-dunguedgi be atake. Ar andi we-ibmar daksulid. Duledi, ibmar-daklegedgi ataked, andi, gwage-ulub daked.