Gusmalad 13:11 - Kuna San Blas

¹¹ Emigindi, Bab-Dummad begi gwisgunonisunnoed, aku-atake be guoed, ibabigbasaale be dad-ibeler bar dakosulid.” Geb a-gines, Elimasʼgi negasichid nagunonikid, aku-atake gunonikid. Dule-argangi-e-nidmalaga aka-aka dule-amidii gualid.

Bab dummad Jesucristoba igar mesisad garda

¹¹ Degisoggu, emigindi Bab Dummad begi gwisgunonisunnoed; aku-atake be guoed, ibabigbasaale be dad-ibeler bar dakosulid.” A-sorba, yog Elimasgi nega-sichid nagunonisunnad, aku-atak gunonikid. Degisoggu, aka-aka dule-amidii-gualid, adi argangi e-nidmalagar.

Gusmalad 13:11 Iomraidhean Croise

Génesis 19:11

Geb wemar-warbogwad dulemar-bela-magaba-bukwad geg-atake imaksamalad. Belagwapa, sapinganse, degine, serganse-bakale, geg-atake gusmalad. Yawagak acha-acha-aminanaid, budar-itoarmalad.

2 Reyes 6:8

Siria-e-rey, Israel-dulemar-ebo bila-ononaidgi, sorda-idumaladse gochad, ega sogega, ede bia neg-amisa na ambikumalaga.

Job 19:21

An-aimar, nue-wile be an-dakmala, ar Bab-Dummad nue an-wionaid. ¡Nue-wile be an-dakmala!

Salmo 32:4

Mutikidbali, ibginedbali, sabsur be an-imaked. Igi yorgi dutu dad-ibeler-abin dinguddae, deyobi, an na itoged.

Salmo 38:2

Be sabsur-angi-uludedba an naibigunonikid, be angi sabsur-gwisgunonikid.

Éxodo 9:3

Bab-Jehová be-molimar-be-nainugi-gudidimaladgi e-gangued oyogoed. Degine, boni-dummad we-be-ibdurgangi odegoed: Molimargi, moli-uayasuidmargi, moli-yargan-muremaladgi, moli-bebe-nikamaladgi, sibad-wawaadmargi, degi, sibadmargi, odegoed. Bela we-ibdurgan burgwemaloed.’

Isaías 29:10

Bab-Jehová bela-belad bar-ibmar-daksuli be-imaksad. Bab-Dummad-gayaburba-barsogmalad-ibe burbar-geg-ibmar-dake imaksad. Negburgan-dakmalad bar negburgan-daksuli imaksad.

Juan 9:39

Jesús sogded: —An dulemarga-igar-nabogega, we-napnegse an nonikid. Dule-aku-atakdimalad mag-ataksaega an nonikid. Degi, dulemar-mag-atakmalad, aku-atak-imakega an nonikid.

Gusmalad 9:17

Deyob Bab-Jesús ega sogsagu, Ananías Judas-negse nadsunnad. Modapgu, Ananías, e-argan Sauloʼgi-mesisgu, ega sogded: —Gwenad-Saulo, Dummad-Jesús igarba-danigu bese-magarosad-dule, a an-barmialid. Adi, nabir gannar be atakbaligar, degi, Bab-Dummad-Burba-Isligwaled bela-bela be nikubaligar.

Romanos 11:25

Gwenadgan, an abesurdo, we-igar-dukuar-maid bemar wissuli-gudigued. Adi, wissulidbali, melle na be dukin san-dummarba itomalagar. Ar Israel-dulemar Bab-Gayaburba-abala benmalad. Deyobi, Israel-dulemala, bela Judíoʼsurmalad-nabir-abonolemaloed abonolemaladse, bengudii gumaloed.

Hebreos 10:31

Dule Bab-Dummad-Dula-Maid-e-sabsur-odurdaked itogele, we, beedse nunmaked-dummaddo.

2 Pedro 2:17

We-dule-odurdakmalad-napiragwadsulid dia-dinnagwadyobmalad, mogir-gorosur-aibindanikidyob diisuli burwaba selegedyob gumalad. We-dulemar, degisadegu odurdaklesigumalaga, negsichid-naidse seledmaloed.

1 Samuel 5:11

A-ulale, Filistea-dulemar bela e-dummaganse gochamalad, geb gandikidgi ega sogdemalad: “¡Israel-Bab-Dummad-Ulu be sedmar! ¡Israel-dulemarse be gannar berbenamar! Degisulile, anmar, degi, anmar-mimmiganse-bakar, burgwemaloed.” Ar Filistea-dulemar Bab-Dummadse sabsur-odurdaklenaisoggu, na dobe burgwemalad.

1 Samuel 5:9

Ar Bab-Dummad-Ulu Gat-neggweburse berbeleapid-sorbali, Bab-Jehová bela-Gat-dulemar, burwiganase-bakale, boni-dusiyob-daklegedgi sabsur-odurdaksad. A-ulale, Gat-neggweburgi dobed-dummad nagunonikid.