Gusmalad 11:1 - Kuna San Blas

¹ Jesús-e-sapingan-bur-dummagan, degi, gwenadgan-Jesúsʼba-nanaimalad Judeaʼgi-bukwamalad, itoarmalad, dulemar-Judíoʼsurmalad Bab-Dummad-gayaburba abingasmarmoye.

Bab dummad Jesucristoba igar mesisad garda

¹ Jesús-nuggi-barmilesmalad, degi, gwenadgan-Bab-Jesúsba-nanaimalad Judeagi-bukwamalad, itoarmalad, dulemar-Judiosurmalad Bab-Dummad-gaya-burba abingasmarmoye.

Gusmalad 11:1 Iomraidhean Croise

Génesis 49:10

Judá-dulemar-abargi dule-negsemaid gwen surguosulid, degine, gaapoled-e-ibed danikidse e-gaapoled-ganikid egi suosurmarbalid. Ar ade, dulemar-yar-baid-baidgi-bukmalad e-rey-Siloh-nonikoed, a-rey-sogedba nanamaloed.

Salmo 22:27

Bela we-napneggi-dulemar-yar-baid-baidgi-bukwamalad, dulemar-ablis-akar-akar-bukwamalad-ugakaasega, Bab-Jehová-ebinsadmaloed, Bab-Jehováʼse gannar aibirnonimaloed, sindigar abin ambikunonimaloed.

Isaías 11:10

A-ibagangine, Isaí-e-wagangi-dule-danikoedi, dulemar-iduedga guoed. Bela dulemar-yar-baid-baidgi-bukwamalad ese duurmaknonimaloed. E-neg-megoedi gandikidba-yeerdaklege guoed.

Isaías 32:15

Geb Bab-Dummad-Burba anmargi aidenonikoed, nega-dulesulidi, napa-nuedga gudoed, napa-nuedi, nainu-nued-daklege nadoed.

Isaías 42:1

Bab-Jehová soged: “We, an-mai-gued. Ani an we-dule-sediid. Ani na susad. An egi yeer itoged. An-burba an ega uksad. Ani Bab-Jehová, dulemar-yar-baid-baidgi-bukmaladga igar-innikigwad imakoed.

Isaías 42:6

“Ani an Bab-Jehová gued. Ani an bese gochad, igar-innikigwad-imakega an be-semai gusad. Ani an be-odenonikid, an-dulamarga an dulemarbo-igar-mesisad-e-wilubga-guega an be-imaksad. Dule-yar-baid-baidgi-bukmalad-magar-neg-itomalaga, gwallu-meegwadyobi an be-ogwisgunonikid.

Isaías 49:6

Bab-Dummad weyob e-maiga soged: “Be an-maiga-guedgi, unnila be anga Jacob-waganbi gannarse nudakosulid. Unnila be anga Israel-dulemarbi gannar-e-yarse sedagosurbalid. Dulemar-yar-baid-baidgi-bukmaladga, neg-meegwadga-guega an be-imakbalid, degi, bela napaneg-naid-ugakaasega, an-abonoleged-igar-sedega an be-imakbalid.”

Isaías 52:10

Bab-Jehová, bela dulemar-yar-baid-baidgi-bukmaladga e-gangued oyogoed. Bela napneg-naid-ugakaase-bukmaladi, anmar-Bab-Dummad-e-abonoged dakmaloed.

Isaías 60:3

Dule-yar-baid-baidgi-bukmaladi, be-neg-meegwadba gudii gumaloed, degi, reymar be-neg-ibegwaledba nanadii gumaloed.

Isaías 62:2

Dulemar-yar-baid-baidgi-bukmaladi, be-igar-innikigwad-imaked dakmaloed. Bela reymala be-gangued-be-yeerdakleged dakmaloed. Nug-gwapid be nikuoed, Bab-Jehová-sunnad bega nug ukoed.

Jeremías 16:19

Bab-Jehováʼye, an suli-suli-itogedgine, be an-ganguedga guedid, be an-ogannogedid, be an-edarbedid. Bela yalamar-ugakaase-bukmaladi bese danimaloed, bega sognonimaloed: “Anmar-dadgan bab-dummadsulid e-bab-dummadga na imaksamalad. Gwen ibmar-nued abingassurmalad, unnila ibmar-igarga-gusulid na abingasmalad.

Oseas 2:23

An-dulamarga napaneg an uknonikoed, angadgarbi an-dulamar an imakoed. ‘Wiledaklegarsurmaladi’ an wiledaknonikoed. ‘An-dulasurmaladse, an-dulamarye,’ an gornonikoed ‘An-Bab-Dummadye,’ anse gormarmogoed.”

Miqueas 5:7

Igi Bab-Jehová wakudaryala boo-bomiardae, degi, igi gagangi dii-owiardabali, debayobi, Jacob-wagan-napi-besmaladi, neggwebur-bamalad-abargine gudii gumaloed. Gaganmar gwen dule-eoged abdakdasulid deyobi, gumaloed.

Sofonías 2:11

Bab-Jehová, amar-sabsur-odurdakoed. Bela napneggi ibmar-bab-dummadga-imakledimaladi, obelogoed. Deyobi, bela dulemar-we-napneg-ugakaase-bukmaladi, na e-yar-e-yargi Bab-Jehová-asabin sindigar sigmaloed.

Sofonías 3:9

”Bela Bab-Jehová-nug-odummomalaga, bela bulakwaa Bab-Jehováʼga arbamalaga, an dulemar-e-gwabinduku swilidik imakoed.

Zacarías 2:11

”A-ibagine, bukidar dule-yar-baid-baidgi-bukmalad anba nagumaloed. A-dulemar-bukidarad an-dulamarga gunonimaloed, a-dulemar-abargi an megnonikoed.” Deyobi, wisgunonimaloed, Bab-Jehová-Bela-Gangued-Nikad bemarse an-barmiarye.

Malaquías 1:11

Bab-Jehová-Bela-Gangued-Nikadi weyob sogbalid: “Dad-nakwiardaed-akale, dad-argwanedsega, bela dulemar-yar-baid-baidgi-bukwamalad-abargi, an-nug dummarbaa gued. Bela yar-baid-baidgine an-nugga ina-wawadikid ukmalad, degi, an-nugga ibmar-ukleged-swilidikid ukmarbalid. Ar bela dulemar-yar-baid-baidgi-bukwamalad-abargi, an-nug dummarbaa gued.”

Mateo 2:1

Jesús Judea-yalagi Belén-neggweburgi gwalulesgu, deun Rey-Herodes-negdakmaidgi, girmar-dad-nakwe-dorgan-ibmar-nue-wisimalad Jerusalénʼse nonimalad,

Mateo 8:11

”Ar an bega sogdo, bukidar dad-nakwedsik, degine, dad-argwanedsik dule-Judíoʼsurmalad Bab-Dummad-negdakmaidse nonimaloed, adi, Abrahamʼba, Isaacʼba, degine, Jacobʼba mas gunmalagar.

Marcos 16:5

Omegan neg-uan-yaba-dogdemargu, dakarmalad, Jesús-mai-gusad-argan-nuedsik sapin-gwensak mola-sibu-suid-yoi sii. Deyob dakarmargu, omegan gwakidmalad.

Lucas 2:32

Dulemar-yar-baid-baidgi-bukmaladga neg-meegwadga guoed. Degi, we-mimmi, Israel-dulemarga gandikidba-be-nug-odummogedga guoed.” Isaías 42:6; 49:6

Gusmalad 1:15

Deunni, gwenadgan e-dulanergwasaar (120) ambikunonimalad. Amar-abargi Pedro gwisguded, weyob sogded:

Gusmalad 11:29

Degisoggu, Antioquíaʼgi-Jesúsʼba-nanaimalad, gwenadgan-Judeaʼgi-bukwamalad-bendake guarmalad. Na ibmar-nikadba ukdemalad.

Gusmalad 14:27

Antioquía-neggweburse nonimargu, gwenadgan-Jesúsʼba-nanaimalad-danar-ambikunonidamaladse gochamalad. Agi Pablo, Bernabé-ebo amarga sogsamalad, igi Bab-Dummad Judíoʼsurmaladga nabir igar egasmoga, adi, amar nabir Bab-Jesúsʼgi-bensuli gumarmogagar.

Gusmalad 15:3

Pablo, Bernabé, degi, gwenadgan-baigan, Jesúsʼba-nanaimalad-Antioquíaʼgi-danar-ambikunonidamalad-sogedba barmilesmargu, Fenicia-yalaganba, degi, Samaria-yalaganba nadapgusmalad. Igarba gwenadganga sognadap-gusmalad, igi Judíoʼsurmalad yeer Bab-Jesús-abingasmarmoga. Deyob itoarmargu, gwenadgan nue-yeer itosmalad.

Gusmalad 28:15

Gwenadgan-Jesúsʼba-nanaimalad-Romaʼginmalad, bato anmar-danikid wisgusmarsoggu, anmar-abin Foro-De-Apioʼye-neg-nugadse, degi, Tres-Tabernasʼye-neg-nugadse nonimalad. Pablo gwenadgan-dakargu, yeer itosad. Bab-Dummadga dog-nuedye sogsagu, e-gwage gannaled.