Gusmalad 1:9 - Kuna San Blas

⁹ Jesús deyob-ibmar-sogsad-sorba, e-sapingan-wagab, nibnegse nakwid gusad, mogir-darba emargi yoggudsunnad.

Bab dummad Jesucristoba igar mesisad garda

⁹ Jesús wegi-ibmar-sogsad-sorba, e-sapingan amba dakbukwa, nibnegse Jesús seled-gusad, degi, mogir-darba emargi yoggudsunnad.

Gusmalad 1:9 Iomraidhean Croise

Salmo 68:18

Bab-Dummad-Jehová, niba be nakwisgua, dule-galesmalad beba be sesa gusad. Dulemar-ibmar-bega-binsa-uksad be susad, dule-uayasulidamalad-e-ibmar be susad. Adi, be be-dulamar-abargi gudii guegar.

Éxodo 19:9

Agi, Bab-Jehová ega sogded: “Nue be an ito, an bese mogir-guduregedba nonikoed, adi, an-bebo-sunmaknaid dulemar itogega. Adi, deyob dulemar degisadegu begi bensuli gumalagar.” Moisés dulemar-ega-sogsad gannar Bab-Jehováʼga sognai gusad.

Éxodo 34:5

Geb degine, Bab-Jehová mogirba aidenonikid, Moisésʼse walik-gunonikid. Geb Bab-Jehová e-nug-wisguega Moisés-imaksad.

Isaías 19:1

Egipto-yar-guoedgi iduakwaa sunmaklesad: Bab-Jehová be dakmala. Mogir-gwae-gwae-iirmakmaid-birgi-sii, Egipto-yalase danikid. Egipto-e-bab-dummagan e-abin wawanmakbukwad. Egipto-dulemar nue dobe-itomalad.

Daniel 7:13

”Mutikidba an we-negburgan dakmaidgine, dule-wargwen mogir-imbaba aidedaniki an dakalid. We-dule, Dule-Selebagwad-siidse nade gusad, geb ese walikaa warmakega imaksamalad.

Marcos 16:19

Bab-Jesús e-sapinganga ibmar-sogsad-sorba, Bab-Dummad, Jesús nibnegse sesad. Geb Bab-Dummad-argan-nuedsik sigidapid.

Lucas 21:27

”Geb degine, ani Dule-Machi, mogir-imbaba an-ganguedba, degi, bela-bela an-gangued-yeerdaklegedba-dani an-dakdamaloed.

Juan 6:62

Ar Dule-Machi nibneggi-mai-gusadse gannar nakwemai be dakarmalar, ¿igi be sogsamalarsunna?

Gusmalad 1:11

Amar Jesús-sapinganga sogdemalad: —Galilea-dorgan, ¿ibiga be niba-atakbukmala? We-Jesús, igi bemargi sulesa, igi niba nakwid be daksamala, weyopira we-Jesúsʼsunnad, napnegse gannar danikoed.

Gusmalad 1:2

degine, igi-Jesús nibnegse-nakwide gusbali, ase an narmaksado. Emisgindi, an bega sogbalodo, igi-Jesús yoo nibnegse-nakwed-iduale, e-sapingan-bur-dummagan-susadga, Bab-Dummad-Burba-Isligwaledbali sogsagusa, ibu imakmaloe.

1 Tesalonicenses 4:17

A-sorbali, anmar-dula-gudimalad, anmar-besmalad, gwenadgan-Bab-Jesúsʼgi-burgwismaladba-mesa nibnegse seledmarmogoed. Adi, agi anmar mogir-imbaba Bab-Jesús-abinguegar. Deyobi, anmar Bab-Jesúsʼba degisadegu gudii gumaloed.

1 Timoteo 3:16

Emide, Bab-Jesús-igar geg benguleged. Ar we-igar igar-dakledisulid-igalad, igala-dummadid, ar ade: Bab-Dummad anmarse oyolesad, anmar-dule-sunnadyob napnegse aidenonikid. Bab-Dummad-Burba-Isligwaled dule-ibmar-oakalossulidye-nik sogsad. Baliwiturmar, Bab-Jesús-nue-daksamarmogad, Judíoʼsurmaladga Jesús-igar-nuedgi ega sunmaklesad. Dulemar-napneggi-bukmalad Jesúsʼgi bengussurmalad. Degi, Bab-Dummad na e-nibnegse Jesús-onakwisad, agi e-nug odummossunnad.

Apocalipsis 1:7

Bela-dulemar Jesús-mogir-imbaba-aidedani dakmaloed. Dulemar-Jesús-ewarismalad amba dakmogoed. Bela-dulemar-baid-baid-we-napneggi-danar-danar-bukmalad Jesús-dani-dakdagogu, bodmaloed. Eye, deyob gusun.

Apocalipsis 11:12

Geb wemar-warbogwad, nibneg-akale, binnasuli gayaburba-gole itosmalad. Ega weyob soged: “Niba be nakwedamar.” Geb wemar-warbogwad mogir-abalagi nibnegse nakwidmarsunnad. Degine, bela-e-isdarmalad wemar-warbogwad-nibnegse-nakwided daksamalad.

Apocalipsis 14:4

Wemala, omeganse-gochasurmaladid, na san-swilidik sedigusmaladid. Wemar, Sibad-Wawaad-Mimmi bia naoe, eba naddamalad. Wemar-insega Bab-Dummadgadga-gumalaga, degi, Sibad-Wawaad-Mimmigadga-gumalaga, dulemar-abargi abonolesmalad.