Gusmalad 1:8 - Kuna San Blas

⁸ ”Bab-Dummad-Burba-Isligwaled bemargi aidenonikile, bemar niga-gangudmaloed, degine, bemar angi-sunmakdemaloed. Gebe Jerusalénʼgi-onodoed, geb bela Judea-yalaganba-nadoed, geb degi, Samaria-yalaganba-bipirmakdoed, geb bela napneg-naid-ugakaase, an-gayaburbagi bemar sunmakdemaloed.”

Bab dummad Jesucristoba igar mesisad garda

⁸ Bab Dummad Burba Nued bemargi aidenonikile, agi bemar gangudmaloed, degine, geb bemar an-barsogdemaloed, gebe Jerusaléngi, agi bela Judea-yalaganba, degi, Samaria-yalaba, geb degi bela we-napneg-naid-ugakase.

Gusmalad 1:8 Iomraidhean Croise

Salmo 22:27

Bela we-napneggi-dulemar-yar-baid-baidgi-bukwamalad, dulemar-ablis-akar-akar-bukwamalad-ugakaasega, Bab-Jehová-ebinsadmaloed, Bab-Jehováʼse gannar aibirnonimaloed, sindigar abin ambikunonimaloed.

Salmo 98:3

Bab-Jehová Israel-dulemar-sabesaila maid. Ega ibmar-imakedseye-sogsa-gusad ebinsanonikid. Bela dulemar-napneggi-bukmalad, anmar-Bab-Dummad-bela-bela-e-bendaked daksamalad.

Isaías 42:10

Bab-Jehováʼga namakleged-gwapidgi be namakmar. Bemar-muu-billigi-iirmakbukwad, ega be namakmar. Demar-yagi-ibmar-dula-bukmalad, Bab-Jehová-nug odummomar. Napneg-ugakagi-bukmalad, Bab-Jehová-nug ogannomar. Bemar demar-gakaba-bukmalad, Bab-Jehová-nug be odummomar.

Isaías 49:6

Bab-Dummad weyob e-maiga soged: “Be an-maiga-guedgi, unnila be anga Jacob-waganbi gannarse nudakosulid. Unnila be anga Israel-dulemarbi gannar-e-yarse sedagosurbalid. Dulemar-yar-baid-baidgi-bukmaladga, neg-meegwadga-guega an be-imakbalid, degi, bela napaneg-naid-ugakaasega, an-abonoleged-igar-sedega an be-imakbalid.”

Isaías 52:10

Bab-Jehová, bela dulemar-yar-baid-baidgi-bukmaladga e-gangued oyogoed. Bela napneg-naid-ugakaase-bukmaladi, anmar-Bab-Dummad-e-abonoged dakmaloed.

Isaías 66:19

”An ega wilub-oyogoed, abala dule dula-bemaloedi, we-yarmarse an barmidoed: Tarsisʼse, Futʼse, Ludʼse (we-dulemarde sigu-mied-dulemalad), Tubalʼse, Javánʼse, dikasur demar-gakaba-neggwebur-bukmalad an-nug-itodisurmaladse, degi, an-gangued-yeerdakleged-dakdisurmaladse an barmidoed. ”Wemala, dulemar-yar-baid-baidgi-bukmaladga, an-gangued-yeerdaklegedgi sunmakmaloed.

Jeremías 16:19

Bab-Jehováʼye, an suli-suli-itogedgine, be an-ganguedga guedid, be an-ogannogedid, be an-edarbedid. Bela yalamar-ugakaase-bukmaladi bese danimaloed, bega sognonimaloed: “Anmar-dadgan bab-dummadsulid e-bab-dummadga na imaksamalad. Gwen ibmar-nued abingassurmalad, unnila ibmar-igarga-gusulid na abingasmalad.

Miqueas 3:8

Andi, Miqueas, Bab-Jehová-Burba nue-nika gudiid. Igar-napiragwadi, degi, garganguedi, an nue-nika gudiid. Adi, Jacob-dulemar ibmar-isgana-imakmaladgi an sunmakegar, degi, Israel-dulemar-isgudiidgi an sunmakegar.

Zacarías 4:6

Degisoggu, baliwitur anga sogdesunnad: “Bab-Jehová Zorobabelʼga weyob sunmaknaid: ‘Sordamar-bila-onogedginsulid, garganguedginsurbalid. Unnila An-Burbaba ibmar imaklegoed.’ Deyob, Bab-Jehová-Bela-Gangued-Nikad soged.

Mateo 24:14

”We-Bab-Dummad-e-negdakmaid-gayaburba-nued bela we-napneg-naidgi sunmaklegedsegad. Geb bela dulemar-yar-baid-baidgi-bukmalad Bab-Dummad-e-negdakmaid-gayaburba-nued wisgunonimalale, geb agi we-napneg bergunonikoed.”

Mateo 28:19

Degisoggu, be namar, bela-dulemar-yar-baid-baidgi-bukwamalad an-sapinganga gued be imaknamar. Amar Bab-Dummad-nuggi, Bab-Dummad-Machi-nuggi, degi, Bab-Dummad-Burba-Isligwaled-nuggi, Bab-diigi-ogleged-igargi-oglegega, be imaknamar.

Marcos 16:15

Jesús e-sapinganga sogded: “Bela dulemar-we-napneggi-bukmaladse be namar, bela amarga Bab-Dummad-Gayaburba-Nuedgi be sunmaknamar.

Lucas 1:35

Baliwitur, Maríaʼga sogded: —Bab-Dummad-Burba-Isligwaled begi aidenonikoed. Bab-Dummad-Bur-Birigined-e-gangued be-edunonikoed. Degisoggu, Dule-gwage-islidikid-gwalulegoedi, Bab-Dummad-Machiye soglenonikoed.

Lucas 10:19

Jesús e-sapinganga sogdebar: “Emide, bemarga gangued an uked, naibemar-birgi, degine, diormar-birgi annaegar. Degine, bela be-isdarad-Satanás-ganguedgi-nakwega bemarga gangued an uked. Amar gwen be-oakalogosurmalad.

Lucas 24:29

Ar emar-warbogwad Jesúsʼgi ise-alamaknai gusmalad, ega sogdemalad: —Anmarba be beeye, bato neg sedogusye, bato neg mutikgudaniye. Degisoggu, Jesús, emarba bessunnad.

Juan 15:27

Ar bemar gebe-an-arbaded-onoded-akar be anba gudimalad-ulale, be angi sunmakdemarmogoed.”

Gusmalad 1:22

Degi, we-dule, Juan-Bab-diigi-ogleged-igar-imakded-akar, Jesús-nibnegse-nakwidedse, dule-anmarba-gudigusadi anmar amiergebed. Adi, a-dule, anmarba Jesús-gannar-durgusadgi sunmakmogagar.”

Gusmalad 1:5

Ar Diigi-dule-oged-Juanʼdi Bab-Dummad-diigi-ogleged-igar-imaksadi unnila diiginbi dulemar-ogsad. Emiskwaa, ibagan-danikoedgindi Bab-Dummad-Burba-Isligwaledgi bemardi oglemaloye.”

Gusmalad 13:31

A-Jesúsʼde, Galilea-akar Jerusalénʼse-eba-nade-gusmaladse na ibabigbasaale magarodii gusad. Emide, a-dulemar dulemar-baiganga Jesúsʼgi ibmar-daksamaladba sunmakdimarsunnad.

Gusmalad 2:32

”A-Jesús-sunnad, Bab-Dummad gannar odulosad. Jesús-gannar-durgusad, bela anmar daksamalad.

Gusmalad 22:15

Emide, be nue-daksadi, degi, be nue-itosbalidi, bela dulemarga be sogoed.

Gusmalad 3:15

Deyob bemar dulega-san-burba-dulad-ukedi oburgwisgusmalad. Degi-inigwele, Bab-Dummad, Jesús-burgwarmaigu, odurgusad. Jesús-durgusad, bela anmar-ibyanugi anmar daksamalad.

Gusmalad 4:33

Jesús-e-sapingan-bur-dummagan, Bab-Dummad-Burba-Isligwaled-ganguedba Bab-Jesús-gannar-durgusadgi, dobsuli sunmakdii guarmalad. Degine, Bab-Dummad, Jesúsʼba-nanaimaladgi bela-bela dulemargi-nabir-binsaed-burba odemai gualid.

Gusmalad 5:32

We deyob-gusadi, anmar-sunnad daksamalad, we-igar-barsogega anmar gunonikid, degi, Bab-Dummad-Burba-Isligwaled amba we-igar-barsogega gunonimogad. Bab-Dummadi we-Burba-Isligwaled dulemar-eba-damaladga ukmaid.”

Gusmalad 6:8

Bab-Dummad bela-bela Esteban-nabir-daksoggu, degine, Esteban Bab-Dummad-Burba-Isligwaled-gangued bela-bela nikabarsoggu, dulemar-abargi ibmar-dummagan-gegerdaklemalad, degine, ibmar-wilubgan-dakledisurmalad imakdii gualid.

Gusmalad 8:1

Judíoʼmar Esteban-iblosmargu, Saulo yeer-itogwichi gusmogad. Deunni, Jerusalén-neggweburgi Jesúsʼba-nanaimalad-danar-ambikunonidamalad nue-ise-wilegar baregillearmalad. Degisoggu, bela amala Judea-yalaganba, degi, Samaria-neggweburse duurmakde gusmalad. Unnila Jesús-e-sapingan-bur-dummaganbi Jerusalénʼgi besa gusmalad.

Romanos 10:18

Ar an egismosundo: ¿Wede Israel-dulemar, Bab-Dummad-gayaburba itossurmarsi? Itosmala. Ar Bab-Dummad-Garda soged: “Bab-Dummad-gayaburba-barsoglenaid, bela napneg-naidgi barmilesad. Ar sukun-gwen-bessuli e-gayaburba warmaknaid.” Salmo 19:4

Romanos 15:19

Weyob-an-imaksadi, Bab-Burba-Isligwaled-ganguedba ibmar-wilubgan-dakledisulid an imaksad, degine, ibmar-gegerdaklemalad an imaksabalid. Degisoggu, Jerusalén-neggwebur, degine, a-neggweburmar-dikarbarmalad-akale, Ilírico-yarsega, bela Cristo-Gayaburba-Nuedgi an sunmaksad.

Colosenses 1:23

Ar deyob be gumalaga, bemar Bab-Jesúsʼgi-bensulidgi gandikidba, ise-sakdigale, degi, sikirmaksuli, alamaknai gumalargebed. Degi, Bab-Dummad-Gayaburba-Nued-be-abonogedgi, be bangusur-gudii gumalargebed. We-Gayaburba-Nued bemar itosad, degi, we-napneg-naidgi bela dulemarga egi sunmaklenaid. Ani, Pablo, we-igar-barsogegala an nugsalenonikid.