Génesis 8:9 - Kuna San Blas

⁹ Ar napa amba yoo dingusoggu, nuu siged amissurgusad. Degisoggu, gannar ur-dummadse nonikid. Noé e-argan onosgu, nuu-gasad, ur-dummadyaba gannar nuu-odosad.

Génesis 8:9 Iomraidhean Croise

Génesis 8:10

Noé ibagugle (7) napi edarbisbalid, a-sorba gannar nuu barmisbalid.

Génesis 8:8

Noé sikwisichid-barmisad-sorba, nuu barmisad, adi, dakega sana napa dingudibeye.

Salmo 116:7

Emigindi, an bar bukib-binsaosulid, gwage-bogidik-gudii guoed. Ar Bab-Jehová angi nued binsasad.

Isaías 60:8

”Mogiryob-nasdamalad, ¿wede doamala? Nuu-sibuyob e-uuse nadapdamalad, ¿wede doamala?

Ezequiel 7:16

Dulemar-durgumaloeddi, wakitemaloed, nuu-sibu-sapurbarmaladyob yalaganba gudimaloed, na dukin e-isguedga bodimaloed.

Mateo 11:28

”Bela bemar-yegus-alamaknaimalad, degi, yegus-itodidimalad, anse be dagmar, ani an bemarga obunnoged ukoed.

Juan 16:33

”An we-ibmar an bega sogsamalad, adi, bemar angi ulubgi-bogidik-itoleged nikumalagar. We-napneggi be naibi-itodii gumaloed, degi-inigwele, gandik be imakmalo, mer be bengumalo. Ar an burba-isganamar-we-napneg-semamaidgi bato an nakwisad.”

Deuteronomio 28:65

Ar we-dulemar-abargi bemar obunnogosurmalad, degine, be-malimarse-bakale, obunnoged-sate gumaloed. Agi, Bab-Jehová dobe-itoge bemar-imakoed, be ibmarbina-nue-sogedba be-ibya mommoledoed, degine, bendakleged-satedba ulubgi bela-bela bukib-binsae be itogoed.