Génesis 5:5 - Kuna San Blas

⁵ Degisoggu, Adán bela birga-dulataled-ilabakebak gaka durgwen-gakambe (930) dula-gudii gusad. Degi-birga-nika Adán burgwisad.

Génesis 5:5 Iomraidhean Croise

Génesis 3:19

Be-wimaked-osuurmakedgi na be masgunned-amidii guoed. Deyob be guoed, be napaga gannar guedse. Ar ade, napagi be danikid. Ar be napasoggu, be burgwisale, napaga gannar be binyoed.”

Génesis 5:11

Degisoggu, Enós, bela birga-dulataled-ilabakebak gakatar (905) dula-gudii gusad. Degi-birga-nika Enós burgwisad.

Génesis 5:4

A-sorba, Adán birga-dulataled-ilabaabak (800) napi-gudii gusad. Adán, machimala-baigan nikusbalid, degine, bunamala nikusbalid.

Génesis 5:6

Set birga-dulatar-gakatar-nikadgi (105), e-machi-Enós gwalulesad.

Génesis 5:8

Degisoggu, Set, bela birga-dulataled-ilabakebak gakambe-gakabo (912) dula-gudii gusad. Degi-birga-nika Set burgwisad.

2 Samuel 14:14

Igi dii napagi ariodele, gege bar gannar welege, debayobi anmar bela berguedsegad. Ar Bab-Dummaddina dule-oburgwesulid. Dule-ononnolesgudiid gannar-ese-daged bur abeged, adi, ega igar amiegar.

1 Crónicas 1:1

Adán-e-wagan, wemalad: Adán-e-machi, Set. Set-e-machi, Enós.

Job 30:23

Bab-Dummad, neg-uan-urba be an-semaid an nue-wisid. Dule-burgwisar-seleddaedse be an-semaid.

Salmo 89:48

¿Ar doa burgosuli degisadegu dula gudiguoe? ¿Ar doa burgwedgine wakinnoe?

Salmo 90:10

Anmar birga-dulapaa-gakambese (70) dulagudigued. Anmar-bur-dutusur-gumaladdi, sunna birga-dulabakese (80) warmaked. Degi-inigwele, suiti-dulagudiguedi, unnila arbaed-dummad anmarga uked, wile-itoged anmarga uked. Igi anmar sikwas-dula-gudigue, deyobi, birgamar nasmogoed.

Eclesiastés 12:5

Neg-matusulidgi-nanalegedgi be dobe itononikoed, igarba-bonisar-nanalegedgi dobe be itononibaloed. Be-sailagia, ibmar-durba-sibudiksiiyob osibumakdoed. Ses-nanaeyob arbaed-dummad be nanadii guoed. Ibmar-gullegedi, bar bega nued-gulle gunonikosulid. Ar ade, dule degisadegu-yoggued-negse nadapid, bar gannar dagegarsulid. Bega-dule-bomaladdi, galimba-ebiris obiryamakdoed.

Eclesiastés 12:7

Ar napagi be danisoggu, napaga be gannar binnidoed. Be-burbadi gannar Bab-Dummadse naoed. Ar Bab-Dummad bega burba-uksadid.

Eclesiastés 9:5

Ar dulemar amba dula-gudimaladi, e-burgwemaloed na wismalad. Dule-burgwismaladdina bar ibmar-abemaisurmalad, ar bar-itomaisurmalad. Deginbali, gwen egi bar-binsalesurbalid.

Eclesiastés 9:8

Na be mor-dagudikmaladbi yodigu guo, gwallu-wawad nonogi be magakwaa-gudigu guo.

Ezequiel 18:4

Ar dule isguele, burgoed. Bela dulemala angadid. Babgan, degi, mimmiganse-bakale, angadid.

Deuteronomio 30:20

Bemar, be-Bab-Dummad-Jehová be sabgumar, e-sunmaked be itomar. A-sogedba, bane-bane be nanadii gumar. Ar ade, Bab-Jehováʼgi bemar dula-gudii guoed. Ar Bab-Jehováʼgi be suiti-gudii gumaloed. Adi, yar-be-Bab-Dummad-Jehová be-dadgan-Abrahamʼga, Isaacʼga, degi, Jacobʼga ise-sogar-sogsagusad, ede bemarga ukoye, a-yargi be nanadii gumalagar.”

Hebreos 9:27

Ar dulemarga, unnila irgwenna-burgwed igar maid. Geb a-sorbali, Bab-Dummad ega e-nanasad-igar itogoed.