Génesis 5:2 - Kuna San Blas

² Bab-Dummad machered ome-ebogwa obinnisad. Wemargi ise-nued binsasad. Bab-Dummad dulemar-obinnisgua, amarga sogsad: “Bemar, duleye nugguoye.”

Génesis 5:2 Iomraidhean Croise

Génesis 1:27

Bab-Dummad dule-obinyenonikid, na e-sunnague obinyenonikid. Bab-Dummad e-sunnague na imaksad. Machered, ome-ebo obinnisad.

Génesis 1:28

Bab-Dummad we-dulemargi ise-nued-binsasadba, ega sogded: “Bemar mimmigan-bukidar nikumar. We-napneggi dula-bukidar urbemar, degi, bela we-napneg-ugakaase ambikumar. Bemar we-napneggi be gangued-nikadba bela we-ibdurganmargi be obindii gumarsun: Uamargi, nuumargi, degi, ibmar-durgan-napagi-garmakdimaladgi.”

Génesis 2:15

Nainu-nued-Edén-akwega, Bab-Dummad-Jehová, dule-ogwisnonikid, agi arbaegar.

Génesis 2:23

Adán ome-dakdegu, sogded: “Ar wedi an-galado, ar ade, an-gargi obinnilealedid. Wedi an-sanado, ar ade, an-sangi obinnilealedid. Ar Bab-Dummad we-ome macheredgi obinnisad. We nugguodo, Omeye.”

Génesis 5:3

Adán birga-dulanergwa-gakambe-nikadgi (130), e-machi gwalulesad, Setʼye onugsanonikid. Setʼde bela Adánʼsun-dakleged, degine, bela e-bab-daeyobi dabalid.

Malaquías 2:15

¿Ar Bab-Jehová dule-gwenna, san-nika, burba-nika imaksasursi? ¿Ar ibiga dule-gwenna imaksa? Ar Bab-Dummad deyob anmar-imaksad, adi, anmar egadgadbi nugsalemalagar. Degisoggu, nue-salakarmalo. Be-san be nue-sedii imakmalo. Mer be na ome-sapingwaun-nikusadgi nomalo.

Mateo 19:4

Jesús abin-sogded: —¿Ar bemarde Bab-Dummad-Gardagi absodisurmarsi? Gebesailagi Bab-Dummad we-napneg-nasikargu, ‘machered ome-ebo abirgunagwar ogwisnonikid.’ Génesis 1:27; 5:2

Marcos 10:6

Ar Bab-Dummad gebesaila-ibmar-obinnisgudii, ‘Bab-Dummad machered, ome-ebo abirgunagwar ogwisnonikid.’ Génesis 1:27

Gusmalad 17:26

”Unnila ablis-gwennagi Bab-Dummad dulemar-akar-akar urbisad, adi, bela yarmar-naid-ugakaase dulemar ambikuegar. Bab-Dummad sogsabalid, sanagwadse dulemar-akar-akar ambikuoe, degi, biase ambikumarbaloe.