Génesis 5:1 - Kuna San Blas

¹ We, Adán-e-wagan-nugmar-narmakar-mamaid-e-gardad. Bab-Dummad dule-obinnisgua, deunni na e-sunnague dule-imaksad.

Génesis 5:1 Iomraidhean Croise

Génesis 10:1

Noé-masmala, wemalad: Sem, Cam, Jafet. Wemarde muusaila-mulusad-sorba, na mimmigan nikusmalad. Noé-masmala-e-wagan ambikusmalad, wemalad:

Génesis 2:4

Deyob napneg obinnilesad, degi, nibneg obinnilesad. Bab-Dummad-Jehová, we-napneg, degi, nibneg obinnisgua,

Génesis 6:9

Noé-igar weyob maid: Noé ibmar-inniki-imaked-duled. A-ibagangine, dule Noéʼgi akar-ibmar-soged sated. Noé Bab-Dummad-walikaa nanadii gusad.

1 Crónicas 1:1

Adán-e-wagan, wemalad: Adán-e-machi, Set. Set-e-machi, Enós.

Eclesiastés 12:1

Sapingwa-gudiidgi Bab-Dummad-be-obinnisad be ebinsao. Ibagan-bulegan-danikoed-idu, Bab-Dummad be ebinsao. Ar birgamar-bulegan-nonikile, be sognonikoed: “An-seredgussoggu, ibmar-nuegangi bar an wergudisurye.”

Eclesiastés 7:29

”Degisoggu, unnila webi an magar-itonikid: Bab-Dummad dule-imaksadi, dule-bonisuli imaksanad. Degi-inigwele, dule na e-daedba, dukin na bonigan-amisad.”

Mateo 1:1

Jesucristo e-dadgansiki ilekwaa-danikid-e-garda. Jesucristo, David-e-wagwad, degi, Abraham-e-wagwabalid.

1 Corintios 11:7

Ar machereddi, nono-dunwed abelesulid, ar ade, Bab-Dummad-yopira-dakleged-e-wilub na san-sediid, degine, dule-macheredba Bab-Dummad-nug ogannolegoed. Machereddi, e-omeba nug ogannolemogoed.

2 Corintios 3:18

Degisoggu, bela anmar-wagar-idu ibmar bar naisursoggu, anmar ispeyobi gusunnad. Bab-Jesús-e-gandik-gaed anmar oyonaisunnad. Degisoggu, anmar bur bule Bab-Jesús-e-yeerdakleged nikumaisoggu, Cristoʼyobi dakledanigussunnad. Weyobi, Bab-Jesús ibmar imaked. Ar Bab-Jesúsʼde, Bab-Burba gued.

Efesios 4:24

Degi, be igar-nuegan sumarsun, adi, dule-gwapidga be gumalagar. Ar Bab-Dummad na eyob bemar-obinnisad, adi, igar-napiragwadgi, degi, gwage-swilidikidgi be innikii nanamalagar.

Colosenses 3:10

Emigindi, bemar burba-binidgi gudimalad. We-burba e-obinnisad-Bab-Dummadyob-guedse, bur bule gatik Bab-Dummad-wisguedse gwagmaioed.

Hebreos 1:3

Bab-Dummad-e-Machi Bab-Dummad-gangued-yeerdakleged nikamogad. Bela Bab-Dummadga-guedi, E-Machi deyob gumogad. Degine, Bab-Dummad-Machi na e-gayaburba-gandik-nikadba, bela ibmar semaid. Bab-Dummad-Machi anmar-isgued-uruknonigu, nibneggi Bab-Dummad-ologana-argan-nuedsik sigidapsunnad.

Hebreos 12:9

Degi, anmar-babgan-we-napnegginmalad nuedgi-anmar-sabsur-odurdakedba, anmar egi nue-binsaed-nikaa gusmalad. Degisoggu, bur bule Bab-Dummad-Burbaledba anmar uaya-nikaa daewilubmardo, adi, anmar dula-gudii guegar.