Génesis 39:4 - Kuna San Blas

⁴ Degisoggu, e-dummad José-yeer-dake gunonisunnad. Potifar José e-bendakega onugsanonikid, degine, e-neggi ega-ibmar-daked-dummadga onugsasbalid. Degisoggu, Potifar bela e-ibmar-nikadi, José bela ega ibmar-dakega nugsasad.

Génesis 39:4 Iomraidhean Croise

Génesis 15:2

Abram Bab-Jehová-abin sogded: —Bab-Jehová-Bela-Negsemaid, ar be wisid, an mimmigan-sated, degite, ibmar-dummad be anga ukoye sogedi, ¿ar wede ibi-nuedga anga guosunna? Degisoggu, bela-an-ibmar-nikadi, we-anga-neg-daked-Damasco-dule-Eliezer, an-sorba bela ibmar gaoed.

Génesis 18:3

Abraham amarga sogded: —An-dummad, an bese ise-wilesakwaa egised, melle be bakar nao. An-negse be obunnoda.

Génesis 19:19

Emide, ibmar-nuegan bukidargus bemar anga imakdanikid. Degine, nued bemar angi binsasad, bemar an-bendaknonigu. Degi-inigwele, yalaganba geg an wakinned. Ar neg-bergudele, an sunna igarba bargalesaled. Ar degiile, an burgwemogo-itole.

Génesis 24:2

Ibagwengine, Abraham e-mai-bur-undargus-arbadiidse gochad. We-mai bela ega ibmar-dakega gudiid. Abraham a-maiga sogded: —Be anga ise-sogar-ibmar-sogegala, an-dua-urba be-argan be mese.

Génesis 32:5

Emidi, ede bukidar we-ibmarmar nikaye: Molimar-bebe-nikad, moli-uayasuigan, sibad-wawaadmar, sibadmar, maigan-omegan, maigan-machergan. ” ’Dummad, we-gayaburba an bese barmisiid. Degisoggu, bitigi nued be an-abin-daksana yeerban.’ ”

Génesis 33:10

Degi-inigwele, Jacobʼdi e-iagi alamaknai gusad: —Suli ia, degisuli. An we-ibmar-bega-sedanikidi, bitigi be abingasana yeerban. Ar be nued be anmar-abindaksasoggu, an be-dakdedgine, Bab-Dummad-wagar-dakdeyob an itonaded.

Génesis 33:8

Geb degine, Esaú egichidbalid: —¿Ar ibiga we-ibmar-durgan danar-danar be anga barmiali? Jacob ega sogded: —Be angi-nued-binsaega, an bega barmialid.

Génesis 39:8

Joséʼdi yapa gusad. José, ome-abin sogded: —An-dummad bela-ibmar-nikad ega-dakega an-nug-imaksad. Emigi, an-wegi-gudiidgi an-dummad bar gwen dogdar ibmargi bukib binsadisulid.

1 Reyes 16:9

E-mai-Zimri egi aibinnonikid. Zimriʼde, sorda-dummadga-gudiid, bila-onoged-urmar negabar-sedidid. Rey-Ela Tirsa-neggweburgi-gudigu, Arsaʼye-nugad-neggi mumgusii gusad. Arsaʼde, Ela-reyneg-akwedid.

Ester 2:9

Hegai, Ester-yeerdaksad, degi, nued daksabalid. A-ulale, Hegai, Esterʼga yeerdaklegega-wagargi-ibmar-maglemalad yoga-ukar imaksad. Bur mas-nuegan ega uksabalid. Deginbali, Hegai Esterʼga-ibmar-imakmalaga reyneggi-yagan-bur-nuegan-gudidiid walagugle (7) uksabalid. Geb Ester we-yagan-walagugledmala (7) rey-e-omegan-neg-bur-nuedse selesad.

Proverbios 14:35

Rey, e-mai-itoakwaa-gudiidgi, nued-binsaed oyoged. Dule-e-nuggi-dododiidgardina, e-urwed oyoged.

Proverbios 16:7

Bab-Jehová dule-e-daed nued-dakele, dule-e-isdarmaladse-bakale, ebo-nued-gudii imakbalid.

Proverbios 17:2

Mai-binsaed-ibedi, machi-galagwensurdaed-e-dummadga gudiguoed. Mai-binsaed-ibedi, machi-galagwensurdaed-e-gwenadganba e-babgan-ega-ibmar-obesad nikumogoed.

Proverbios 22:29

¿Dule e-arbaedgi nued-arbaed be dakdii? Dule-deyob-arbaedi, reymarga arbadii guoed, dule-binsarmaladga arbaosulid.

Proverbios 27:18

Dule, sapi-nue-akwele, e-san gunnoed, dule, e-dummadga nue-nakulediile, e-nug odummolegoed.

Proverbios 3:4

Deyob be imakele, Bab-Dummad nabir be-dakoed, dulemar nabir be-dakmogoed.

Gusmalad 20:28

”Bab-Jesús dulemar-egadga-guega na e-abegi baksad. Emide, Bab-Dummad-Burba-Isligwaled bemarga a-dulemar-dakega be-nug-imasmalad. Degisoggu, bemar nue-salakarmar, degi, a-dulemar nue-akwemalo. Ar igi dulemar sibad-wawaad-edarbemala, deyob Jesúsʼba-nanaimalad be edarbemarmogoed.

Rut 2:6

Arbamalad-dummad abin-sogded: —We-bunagwa, Moabʼginedid, Noemíʼba Moab-akar danikid.

1 Samuel 16:22

A-sorbali, Saúl, Isaíʼga we-gayaburba barmisad: “An bei be-machi-David obebido, anga arbadii guegar. Ar ade, wegi-gudiid an yeerdaked.”

1 Samuel 2:26

Bab-Jehová yeer Samuel-dakdaed, dulemar yeerdakdamarmogad. Deyob Samuel nue-dungumai gusad.