Génesis 3:16 - Kuna San Blas

¹⁶ Bab-Dummad omega sogded: “Be sikwi-bakalile, nunmaked-dummad an bega ukoed, nunmakedgi be ugakguoed. Be-suibina be sogdii guoed. Be-sui be-iduedga guoed.”

Génesis 3:16 Iomraidhean Croise

Génesis 4:7

Ar ibmar-nued be imakele, ¿an be-abingassurmogar be insae? Eye, an be-abingasmogale. Ar emigindi, be ibmar-nued imaksursoggu, isgued begi-aibinega guakwaa be-edarbediid. Degi-inigwele, sunna isguedgi be obined.”

1 Crónicas 4:9

Jabesʼdi, bur bule e-gwenadganba nug-nika megisad. E-nan Jabesʼye-onug-imaksad, ade soged: “Bonigan-abalagi an na mimmi-nikusye.”

Ester 1:20

Bela-we-yar-dummad-naidgi rey-igar-uksad wisguarmalale, bela omegan na e-suimargi binsaed-nikaa nadmaloed. Belagwable dummagan-e-omegan, degi, dule-binsarmalad-e-omeganse-bakale, na e-suimargi binsaed-nikaa damaloed.”

Salmo 48:6

Emargi bela-belad dobed nagusad, igi sior ugakgunair, e-boniba galitonaidae, debayobi, a-dulemargi dobed nagusad.

Isaías 13:8

Bela-belad dobe-itodmaloed, suli-suli-itomaloed, nunmaked-dummadi egi nagudmaloed. Igi-sior-muu-neggi-ugakgunair nunmaked-itodae, deyobi, egi nunmaked nagunonikoed. Dukin-dukin geger na dakdemaloed, e-wagarmar-daklegoedi, bela-bela dobed-nika daklemaloed.

Isaías 21:3

A-ulale, an-abagan nunmakedba wawanmaked, an nunmaked-dummad itoged. Sior muu-neggi-ugakgunair abagan nunmakdaeyobi, an nunmak itoged. An dule-sunmaked-itogedi, suli-suli-ito an-imaked. An ibmar-dakedi, dobed-dummad anga uked.

Isaías 53:11

Sabsur-wilegoed-sorbali, magar-daknonikoed, e-sabsur-wilesadi, binsa wilessuli, degidbali na yeer-itononikoed. Bab-Jehová soged: “An-mai-innikigwadi, e-ibmar-wisidbali, dulemarga igarmar nabogoed. E na dule-ibmar-isgana-imaked sedoed.

Jeremías 13:21

Wede igi be sogosunna, Bab-Dummad, be-ai-nueganga-guega be odurdaksadi be-dummaganga nug-imaksar. Naibid-dummad be itomaloed. Sior-gwensak muu-neggi-ugakgunaile, nunmaked-dummad abinganaidae, debayobi, ulubgi be nunmaked itogoed.

Jeremías 22:23

Emide be, Líbano-yargi be maid, urwargi be uu-sobsayobi be gued. Ar emisgindi, be dummad-naibid itosunnoed, igi ome-muu-neggi-nai, nunmaked-itonaidyobi, be nunmaked itonai guoed.”

Jeremías 4:31

”Igi-ome na gebe e-igargi-boni-itonaile, binnasuli-gornaidae, deyobi, dulemar-gole an itoged. We-binnasuli-gornanaidi, Sión-dulemar gornaid, akus-akus bunnonaid. Na e-argan-onakwale, weyob sognanaimalad: ‘¡An duledar-wiles-ini! ¡An bela! ¡Dule-gindakmalad an-gasmalad!’ ”

Jeremías 49:24

Damasco-dulemar geger itogusad, aisaar wakinye sokalinad, degi-inigwele, dobedbali geg wakinne gusad. Ome-e-boniganba-galitonaidaeyobi, Damasco-dulemar dobed itobukwad.

Jeremías 6:24

Jerusalén-dulemar sogdemalad: “Anmarse gayaburba nonikid, degidbali, anmar niga argwated. Anmargi dobe-itogedi obined, igi-ome-ugakgunair boniganba-galitonaidae, deyobiyob anmar itoged.

Números 30:13

” ’Ar machered-sogedba, e-ome-ibmar-imakoye-sogsadi, igi mas-gunsuli-gudii-guoye-sogsadi, sunna imakleged. Degi, machered-sogedba, e-ome-we-ibmar-sogsadi, sunna bergubalid.

Juan 16:21

Omegwa-gwensak ugakgusokalile, e-wachigan-mosadba abagan-nunmaked itononidaed. Ar sikwi-aidesad-sorbardi, dule-wargwen-we-napnegse-aidenonikid-ular, bar na e-naibi-itosadgi binsaosulid, unnila weligwar itononidaed.

1 Corintios 11:3

Bemar nue-wisgubi an be-abemardo, Cristo bela machergan-e-nonoga gued, degine, machergan, omegan-nonoga gumogad, degine, Bab-Dummad Cristo-nonoga gusimogad.

1 Corintios 14:34

omegan danar-bukwadgi sunmakodeeye ega igar maisulid, bogidik sigmaloed. Ar ade, Moisés-Igar deyob narmakar sogmaimogad, omegan machergan-urbaligwa nanaoye.

1 Corintios 7:4

Ar ome na e-san bar egadsulid, e-suigadid. Degi, e-suimoga, na e-san bar egadsurmogad, e-omegadmogad.

Colosenses 3:18

Omegan, be-sui-urbaligwa be nanamar. Ar bemar Bab-Jesúsʼba naimarsoggu, deyob be nanamalargebed.

1 Tesalonicenses 5:3

Dulemar weyob-sogmaladgine: “Bela neg-bogidik-naiye, ar ibiga anmar dobgudagoye.” A-dulemargine, ukiagwale bergued-ibagan nonikoed. Igi ome-wargwen ukiar na e-bonigan itoardae, deyob nonikoed. Dulemar we-igargangi gwen wakinnosulid.

1 Timoteo 2:13

Ar ade, Bab-Dummad Adán-inse ogwichisad, geb a-sorba, Eva-ogwisnonikid.

1 Timoteo 2:15

Degi-inigwele, ome dula-urbedgi, bendaklegoed. Bab-Jesúsʼgi-bensulile, sabguele, gwage-swilidikile, degi, dogdar-obichadasulile, bendaklegoed.

Tito 2:5

nue-binsaed-nikadaedgi, san-swilidik-nanaedgi, neg-nued-akwedgi, nueddaedgi, e-sui-urbaligwa-nanaedgi, adi, dulemar mer Bab-Dummad-Gayaburbagi isdar sunmakmalagarye.