Génesis 3:10 - Kuna San Blas

¹⁰ Dule abin-sogded: —An be-itosad, nainu-nued-imbaba be gudii. Ar an uka-swili-gudisoggu, an be-dobee itoged. A-ular, an be-idu dukusad.

Génesis 3:10 Iomraidhean Croise

Génesis 2:25

Deunni, Adán, Eva-ebogwa, uka-swili garmakdimalad, gwen binged nikasurmalad.

Génesis 3:11

Geb degine, Bab-Dummad macheredse egichialid: —¿Ar doa bega sogsa, be uka-swilii gudiiye? An bega sogsad: ‘Sapi-wargwen-e-san mer be gunnoye.’ ¿A-sapi-e-sande be guchasi?

Génesis 3:7

Geb agine, na ebobela neg-ittos nadmalad, emarde uka-swili garmakdii. Geb degine, saburega gagan-urwagiid-higueraʼye-nugad maksamalad. Agi, na saburusmalad.

Job 23:15

Agala, an Bab-Dummad-asabin dobee itodaed. We-ibmargi an bela binsaddibe, nue-dobe an itoddaed.

Job 31:33

Dulemar-isgued-odukuedyobi an-isgued an odukudisulid. Dulemar-dobedba, an-ibmar-oakalosad odukuodeeye an binsadisulid.

Salmo 119:120

An be-dobedbali, be-asabin an wawanmakgwichid, Be-Igar-Nabolemalad-dobee an itoged.

Éxodo 20:18

Bela Israel-dulemala e-sunnagwad mar-gollomakmaid itosmargua, degine, gar-trompeta-binnasur-goled itosmarbargua, deginbali, mar-dakarmakmaid daksamarbargua, degi, yar waa-moodo-siid daksamarbargua, Israel-dulemar nue-dobee itodmalad, wawanmakdemalad. Degisoggu, yargi bannabaa ambikusmalad.

Éxodo 20:19

Agi, Moisésʼga sogdemalad: —Be anmarga sunmake, anmar be-itogoed. Bab-Dummaddi melle anmarga sunmako, abakale, anmar burgwialile.

Éxodo 3:6

Bab-Dummad sogdebalid: —Ani an be-babgan-e-Bab-Dummadid. Ani an Abraham, Isaac, degi, Jacob-e-Bab-Dummadid. Geb degi, Moisés dobe-Bab-Dummad-wagar-dakedba na e-wagar edusad.

Éxodo 32:25

Moisés dakdegu, dulemar geg na san-bargamala, Aarón, gwen we-dulemar-san-bargaega imaksasuli, deginbali, we-Israel-dulemala, e-isdarmalad-dodogedga gudoe,

Isaías 33:14

Dule-isgumalad Sión-yalagi dobe itobukmalad. Dule-isganamar dobedba wawanmakbukmalad. Weyob sogbukwamalad: ‘¿Doa-anmar, soo-dule-obeloged-nagaba megoe? ¿Doa-anmar, soo-dummad-gege-bergued-duurmaksiid-nagaba megoe?’

Isaías 47:3

Be-uka-swiligwadi bela daklegoed, bela be-abganse-bakale, daklegoed. Be dummad-bingeguoed. An buged be-imakoed. Bela dulemar isgusadbi an dakoed, an ega e-isgued gwen eliosulid.”

Isaías 57:11

”¿Doa be-ogwayisa? ¿Doa dobguega be-imaksa? Emide, be an-yardakdiid. Gwen be angi bar binsassurmalad. Gwen bai be an-daksasurmalad. ¿Ar be an-dobsurmarsunde? ¿Ar an undar bogi-gudigusadba be deyob damarsunde?

Deuteronomio 5:25

”Ar anga sogsamarbalid: ‘Emide, ¿ibiga anmar binsarsunna we-soo-gwabunye-gwichidse burgwebimarsunye? Ar anmar Bab-Dummad-Jehová-anmarga-sunmaknaid gannar itononibalile, anmar ese oburgwilegoye.

1 Juan 3:20

Ar anmar-gwagegi anmar wis-nosa-itomalale, insamalo, Bab-Dummad anmar-gwage-itogedba bur dummadid, degine, Bab-Dummad bela ibmar wisid.

Apocalipsis 16:15

Cristo soged: “Nue salakarmar. Ar dule-atursaedyobi ukiagwar an nonikoed. Ar dule na guagwar-gudiir, e-mor na guagwar sediir, we-dulegi nued-binsalesdo. Ar deyob-gudiile, uka-swiri gudiguosulid, dulemar-abargi bingeguosulid.”