Génesis 27:1 - Kuna San Blas

¹ Isaac bato nue selebagusad, degi, aku-atakgusbalid. Ibagwengine, Isaac, e-machi-dummad-Esaúʼse gochad. Geb ega sogded: —¡Machi! Esaú abin-sogded: —Degite. ¿Ibua?

Génesis 27:1 Iomraidhean Croise

Génesis 25:33

Geb Jacob sogded: —Emisbinne, ise-sogar be anga sogdo, deyob an bega ibmar ukedseye. Esaú abin-sogded: —Ise-sogar an bega sogye, deyob an bega ibmar ukedseye. Esaú, machi-sailagined-guedgi-bela-ega-ibmar-uklegoed e-urba-Jacobʼga uksad.

Génesis 48:10

Israel bato nue selebagusad, nue-aku atakgusad. Bar nue-ataksursoggu, José e-masmala e-babse walikaa sesad. Israel masmala-angaagwar-gasgua, ei wagar usad.

1 Reyes 14:4

Degisoggu, Jeroboam-ome Silo-neggweburse nadsunnad. Agine, Ahías-negse mosad. Ahíasʼde bato selebagussoggu, bar ataksulid.

Eclesiastés 12:3

Ibagwengine, be-argan, neggi-nakulemaladyob-gued wawanmakdoed, be-mali, bila-onomalad-dulemaryob-gued nollomakdoed. Be-nugarmar ibmar-gwag-naged-akwamaryob-gued, ichegusadbali, bar ibmar bayogosulid. Be-ibya, yawagak-seniganaba-atakmaladyob-gued, bar atakosulid.

Juan 9:3

Jesús e-sapingan-abin sogded: —We-dule, e-isgusad-ulale, weyob gwalulessulid. Degi, e-babgan-isgusad-ular, weyob gwalulessurbalid. We-dule ibyasuli-gwalulesadi, adi, Bab-Dummad-ibmar-imaked we-dulegi oyolegegalad.

Deuteronomio 34:7

Moisés birga-dulanergwa-nika (120) burgwisad. E-dala mommolessulid, degine, e-gangued gwen galakussurbalid.

1 Samuel 3:2

Ibagwengi, Elí bato dala galakgumaidba geg bar nue atakgusadgi e-gabedneggi obunnomaid.