Génesis 26:12 - Kuna San Blas

¹² A-birgagine, Isaac na e-maidgi ibmar-gwag-digsadi bela-belad nue wesad, ar ade, Bab-Jehová ise-nued egi binsasad.

Génesis 26:12 Iomraidhean Croise

Génesis 24:1

Abraham bato nue selebagusad. Bab-Jehová Abrahamʼgi bela ise-nueganbi binsadii gusad.

Génesis 24:35

Bab-Jehová ibiba nued an-dummadgi binsasa, mani-ibedga imaksad. We-ibmarmar ega uksad: Sibad-wawaadmar, moli-bebe-nikamalad, ormar, manimar, mai-machergan, mai-omegan, moli-yargan-muremalad, degi, moli-uayasuigan-bukidar ega uksad.

Génesis 25:11

Abraham-burgwisad-sorba, Bab-Dummad Isaacʼgi ise-nued binsasad. Isaacʼde dia-naba megidapid. We-diade Lajay-Roíʼye nugad.

Génesis 26:29

Be anmargi ichakwa daosulid. Anmar begi ichakwa daosurmogad. Ar anmar gusgu nued begi damalad, anmar nuedgi be-barmiarmalad. Ar emide, Bab-Jehová begi ise-nued binsamaid.

Génesis 26:3

Ar emigindi, wegi sikwas be mego. An beba gudii guoed, degine, ise-nued an begi binsaoed. Ar ade, begala, degine, be-wagangala we-yar an ukoed. Ar igi be-bab-Abrahamʼga ise-sogar an sogsa, deyob an imakedsegad.

Génesis 30:30

An-nonikid-idu ibmar-ichee-be-nikadi, bega napiragwad merguded, ar ade, an bese nonikid-akar Bab-Jehová ise-nued begi binsasad. Degite, ¿emide, sana an-mimmiganga an na arbadmogosunna?

Job 42:12

Bab-Jehová, Job-e-ibagan-napi-gudiidgi bur bule nued binsanai gusad. Iduar-gudigusadba bur nued gudigusad. Job bela weyob ibmar nikunonikid: Sibad-wawaad, miliambe-gakabake (14,000), moli-yargan-mureged, milinergwa (6,000), moli-bebe-nikad-abin-abinnid-napa-imumalad, miligwen (1,000), moli-uayasuid-omegan, miligwen (1,000).

Salmo 67:6

Napneggi bela ibmar-durba sanmakoed, Bab-Dummad, anmar-Bab-Dummad, anmargi nued-binsaoed.

Salmo 72:16

Bela-napamargi, ibmar-gwag-gullemalad bukidar nikusun. Bela yalamar-birgi, Líbano-yargi-ibmar-gwag-gullemalad-nikayobi nikusun. Dulemar, gagan-nainugi-ainieyobi, neggweburgi mergusun.

Proverbios 10:22

Bab-Jehová-nued-emargi-binsaedi, ibmar-nuegan uked, bukib-binsaed-igar egi maisulid.

Eclesiastés 11:6

Wakudaryala ibmar-gwag be digo, sedogidbali, be baid digbalo. Ar be wissulid, biti bur bega nabir igarga gudoe, wakudaryala-diglesaddibe, sedo-diglesaddibe. Ar wisgulesulid, biti nabir igarga gudodibe. Ar ebobela sanmakdebalodibe.

Zacarías 8:12

”Neg-bogidikidgi be ibmar digmaloed, uva-dubmar sanmakega guoed, napamar ibmar-sanmaknai guoed, nibnega e-boomar obadnai guoed. We-neggweburgi-napibesmaladga, bela we-ibmar egadga-guega an ukoed.

Mateo 13:23

”Ar ibmar-gwag-napa-nuedgi-diglesmaladdi, we-dulemardi Bab-Dummad-gayaburba-itosmargu, magasar nue itosmalad. Degisoggu, amar ibmar-gwag-nue-sanmaksamaladyob gunonisunnad: Amar-abala, wilubba sanmaksamalad. Amar-abala, nued-mergu sanmaksamalad. Amar-abala, bela-belagwad sanmaksamalad.”

Mateo 13:8

”Ar ibmar-gwag-napa-nuedgi-babatismaladdi, nue-sanmaksamalad: Ibmar-gwag-abala, wilubba sanmaksamalad. Abala, nued-mergu sanmaksamalad. Abala, bela-belagwad sanmaksamalad.”

Marcos 4:8

Bamalad-ibmar-gwagdi, napa-nuedgi babatisad. Ainided, dunguded, geb nue sanmaksad. Gwenna-gwenna akusaar sanmaksad, abala bur-nuegwad sanmaksad, baigandi bur bule sanmaksad.”

1 Corintios 3:6

Ani an dule-ibmar-gwag-digedyobi gusad. An-inse an bemarga Bab-Dummad-Gayaburba-Nuedgi sunmaksad. Apolosʼdi, an-sorba, bemarga Bab-Jesús-Igargi sunmaksamogad. Apolos dule-ibmar-gwag-diigi-ogedyobi gusmogad. Ar ibmar-gwag-odungudaeddi, Bab-Dummad odungued. Deyobi, Bab-Dummad bemargi na e-Gayaburba-onasgumai imaksad.