Génesis 24:3 - Kuna San Blas

³ Bab-Dummad-Jehová-Nibneg-Dakmaid-nuggi, degi, napneg-dakmaid-nuggi ise-sogar be anga soge. Wegi, an Canaán-dulemar-abargi an maid. A-Canaán-yagan-wargwensaar mer an-machi-Isaac-onikued be sao.

Génesis 24:3 Iomraidhean Croise

Génesis 14:19

Geb degine, Melquisedec, Abramʼgi ise-nued-binsaedgi, weyob sogded: “Abram, Bab-Dummad-Bur-Birigined begi ise-nued binsaoed. We-Bab-Dummad, nibneg, degi, napneg bela obinnisadid.

Génesis 14:22

Ar Abramʼdi abin-sogded: —Suli. Bab-Dummad-Bur-Birigined-Jehováʼga ise-sogar an imaksad. We-Bab-Dummadde nibneg, degi, napneg bela obinnisad.

Génesis 21:23

Degisoggu, weyob, Bab-Dummad-nuggi ise-sogar be anga soge, akar be an-imakosurye, degine, an-mimmigan, degi, an-wagan akar be imakosurbarye. Igi-nued an be-imaksamoga, deyob be an-imakmogoed, degine, emi we-yargi-be-gudiid-e-dulemar deyob be imakbaloed.

Génesis 24:7

Bab-Dummad-Jehová-Nibneg-Dakmaidi an-bab-neggi an-onosad, degi, an-babgan-yalagi an-onosbalid. A anga sogsad: ‘Napira ise-sogar an bega sogye: Emi-be-maidgi we-yala an be-waganga ukoye.’ Degisoggu, a-Bab-Dummad e-baliwitur be-idu barmidoed, adi, weba an-machiga ome be sedagegar.

Génesis 27:46

Geb degine, Rebeca e-sui-Isaacʼga sokalid: —Esaú, Het-dule-e-sisgwa-nikusad-ular, an budar-itogusad. We-Canaán-yargi Het-dulemar-bukwad-e-sisgwa-wargwen-weyob-damogadi Jacob nikusale, ar an bur burgwed, nabirid.

Génesis 28:1

Geb degine, Isaac Jacobʼse gochad, geb egi ise-nued binsasad. Geb ega sogded: —Melle we-yar-Canaánʼgined-ome be nikuo.

Génesis 28:8

Weyob-gusadba, Esaú magar daksad, e-bab Canaán-omegan-nabir gwen daksuli,

Génesis 34:9

Bemar anmar-gwenadga gumardo, adi, anmar nabir bemar-sisgan-nikue gumaloed, degine, bemar nabir anmar-sisgan-nikue gumarmogoed.

Génesis 38:2

Agine, Judá Canaán-dule-Súaʼye-nugad-e-sisgwa abealid. Judá a-bunagwa nikusad.

Génesis 47:31

E-bab Joséʼgi alamaknai gusad: —¡Ise-sogar be anga soge, deyob an imakoye! José ise-sogar abin-sogded: —Eye, deyob an imakoe. Geb degine, Israel e-gabed-nono-onakwedsik, e-nono yollee imaksad.

Génesis 50:25

Geb degine, José Israel-dulemar ega ise-sogar-imakega imaksad, anmar bega deyob imakedseye. Geb degine, José ega sogded: “Ar nue-napiragwad, Bab-Dummad bemar-bendaknonikoed. Ar deyob gunonikile, bemar an-garmar wegi be sedmalo.”

Génesis 6:2

masmala-Bab-Dummadba-nanamalad dakalid, dulemar-yagan yeer daklemala. Degisoggu, masmala-Bab-Dummadba-nanamalad dulemar-yagana-ebo-nikuega na e-abegedba susdamalad.

Génesis 6:4

Masmala-Bab-Dummadba-nanamalad, dulemar-sisgan-nikudmargu, mimmigan-baknonimalad. A-burwigan dule-mas-bipisuli gusmalad. Wemala, epennegwa dule-gala-ibegan, degi, dule-nuga-nika gusmaladid. A-akale, dule-masdummagan we-napneggi-nika gunonikid.

2 Reyes 19:15

Geb degi, Ezequías, Bab-Jehováʼse goted: “Bab-Jehováʼye Israel-dulemar-e-Bab-Dummadye, baliwiturmar-wagar-darbakegwad-abargi be negsemaid. Bebi unnila we napaneg-naid e-Bab-Dummadga gued. Be nibneg, degine, napneg, be nasiksad.

2 Crónicas 2:12

Hiram wegii sogsibalid: “Israel-e-Bab-Dummad-Jehová-nug odummolesun. A-Bab-Dummad nibneg, degi, napneg obinnisad. Degine, Rey-Davidʼga machi-binsaed-ibed uksad. We-machide mag neg-itoged, mag ibmar-daked, nue-binsaed-nikad. We-machi Bab-Jehováʼse-goled-neg soboed, degine, ega reyneg sobbaloed.

Esdras 5:11

”Geb Judío-dummagan anmar-abin-imaksamalad: ” ‘Anmar Bab-Dummad-Nibneg-Dakmaid-e-mai, degi, Napneg-Dakmaid-e-mai gumalad. Anmar Bab-Dummadse-goled-neg dikasurgus birgabargus-soblesgusad, anmar gannar sobnanaid. A-neg, Israel-dulemar-e-rey-gandikidi bela ogus gusad.

Nehemías 13:25

Degidgine, a-dulemarbo an ulusad, amar an ukabsasad, amar an gwenna-gwenna bibyosad, amar-ibe an e-sailagia-unnusad. Degine, amar anga-ise-sogar-sogega an imaksad. Ega an sogsad: “Melle bemar Judíoʼsurmalad-masmalaga be-sisgan-ukmaloye, degi, a-e-sisgan melle bemar be-masmalaga ukmarbaloye, degi, bemar a-e-sisgan amba nikuosurmarmoye an sogsad.

Nehemías 9:6

” ’Unnila bebi Bab-Jehová-gued. Nibneg be nasiksadid: Bela nibneg-naid ugakaase, bela e-niisgwamar ega be nasiksad. Be, be napneg nasiksabalid, degi, bela ibmarmar-bukwad be obinnisbalid. Deginbali, demar-nanaidi, degi, bela agi ibmarmar-bukwad be obinnisbalid. Bela we-ibmarmala dula-gued be imaksad. A-ulale, sordamar-nibnegginmalad bese gotemalad, bela-belad be-nug-odummomalad.

Salmo 115:15

Bab-Jehová-nibneg-obinnisadi, bemargi nued-binsaena gadin. Bab-Jehová-napneg-obinnisadi, bemargi nued-binsaena gadin.

Salmo 136:26

¡Bab-Dummad-Nibneggi-Maid-e-nug odummomar! Ar e-sabguedi, degisadeguad.

Éxodo 20:7

Melle be-Bab-Dummad-Jehová-nug yogasaar be obaro. Ar dule yogasaar Bab-Dummad-nug obarisale, a-dule, Bab-Dummad-Jehováʼse sabsur-odurdaklegedsegad.

Éxodo 22:11

we-dule ibmar-e-ibedga-sogoed: ‘Napira Bab-Jehová-nuggi ise-sogar an bega sogye, ibmar-bega-akwega-be-anga-uksadi, an be-ibe gwen oakalossurye.’ ”Ibdula-ibedi, dule-ega-ibmar-soged nabir itogele, we-dule-ibmar-akwisad ibmar-bennukosulid.

Éxodo 23:13

”Bela an bemarga ibmar-sogsadba be nanamalo. ”Melle bab-dummagan-baiganse be gormalo, melle bipisaale baid-bab-dummad-nug be bimalo.”

Éxodo 34:16

Degine, bemarga sogdamaloed: ‘Anmar-sisgan be-masmalaga be ukye.’ Ar we-omegan, galagwensuli e-bab-dummaganba-nanaarmalar, be-masmala galagwensuli e-bab-dummaganba-nanaega imakdamarmogoed.

Isaías 45:23

An-nuggi an ise-sogar-imaksad, an napiragwadba ibmar-sogsad, ibmar gusuli-guosulid guedsegad. Bela-dulemar an-asabin yokorgi-sindigar sigmaloed, bela-dulemar anga ise-sogar imakmaloed.

Isaías 48:1

Jacob-wagan, we-igar-an-bega-sogoedi, nue be itomalo. Judá-wagan Israel-dulemarye-biledimalad, nue an-itomalo. Bemar Bab-Jehová-nuggi be ise-sogar-ibmar-sogdimaladi, Israel-e-Bab-Dummadse be gordimaladi, napiragwadgi be imakdisurmalad. Igar-innikigwadgi be imakdisurmalad.

Isaías 65:16

Dule, neggweburgi ise-nued-binsaleged egichialile, an-innikigwad-gued-nuggi egisoed. Dule, neggweburgi ise-sogar-ibmar-imakalile, an-innikigwad-gued-nuggi imakoed. Suli-suli-itolesadi, bela ielesad, an-asabin an bela elisad.”

Jeremías 10:11

Bab-Jehová sogdebalid: “Jeremías, weyob be Israel-dulemarga sogo: ‘Bab-dummagan-gwen-nibneg-imaksasulidi, degi, gwen napneg-nasiksasulidi, nibneg-urbali bela we-napneggi berguoed.’ ”

Jeremías 12:16

Ar we-dulemar-yarmar-baidginmaladi, an-dulamar-Baal-nuggi-ise-sogar-ibmar-imakleged odurdaksa-gusmaladid. Ar we-dulemar, an-dulamar-abargi gudigubimalale, an-igarmar-mamaid abingamalargebed, ise-sogar an-nuggi imakmarmogargebed. Weyob sogmalargebed, ¡Bab-Jehová-dula-maid-nugginye!”

Jeremías 29:6

Abirgin be nikumalo, be mimmigan nikumalo. Be-mimmiganga abirgin be ukmalo, adi, bega wagan-urbemaloed. Gatik Babilonia-yalagi dula-mergumai be imakmalo, melle dula-iregega be imakmalo.

Jeremías 4:2

Ar gakansulidgi, igar-napiragwadgi, innikigwadgi, ‘Bab-Jehová-nuggi an ise-sogar-sogmarye,’ be sogmalale, ar degidbali, ‘dulemar-yar-baid-baidsik-bukwamaladgi anbali egi yeer binsalegoed, degine, anbali egi weligwar itomaloed.’ ”

Levítico 19:12

Melle an-nuggi be ise-sogar-sogo: An ibmar imakoye. Ar degiile, be-Bab-Dummad-nug be oichogoed. Ani an Bab-Jehová gued.

Sofonías 1:5

Dulemar na e-neg-niba niisgwamar-nug-odummogega, niisgwamar-asabin-sindigar-sigmalad, an obelogoed. Dulemar, sindigar-sii an-nuggi ise-sogar-ibmar-sognaid, degi, bab-Milcom ise-sogar-ibmar-sognaidamarbalid, an obelogoed.

Números 5:21

” ’Degidgine, dule-irwa-anse-goled we-ome-ukabsaoed, weyob ega sogoed: Bab-Jehová iwiguega be-imaksun, degine, be-dulamar-abargi dulemar sunnasuli-be-dakega be-imaksun. Degine, we-dii-gagbid anagan-nikusuli be-imaksun, deginbali, saban-muega be-imakbarsun.

1 Corintios 7:39

Ome-sui-nikadi, e-sui amba dula gudiile, igar-maidba e-suigi alakwaa gudiguoed. Ar e-sui-burgwisardi, a-ome gannar sui nikubiele, e-itolegedba nikuodo. Unnila Bab-Jesúsʼba-naid-nikued abelesunnad.

Deuteronomio 10:20

”Be-Bab-Dummad-Jehováʼba be ibsadii nanao, e-nug-odummodii be guo, asebi be gordii guo, aba be nanadii guo. Ar be, ibmar-ise-sogar-sogbidibe, Bab-Dummad-nuggi innikigwadba an ise-sogar-sogye, an deyob imakedseye be sogoed.

Deuteronomio 6:13

”Be-Bab-Dummad-Jehová-e-nug be odummodii nanamalo, eba be ibsadii nanamalo. Be ibmar ise-sogar-imakbiele, Bab-Dummad-nugginbi be imako.

Hebreos 6:16

Ar dulemar napiragwadgi ise-sogar-ibmar-sogegala, dule-eba-bur-nug-nikad-nuggi imakdamalad. Ise-sogar-soglegedbi unnigualed, ibmar-baid-bar-niksulid, yog berguardaed.

Josué 2:12

Degisoggu, emigi an bemarse egissundo, Bab-Dummad-Jehová-nuggi be anga ise-sogar sogmala, igi an nue-wile bemar-daksa, deyobi, an-neguyaginmalad be nue-wile daksamarmogana gadin. Ar bemar anga wilub-oyobi an abedo, we, nue deyob guoye.

Jueces 14:3

E-sergan ega sogded: —¿Ar weginde, anmar-gwenadgan-abargi omegan satesi? ¿Israel-dulemar-bukwad-abargi omegan satebarsi? Emide-be yagwa-Filistea-dule be nikubied, ar we-dulemarde, Bab-Dummad-akudakmaladid. Sansón, e-sergan-abin sogded: —Ar we-yagwa bur an abeged. Be we-yagwa be anga egisnamala.

1 Samuel 20:17

Ar ade, Jonatán na eyobi David-sabed. Jonatán nue-David-sabsoggu, a-ulale, Jonatán Davidʼbo weyobi ise-sogar igar-mesisbalid.

1 Samuel 30:15

David ega sogded. —We-dule-atursamalad-bukwadse be anmar-nide. Egipto-dule sogded: —Bab-Dummad-nuggi ise-sogar be anga soge, be an-oburgosurye, degi, an-dummadga be an-ukosurbarye. Ar be weyob anga sogerdi, wemar-bukwadse an be-nidodo.