Génesis 24:1 - Kuna San Blas

¹ Abraham bato nue selebagusad. Bab-Jehová Abrahamʼgi bela ise-nueganbi binsadii gusad.

Génesis 24:1 Iomraidhean Croise

Génesis 12:2

Begine, dulamar bukidar-mergue an imakoed. An begi ise-nued-binsaedgi, an bega ibmar imakoed. Dule-nue-nug-nikadga an be-imakoed. Degine, be-nuggi dulemargi ise-nued binsalemarmogoed.

Génesis 13:2

Ar Abram ibmar-durgan-bukidar-nika nonikid, mani-bukidar, degi, or-bukidar-nika nonikid. Degisoggu, dule-mani-ibedga gusad.

Génesis 18:11

Dakleargua, Abraham, degi, Sara, bato nue selebagusmalad. Deginbali, Sara bato wagub-guchabalid.

Génesis 21:5

Abraham birga-dulatar (100) nikadgi, Isaac gwalulenonikid.

Génesis 24:35

Bab-Jehová ibiba nued an-dummadgi binsasa, mani-ibedga imaksad. We-ibmarmar ega uksad: Sibad-wawaadmar, moli-bebe-nikamalad, ormar, manimar, mai-machergan, mai-omegan, moli-yargan-muremalad, degi, moli-uayasuigan-bukidar ega uksad.

Génesis 25:20

Isaac birga-dulabo-nikadgine (40), Rebeca-nikunonikid. Rebecaʼde, Betuel-sisgwad. E-susdi, Labánʼye nugad. Amarde, Arameo-dulemalad, Padan-Aram-neggweburgi bukwamalad.

Génesis 26:12

A-birgagine, Isaac na e-maidgi ibmar-gwag-digsadi bela-belad nue wesad, ar ade, Bab-Jehová ise-nued egi binsasad.

Génesis 49:25

¡Ar ade, be-bab-e-Bab-Dummad be-bendakoed! Bab-Dummad-Bela-Gangued-Nikad, ise-nued begi binsaoed. ¡Nibneggi ise-nued begi binsaoed! ¡Demar-uluba ise-nued begi binsaoed! Bemala, ichesur mimmigan-nika gumaloed, degi, be-mimmigan masgi be-omadii gumaloed.

1 Reyes 1:1

Rey-David seredgussoggu, e-birga yeer selebagusad. Aisaar Davidʼga mormar yosdamalanad, amba degite, dambe itodaed.

Proverbios 10:22

Bab-Jehová-nued-emargi-binsaedi, ibmar-nuegan uked, bukib-binsaed-igar egi maisulid.

Isaías 51:2

Be nue-dakmar, ar dad-Abraham bemar dad-dummadid, degi, muu-Sara bemar-urbisadid. An Abrahamʼse gochagua, na sana-walagwen gudiinad. Degi-inigwele, an egi nued binsasad, an ega dula omelosad.

Mateo 6:33

”Bur be Bab-Dummad-e-negdakmaid-inse be amimar, e-igar-napiragwad-imaked-inse be amimar. Geb agi, Bab-Dummad, belagwapa we-ibmarmar bemarga ukdagoed.

Lucas 1:7

Ar amarde, mimmi-satemalad, ar ade, Elisabet geg mimmi-baked, degine, bato amarde, seredgusmarbalid.

Gálatas 3:9

Degisoggu, dulemar-Bab-Dummad-bensurmalad, Abrahamʼyob bengussurmarmosoggu, Abrahamʼba Bab-Dummad amar-bendaknonidasunnad.

Efesios 1:3

Bab-Dummad, anmar-Dummad-Jesucristo-e-Bab, a-e-nug anmar odummomarsun. Ar anmargi nued binsasad, bela ibmar-nuegan nibneggi-ibmar-burbarmalad-bukmalad Cristoʼgi anmarga uksad.

1 Timoteo 4:8

Ar abaganmar-ogannolegedi igar-nuedindo, degi-inigwele, ulubgi-burba-ogannoleged bur-igar-nuedid. We-burba-ogannoleged, emisgwa-gudiguedgarbisulid, yoedse Bab-neggi-gudii guedgarbalid.