Génesis 21:1 - Kuna San Blas

¹ Bab-Jehová e-sogsadba Saraʼgi ise-nued binsasad. Saraʼga ise-sogar-imaksadba ega ibmar imaknonikid.

Génesis 21:1 Iomraidhean Croise

Génesis 17:16

Be-omegi ise-nued an binsaoed. Bemarga machigwa an ukoed. Eye, napiragwa, be-omegi ise-nued an binsaoed. Sara dulemar-yar-baid-baidgi-ambikumaloed-e-nanaga guoed, degine, e-wagana dulemar-e-reyga gumaloed.

Génesis 17:19

Bab-Dummad Abraham-abin sogded: —Suli. Deyob guosuli. Ar an bega soged, be-ome-Sara bega mimmi bakoye. A-machigwa Isaacʼye be onugsao. An bebo-igar-mesisadi, be-machigwa-Isaac-ebo gannar we-igar an obinogoed. Ar degisadegu Isaac-e-wagan-ebo we-igar mai guoed.

Génesis 17:21

An-bebo-igar-mesisaddina, Isaac-ebogwa igar-maigu an imakoed. Sara birgagwense we-ibaganse bega mimmi bakoed.”

Génesis 18:10

Geb degi, warbaagwad-wargwen sogded: —Baid-birgase gannar an bese nonibaloed. A-ibagangi, be-ome-Sara bato susugwa-nika gudioed. Ar Saraʼdi, neg-dogedyaba Abraham-yarganba dulemar-Abraham-ebo-sunmaknanaid bela itogwichid.

Génesis 18:14

¿Ar Bab-Jehováʼga ibmar-geg-gued nikasi? Suli. Baid-birgase gannar an bese ataknonibaloed. A-ibagangine, Sara machi-wargwen bato nikuoed.

Génesis 24:36

”Aginbali, e-ome-Sara, deun bato nue seleba-gusadgi, ega mimmi-baksad. An-dummad bela e-machiga ibmar uksad.

Génesis 50:24

Ibagwengine, José e-gwenadganga sogded: “An-burgwed warmaksad. Bab-Dummaddi bemar-bendakdanikoed, we-yargi bemar-onogoed. Bab-Dummad bia Abrahamʼga, Isaacʼga, degi, Jacobʼga yar-ukoye-sogsagusadse bemar-sedoed.”

2 Reyes 4:17

Degidgine, ome gurgin-nika gunonikid. Geb birga-nasadgine, ega-iba-soglesadgi ome mimmi baknonikid. Ar igi Eliseo ega sogsagusa, deyob gusad.

Salmo 106:4

Bab-Jehová, wile be-dulamar be dakalile, wis be angi binsao. Be, be-dulamar-bendakdanikile, mer be an-iemogo.

Salmo 12:6

Bab-Jehová-gayaburba isedar-swilimakaledid. Igi mani swilimakar-imaklegega, soo-yagi gannar-gannar ilagugle (7) dulege, aba bur bule Bab-Dummad-gayaburba swilidik gued.

Éxodo 20:5

A-ibmar-wilubgan-asabin dulluu be imakosurmalad, degine, Bab-Dummadyob ese be golosurmalad. Ar ade, ani an be-Bab-Dummad-Jehová gued. An be-Bab-Dummad gadi-nobguedid. Ar an dule-isganamar-isdarsunna-dakmalad sabsur-odurdakedid. Degi, e-mimmigan, e-wagan, e-wagan-yokorbarmaladsega an sabsur-odurdakbalidid.

Éxodo 3:16

Moisés be nae, Israel-girmar-dummagan-ebo be ambikuo, ega be sogo: ” ‘Bab-Jehová, be-dadgan Abraham, Isaac, degi, Jacob, amar-e-Bab-Dummad anse magarosad. A-Bab-Dummad anga sogsad, ede bemar-daksaye, degine, bemar-itosbarye, igi Egipto-yargi bemar-wiobukmala.’

Éxodo 4:31

Dulemar Aarón-ega-ibmar-sogsad bengussurmalad. Emar itoarmargu, Bab-Jehová nue e-itosmarye, degi, na e-wilebukmalad e-daksamarbarye, bela na e-nono napase dulluu imakdemalad, oyogega, Bab-Jehová-e-nug emarde odummomarye.

Mateo 24:35

Nibnegdi, napnegdi bela berguoed. An-gayaburbadi gege bergued, degisadeguoed.”

Lucas 1:68

“Israel-dulemar-e-Bab-Dummad-nug odummomarsun, ar ade, e-dulamarse na ataknonikid, degine, isguedgine, e-dulamar-onononikid.

Lucas 19:44

Degi, geb napagi be-omukumaloed, be-dulamar-oburgwemaloed, degine, akwamar be-birgi-bubukwad bar be-birgi ambikuosurmalad. Bab-Dummad be-abonogega bese-atakleapid-iba aku be daksad-ular, deyob be guoed.”

Gálatas 4:23

E-mai-ebo-machi-nikusad dule-sogedba gwalulesad. E-ome-ebo-nikusaddi, igi Bab-Dummad idu Abrahamʼga sogsagusa, an bega machi-wargwen ukoye, a-sogsadba gwalulenonikid.

Gálatas 4:28

Degisoggu, gwenadgan, Isaac Bab-Dummad-sogsagusadyob gwalulenonikid. Anmar deyob Bab-Dummad-mimmiganga gunonimarmogad.

Tito 1:2

We-dule-sulearmalad bensulidgi burba-geg-bergued edarbedii gumaloed. Ar ade, Bab-Dummad geg-gakansaedi, bato iduar, gebe-negasailaun sogsagusad, burba-geg-bergued ukoye.

Rut 1:6

Degine, Noemí wisgunonikid, Bab-Jehová e-dulemargi nued binsanoniye, ukud-dummad-naid bergusye, Bab-Jehová mas-bukib ukdeeye. Geb degidbali, Noemí e-balamarmala, Moab-yargi-mai armarsunnad.

1 Samuel 1:19

A-bangine, Elcana na e-omeganmala wakudaryalaba gwisgusad. Geb Bab-Jehová-e-nug-odummosad-sorbali, na gannar e-negse Ramá-neggweburse nonimalad. Geb a-sorbali, Elcana, Anaʼse gochad. Agine, Bab-Jehová, Anaʼgi nued-binsasad.

1 Samuel 2:21

Ana, Bab-Jehová-egi-nued-binsasadbali, mimmigan nikunonikid. Samuel-sorba, machimala-walapaa nikusad, degi, bunamala-walabo nikusbalid. A-ibagangine, Samuelʼdi Bab-Jehováʼse-goled-neggi dungumai gusad.