Génesis 20:3 - Kuna San Blas

³ A-mutikidba, Bab-Dummad Abimelecʼse gabgi nonikid, ega sognonikid: —Be we-ome-sealid-ular, be burgo. Ar we-omede sui nikad.

Génesis 20:3 Iomraidhean Croise

Génesis 12:17

Degine, Faraón e-negse Abram-e-ome-Sarai-sesad-ulale, Bab-Jehováʼdi Faraón, degi, e-negyaginmalad-sabsur-odurdaksad, boni-dummagan ega uksad.

Génesis 12:18

A-ulale, Faraón Abramʼse gochad, ega sogded: “¿Ibiga wede deyob be an-imaksa? ¿Ibiga be anga sogsasuli, we-omegwa an-omeye?

Génesis 20:7

Ar emigindi, ome e-suiga gannar be berbena. Ar we-machered Bab-Dummad-gayaburba-barsogedsoggu, be-ular Bab-Dummadse goloed, adi, mer be burgwegar. Ar omegwa gannar e-suiga be berbenasulirdi, be, degi, be-gwenadgan burgwemaloed.

Génesis 28:12

Geb Jacob, gabdakargu, dakalid, arsan napagi-gwichidi nibnegse-warmakgwichi. A-arsangi Bab-Dummad-baliwiturmar nakwemamai, degine, aidemamai daksad.

Génesis 31:24

A-mutikidgine, Bab-Dummad Arameo-dule-Labánʼse gabgi magarosad, ega sogsad: “Nue be an-itogo, melle Jacobʼga urwedgi sabsur be ibmar sogo.”

Génesis 37:5

Ibagwengi, José gabdaksad. Na e-gabdaksad e-iamarga sogsad. A-ular, e-iamar bur bule José-sae-dakarmalad.

Génesis 37:9

A-sorbali, José gabdaksabalid. A-gabdaksad e-iamarga sogsabalid. Weyob ega sogded: —An-gabdaksad be nue-itomarbalo: An dakalid, dad-ibeler, nii, degi, niisgwamar-gwaambe-gakagwensak (11) bela an-asabin dulluu imakdemalad.

Génesis 40:5

Ibagwengi, mutikidba, wemar-warbogwad-esgaryagi-mellesiid gabdakar gusad. We-gabdaksamalad-e-oduloleged, akar-akar nanaed.

Génesis 40:8

Amar abin-sogdemalad: —Anmar-gabdaksadi, dule-anmarga-oduloged sated. José abin-sogded: —¿Ar ade, Bab-Dummad gabdaked-odulogedsursi? Bemar anga soge, igi bemar gabdaksamala.

Génesis 46:2

A-mutikidba Bab-Dummad Israelʼga gabdakedba sunmaksad. Jacobʼse e-nugba gornonikid: —¡Jacob! Jacob Bab-Dummad-abin sogded: —Wegi an be-itomai.

1 Crónicas 16:21

Degi-inigwele, Bab-Dummad, dule-bamalad be-dadgan-sabsur-imakega imaksasulid. Degine, Bab-Jehová anmar-dadgan-sabedba, reymarga weyob gandikidgi sogsa gusad:

Job 33:15

Imbagwena, anmar-ise-gabar-maidgine, yakumaksiidgine, Bab-Dummad gabdakedba anmarga sunmaked, negburgan-dakedgine anmarga sunmakdabalid.

Job 33:17

Bab-Dummad ibmar-isganagi-banguegala anmar-owisobalid, mer anmar san-dummarba-imakdiguegala, anmarga sunmaked.

Salmo 105:14

Bab-Jehová, sabsur-anmar-imaklegega gwen imaksasulid. Anmar-ulale, reymarga sabsur-ibmar-sogsad.

Jonás 3:4

Jonás, Nínive-neggweburgi dognonikid, geb, ibagwen-dummad gandikidgi weyob sunmakdii gualid: “Iba-dulabose (40) Nínive-neggwebur berguoye.”

Números 22:9

Degidgine, a-mutiki Bab-Dummad Balaamʼse magarononikid, ega sogded: —¿Doa-dulemar be-walik mamai?

Mateo 1:20

Ar José degi-binsadii, gabgi Bab-Dummad-e-baliwitur ese nonikid, ega sognonikid: “David-wagwa-José, mer be dobgu. María be-omega-guega be abingae. Ar María-bonigwar be dakedi, Bab-Dummad-Burba-Isligwaled-sogedba deyob gusad.

Mateo 27:19

Pilato igar-naboged-gangi-sigu, e-ome ese gaya barmialid: “We-dule, dule-nuedid, dule-isgudisulidid. Mer egi be yolemogo. Emi an ichakwa-gabdakmai oibosad, an egi gabdaksadgi nue-nunmak an itodiid.”