Génesis 2:2 - Kuna San Blas

² Ibanergwadgi (6) Bab-Dummad bato bela ibmar-obinnissoggu, ibagugled-nagunonigu (7), Bab-Dummad obunnosad, bar arbassulid.

Génesis 2:2 Iomraidhean Croise

Génesis 1:31

Geb degine, Bab-Dummad dakded, bela ibmar-na-obinnisadi, bela-bela nueganbi. Weyob neg osedosad, geb neg oibosbalid. Deyob, ibanergwadgi (6) neg gusad.

Génesis 2:3

Geb degine, Bab-Dummad ibagugledgi (7) ise-nued binsasad. Bela ibmar-obinnisad-bergusgu, obunnosad. A-ulale, a-iba, iba-islidikidye onugsasad.

Éxodo 23:12

”Ibanergwa (6) bela be-ibmar-imaked be imako, ibagugledgindina (7), be obunnogoed, adi, be-moli-bebe-nikad-alugwasualed, degi, be-moli-uayasuid, obunnomalagar. Deginbali, be-maigan, degi, dule-be-yarginedsulid, gannar gangumalagar.

Éxodo 31:15

Ibanergwa (6) arbalegoed, ibagugledgindina (7), obunnoged-ibad. We-iba Bab-Jehováʼgadid. Ar doa-dule we-ibagi arbaye-sogele, napira an bega soged, we-dule oburgwilegedsegad.’

Éxodo 31:17

Israel-dulemar-anbo-we-Igar-Mesnaid e-wilubga guoed, degisadegu-maigu guoed. Ar Bab-Jehová, nibneg-nasikegala, napneg-nasikegala, ibanergwa (6) arbasad. Ibagugledgindi (7), bar arbassulid. Bab-Dummad a-ibagi obunnosad.”

Isaías 58:13

Bab-Jehová weyob soged: “Obunnoged-ibagi be obunnodimalale, gwen egi be nodisurmalale, an-iba-islidikidgi be-itolegedba be ibmar-baigan-imaksulile, be ani Jehováʼgine wergued amimaloed. Weyob be obunnoged-iba-bimalale: ‘Weligwaled-ibaye.’ Degi, weyob be iba-islidikid-bimarbalile: ‘Bab-Jehová-nug-odummoged-ibaye.’ Be angine, wergued amimaloed. Obunnoged-ibaga be bagagwar-gumalale, mani-onogedgi-arbasulidgi be an-nug-odummomalale, degine, walagwengi be-itolegedba-yogasaar-sunmaksulidgi be an-nug-odummomalale,

Juan 5:17

Degi, Jesús abin-sogded: —An-Bab gusgu arbanaiguad, degisoggu, an arbadimosundo.

Deuteronomio 5:14

Ibagugledgindi (7) obunnoleged-ibad, be-Bab-Dummad-Jehová-e-nug-odummolegedid. A-ibagi bipisaale be arbaosulid. Be-machi, be-bunagwa, bega-arbaed-machered, bega-arbaed-ome, be-moli-bebe-nikad-alugwasualed, be-moli-uayasuid, be-ibdurgan, a-ibagi, arbaosurmarmogad. Deginbali, dule-be-yarginedsulid be-negyagi-gudiid, a-ibagi arbaosurmarmogad. Ar obunnoged-ibagi igi be obunnomoga, beyobi bega-arbaed-machered, degine, bega-arbaed-ome, obunnomarmogoed.

Hebreos 4:10

Ar dule Bab-Dummad-obunnogedgi obunnosale, na e-arbaedgi obunnomogad. Ar igi Bab-Dummad e-arbasad-sorba obunnosmoga, deyobi, obunnomogad.

Hebreos 4:4

Ar Bab-Dummad-Gardagi obunnoged-ibagi weyob sognaid: “Ibagugled-nagunonigu (7), Bab-Dummad obunnosad, bar arbassulid.” Génesis 2:2