Génesis 2:1 - Kuna San Blas

¹ Deyobi, nibneg obinnilesad, napneg obinnilesad, amargi ibmar-akar-akar obinnilesad, bela deyob ambikunonikid.

Génesis 2:1 Iomraidhean Croise

Génesis 1:1

Bab-Dummadi, gebe-negasailaunni, nibneg, napneg obinnisad.

Génesis 1:10

Bab-Dummad, neg-dinnagwad, napaye onugsasad. Geb diidina, demarye onugsanonikid. Geb Bab-Dummad dakded, we-ibmar bela nueganbi.

Génesis 2:4

Deyob napneg obinnilesad, degi, nibneg obinnilesad. Bab-Dummad-Jehová, we-napneg, degi, nibneg obinnisgua,

2 Reyes 19:15

Geb degi, Ezequías, Bab-Jehováʼse goted: “Bab-Jehováʼye Israel-dulemar-e-Bab-Dummadye, baliwiturmar-wagar-darbakegwad-abargi be negsemaid. Bebi unnila we napaneg-naid e-Bab-Dummadga gued. Be nibneg, degine, napneg, be nasiksad.

2 Crónicas 2:12

Hiram wegii sogsibalid: “Israel-e-Bab-Dummad-Jehová-nug odummolesun. A-Bab-Dummad nibneg, degi, napneg obinnisad. Degine, Rey-Davidʼga machi-binsaed-ibed uksad. We-machide mag neg-itoged, mag ibmar-daked, nue-binsaed-nikad. We-machi Bab-Jehováʼse-goled-neg soboed, degine, ega reyneg sobbaloed.

Nehemías 9:6

” ’Unnila bebi Bab-Jehová-gued. Nibneg be nasiksadid: Bela nibneg-naid ugakaase, bela e-niisgwamar ega be nasiksad. Be, be napneg nasiksabalid, degi, bela ibmarmar-bukwad be obinnisbalid. Deginbali, demar-nanaidi, degi, bela agi ibmarmar-bukwad be obinnisbalid. Bela we-ibmarmala dula-gued be imaksad. A-ulale, sordamar-nibnegginmalad bese gotemalad, bela-belad be-nug-odummomalad.

Job 12:9

Ar wemar Bab-Jehová-bela-ibmar-imaksad, bela wismalad.

Salmo 104:2

Mola-dummad-yoiyobi nega-ibegwaledi begi ebirnaid, mola-dummad-nallaa-imaklegeyobi mogir-billi be imaked.

Salmo 146:6

Ar Bab-Dummad napneg-nasiksadid, nibneg-nasiksabalidid. Demar-naidi, bela-egi-ibmar-bubukwadi urbisbalid. Bab-Dummad ibmar-imakoye-sogsad, sogedba imaked, gakansamaisulid.

Salmo 33:6

Bab-Jehová na e-sunmakedginbi nibneg nasiksad, na e-bunnogedginbi bela niisgwamar nasiksad.

Salmo 33:9

Ar Bab-Jehová sunmaksagu, bela ibmar gunonikid. Bab-Dummad igar-ukdegu, bela deyob gunonikid.

Éxodo 20:11

Ar ade, Bab-Jehová ibanergwa (6) arbasad. A-ibagangi we-ibmarmar obinnisad: Nibneg obinnisad, napneg obinnisad, demar obinnisad, degi, bela agi ibmarmar-bukwadi obinnisbalid. Geb degi, ibagugledgindi (7), Bab-Jehová obunnosad. A-ulale, Bab-Jehová, ibagugledgi (7) ise-nued-binsasad. A-ibagi sogsad, we-iba, iba-islidikidye.

Éxodo 31:17

Israel-dulemar-anbo-we-Igar-Mesnaid e-wilubga guoed, degisadegu-maigu guoed. Ar Bab-Jehová, nibneg-nasikegala, napneg-nasikegala, ibanergwa (6) arbasad. Ibagugledgindi (7), bar arbassulid. Bab-Dummad a-ibagi obunnosad.”

Isaías 34:4

Niismar-mogir-imbaba-nanaid bar daklegosulid, bela mogir atudoed. Igi garda obipirmakledae, mogir deyob guoed. Bela niismar-e-dakarmakmalad berguoed. Uva-sapi-gagan-dinguddaedyobi, dakle naoed. Higuera-sapigi e-san-dingusnai-daedyobi, dakle naoed.

Isaías 42:5

Bab-Dummad-Jehová mogir-billi obinnisadid, mogir-billi nasiksadid, napneg onasosadid, bela egi-ibmar-sanmaked onasosadid, dulemar-bukwadga niga-ogannogedid, dulemarga burba-dulad-ukedid. We-Bab-Dummad-Jehová weyopira soged:

Isaías 45:12

Ar ani an napneg nasiksad. Ani an dulemar urbisad. An-argangine, mogir-billi an nasiksad. E-niisgwamarga ani an igar uksad.

Isaías 45:18

Ar ade, weyob Bab-Jehová soged: “Ani an Bab-Jehová gued, Bab-Dummad-baid sulid. Ani an mogir-billi-obinnisadid. Ani an napneg-nasiksadid. Ani an napneg-ilemakar nasiksadid, binsa-ollobi-nasikega an imaksasulid, dulemar egi ambikuega an imaksad.

Isaías 48:13

An-argangine, napneg an nasiksad, an-argan-nuedsiki, mogir-billi an egasad. Ani an e-nugba ese gochagu, bela nagunonikid.

Isaías 55:9

Igi mogir, napneggi dikasur nai, deyobi, an-daedi, bemar-daedba bur-dikasur-akalad. Deginbali, deyobi an-binsaedi, bemar-binsaedba bur-dikasur-akarbalid.

Isaías 65:17

Bab-Jehová weyob soged: “Nue an-itomalo. An nibneg-binid, napneg-binid, an obinyesokalid. Ibmar-nasmalad bar obarilegosulid, bar egi binsalegosurbalid.

Jeremías 10:12

Bab-Dummad, e-ganguedba napneg nasiksad, e-binsaed-nikadbali, napneg ilemaksad, e-ibmar-wisidbali, nibneg nasiksad.

Jeremías 10:16

Jacob-e-Bab-Dummaddi deyobsulid, ar e, bela ibmar-imaksadid. E-nuga, Bab-Jehová-Bela-Gangued-Nikadye nugad, Israel-dulemardi, egadiga gued.

Jeremías 8:2

Bela-a-garmar dad-abin, degi, nii-abin, degine, niisgwamar-abin urbilegoed. Ar ade, wemar dad, nii, degine, niisgwamar sabgusmalad, ega ibmar imaksamalad, degine, we-ibmarmarse ibmar egichismalad, e-nugmar odummosmarbalid. Dulemar we-garmar-digega bar garmar weosulid. ¡Ibmar-isganamaryob napagi omiledoed!

Zacarías 12:1

Bab-Jehová Israel-dulemargi we-gayaburbaba sunmaknaid. Bab-Jehová-bela-mogirmar-nasiksad, napa-e-billigan-mesisad, dulemarga-burba-dulad-uksad, weyob soged:

Lucas 2:13

Degine, ukiar, baliwitur-abargi bukidar baliwiturmar-nibnegginmalad-baigan, Bab-Dummad-nug ogannonanai daklealid. Weyob sognanaid:

Gusmalad 4:24

Jesúsʼba-nanaimalad, Pedro-deyob-ega-soge, Juan-deyob-ega-soge itosmargua, belagwapa na danale Bab-Dummadse gotemalad, sogdemalad: “Bab-Dummad-Bela-Negsemaidye, bee be nibneg obinnisad, bee be napneg obinnisad, bee be demar obinnisad, degine, bee be bela ibmar obinnisad.

Gusmalad 7:42

”Degisoggu, Bab-Dummad anmar-dadgangi bangudsunnad. Nibneggi-ibdula-nanaidse ulubgi bab-dummadyob egi binsabukwa-guega imaksasunnad. Ar weyob Bab-Dummad-Gardagi E-gayaburba-barsogmalad bato narmaksad: ‘Israel-dulemar, bemar birga-dulabo (40) nega-dulesulidganba gudigusmargua, ¿anga be napiragwadgi ibmar-ogumakar-ukleged uksamarsi? ¿Anga be napiragwadgi ibmar-ukleged uksamarsi? Suli.

Deuteronomio 17:3

Dule, bab-dummagan-baigan-e-nug-odummogega, dad-ibeler-e-nug-odummogega, sindigar-sigisale, nue isgusad. Deginbali, nii-e-nug-odummogega, niisgwamar-e-nug-odummogega, sindigar-sigisale, nue isgusad. ”Ar ade, Bab-Jehová gandik sogsagusad: ‘Mer bab-dummad-baiganse be goloye.’ Abali, ibsassulid.

Deuteronomio 4:19

”Nue salakarmar. Ar be niba atakdemalale, we-ibmar be dakdele: Dad-ibeler, nii, niisgwamar, bela niisgwamar-akar-akar-nanaid be dakdele, abakale, ese be binsaed-galedamalar, e-nug-odummonai gudamalar, e-asabin dulluu sigdamalar. Ar ade, bemar-Bab-Dummad-Jehová, bela dulemar-we-napneggi-bukwamaladga we-niisgwamar obinnisad.

Hebreos 4:3

Ar Bab-Dummad egi-bengusmaladga sogsagusad: “Degisoggu, an sae-itogedgine, an weyob ise-sogar sogsa gusad: ¡An-obunnogedgi bemar bipisaale gwen obunnogosurmarye!” Salmo 95:11 Ar anmardi Bab-Dummad-bengussurmarsoggu, a-ular, anmardi Bab-Dummad-obunnogedgi obunnomarsunnoed. Ar Bab-Dummad napneg-nasiksagu, bato bela ibmar-imaksad.