Bab-Dummad sogdebalid: —Ani an be-babgan-e-Bab-Dummadid. Ani an Abraham, Isaac, degi, Jacob-e-Bab-Dummadid. Geb degi, Moisés dobe-Bab-Dummad-wagar-dakedba na e-wagar edusad.
Igi dii-wisale, sue megnonidae, deyobi bela ebilis neg-meegwad nai an daksad. Weyobi, Bab-Jehová-e-gangued-yeerdaklegedi an daksad. Deyob an daksagua, yokorgi-sindigale, napase-dulluu wagar-ebulegedse an imaksad. Geb dule anga-sunmake an itosad.
An gwisgusad, degi, an sapurba naded. Degi, Quebar-diwar-gakaba Bab-Jehová-e-gangued-yeerdakleged-daksayobi, e-gangued-yeerdakleged an daksabalid. Geb an napase-dulluu wagar-ebulegedse an imaksad.
Ar wemar dulemar-ogilonanaigua, andi wargwen besad, geb an wagar-napase-dulluu imaksad. Agine an ise-gandikidba Babse goted: “¡Bab-Dummad-Jehováʼye! ¿Bela-bela Jerusalén-dulemargi be gwichiguoe? ¿Bela be Israel-dulemar-ogilogoe?”
Moisés Aarón-ebogwa na e-wagar napase dulluu imakdemalad, geb sogdemalad: —Bab-Dummad, ar bee be, bela dulemarga san-burba-dulad-ukmaid. ¿Unnila dule-wargwenbi begi isgusad-ular, bela dulemar sabsur be odurdakode? Sulirgebed.
A-dule deyob an dakargu, burgwisayob an e-nag-naba aimukuded. We-dule, e-argan-nued an-birgi-mesisgu, anga sogded: “Mer dobgu, ani an Gebesailaginedid, ani an Napisoladbalid.