Génesis 17:2 - Kuna San Blas

² An bebo igar-mesisad, gannar an bega sogbar: ‘Wagan-bukidar-nikuega an be-imakoed.’

Génesis 17:2 Iomraidhean Croise

Génesis 12:2

Begine, dulamar bukidar-mergue an imakoed. An begi ise-nued-binsaedgi, an bega ibmar imakoed. Dule-nue-nug-nikadga an be-imakoed. Degine, be-nuggi dulemargi ise-nued binsalemarmogoed.

Génesis 13:16

Ukubyob be-wagan yaisur-mergu, an imakoed. Ar igi ukub geg ebislege, deyobi, be-wagan geg ebisle gumogoed.

Génesis 15:18

A-ibagi, Bab-Jehová Abram-ebo igar mesisad. Agi Abramʼga sogded: —We-yala be-waganga an ukoed, Egipto-diwar-maid-akar, diwar-dummad-Éufrates maidse.

Génesis 15:5

Geb degine, Bab-Jehová magaba Abram-sesad, ega sogded: —Nue be niba atake, be niisgwamar ebise, ar sunna be ebisodibe. Weyob-mergu wagan be nikuoed.

Génesis 22:17

an bela-bela ise-nued begi binsaoed. Be-wagan bela-bela-mergu an imakoed, niisgwamar-niba-nanaidyob, degi, ukub-demar-gakagi-nikadyob an imakoed. Deginbali, be-wagan e-isdarmaladgi nakwedii guoed, degi, e-neggweburgan ei sudii guoed.

Génesis 28:3

Bab-Dummad-Bela-Gangued-Nikad ise-nued begi binsaena gadin, degine, bukidar-mimmigan bega ukbalina gadin, adi, begi dulamar-bukidar ainiegar.

Génesis 9:9

“Nabir, ani an bemarbo, degi, be-waganmarbo an igar mesoed.

2 Reyes 13:23

Degi-inigwele, Bab-Jehová Israel-dulemar wiledakarbargu, bendaksagusad. Ar ade, Abraham-ebo, degi, Isaac-ebo, degine, Jacob-ebo igar-mesis gusad. A-ulale, emi we-garda-narmaklenaidse amba Bab-Jehová Israel-dulemar-obelossurgusad, degi, na egi obachasur gusad.

1 Crónicas 16:16

Deginbali, Bab-Jehová Abrahamʼbo-igar-mesisadi, Isaacʼga ise-sogar-igar-mesisadi, iemaisulid.

Salmo 25:14

Bab-Jehová dulemar-e-nug-odummodimaladbo walikaa gued, amarga e-igar-mesisad sogbalid.

Romanos 9:4

Ar wemar Israel-dula gumalad. Ar Bab-Dummad, amar na e-mimmiga imaksad. Amar-abargi na e-gangued-yeerdaklegedba gudii gusad. Amarbo, Bab-Dummad igarmar-mesisad. Amarga Moisés-Igar uksad. Bab-Dummad-nug-odummoged-igar ega uksabalid. Degine, amarga sogsabalid, an napira bemarga ibmar ukoye.