Génesis 15:2 - Kuna San Blas

² Abram Bab-Jehová-abin sogded: —Bab-Jehová-Bela-Negsemaid, ar be wisid, an mimmigan-sated, degite, ibmar-dummad be anga ukoye sogedi, ¿ar wede ibi-nuedga anga guosunna? Degisoggu, bela-an-ibmar-nikadi, we-anga-neg-daked-Damasco-dule-Eliezer, an-sorba bela ibmar gaoed.

Génesis 15:2 Iomraidhean Croise

Génesis 14:15

Abram, dulemar-eba-nadapmalad danar-danar oambikusgu, mutikidba ukiar reymargi ubodapmalad. Abram, degi, e-sordamarmala, emargi nakwismargu, we-reymar-wakitemalad Hoba-neggweburse balegichamalad. Hobaʼde Damasco-neggwebur-dad-nakwed-argan-sapiledsik siid.

Génesis 15:1

Weyob-gusad-sorbali, Abram negburgan-daksad. Agi, Bab-Jehová ega sunmakded, ega sogded: “Abram, melle be dobguo, ar sigu-abgaedyobi, an be-irwa gwisgudioed. Degine, bega-ibmar-nued-uklegoedi, bega ibmar-dummadga guoed.”

Génesis 15:3

Abram sogdebalid: —Ar be anga mimmi-uksasursoggu, anga-arbaed-dule an-sorba bela ibmar gasunnoed.

Génesis 24:10

Geb a-sorbali, Abraham-e-mai moli-yargan-mureged-warambe (10) susad. Abraham-ibmar-nuegan-nikad binsa-ukega susbalid. Geb degine, Mesopotamia-yarse, Nacor-neggweburse naded.

Génesis 24:2

Ibagwengine, Abraham e-mai-bur-undargus-arbadiidse gochad. We-mai bela ega ibmar-dakega gudiid. Abraham a-maiga sogded: —Be anga ise-sogar-ibmar-sogegala, an-dua-urba be-argan be mese.

Génesis 25:21

Rebeca geg mimmi-baked. Degisoggu, Isaac Bab-Jehováʼse ega gochad. Bab-Jehová Isaac-ese-gochad itosad. Agi, Rebeca gurgin-nika gunonikid.

Génesis 39:9

We-neguyagi, dule-baid anba-bur-dummad sulid. An-dummadse ibi an egisdedibe, surye gwen anga sogdisulid. Unnila bebi geg an be-ebuged, ar ade, bedi e-omed. Degisoggu, ¿ar igi we-ibmar-isgana an imakosunna? Bab-Dummadgi an nue-dummad-nosar-itole.

Génesis 43:19

Degisoggu, José-neg-yawagak-mosmargu, Joséʼga-neg-akwedbo-sunmakmalagala ese walikaa nadmalad.

Génesis 44:1

Mas-guchamalad-sorbali, José dule-ega-neg-akwedga weyob igar-uksad: “We-dulemar-saguyaba orosgi-dakleged nue-ise-enamakar be balo. Degine, mani egad-egad e-sagu-yaba ega be urbebalo.

Salmo 127:3

Anmar mimmigan-nikadi, Bab-Jehová anmarga uksad, Bab-Jehová anmargi doggus-nued-binsaedbali, mimmigan anmarga gwalulemaid.

Proverbios 13:12

Ibmar-edarbelediid-abingalesulile, gwage-nunmaked emarga uked. Ibmar-edarbelediid-abingalenonikile, weligwaled anmarga uked.

Proverbios 17:2

Mai-binsaed-ibedi, machi-galagwensurdaed-e-dummadga gudiguoed. Mai-binsaed-ibedi, machi-galagwensurdaed-e-gwenadganba e-babgan-ega-ibmar-obesad nikumogoed.

Isaías 17:1

Isaías, Damasco-neggweburgi iduakwaa sunmaksad: Bab-Jehová-Bela-Gangued-Nikad weyob sogdo. “¡Damasco-neggwebur-siid be nue-dakmar! ¡Bar neggweburga sii guosulid! ¡Nue bibichis sigoed!

Isaías 56:5

an-neggweburgi, anse-goled-negyaba, galugi an ega e-nuga ise-narmakar nasikoed. We-ibmala ega mimmigan-nikuedba bur bule guoed, degine, an ega nug-degisadeguad ukbaloed, bipisaale gwen e-nuga ielegosulid.

Jeremías 49:23

Bab-Jehová weyob Damasco-dulemar-annik soged: “Hamat-neggwebur, degi, Arfad-neggwebur, bato garda-isgana-wisgusmaladba suli-suli itobukwad. Ar bela-belad nue-dobe itomalad, geg bogi na ambikumalad.

Gusmalad 7:5

A-yargi Bab-Dummad Abrahamʼga nainu gwen uksasulid, wis bipi-goakwasaarbela ega uksasulid, sate gusad. Degite, Bab-Dummad ega sogsagusad: ‘We-yar an bega uko, degi, be-waganga an ukbaloye.’ Génesis 12:7 A-unni, amba yoo Abraham mimmi nikued.

Rut 2:6

Arbamalad-dummad abin-sogded: —We-bunagwa, Moabʼginedid, Noemíʼba Moab-akar danikid.

1 Samuel 1:11

Geb degine, Ana Bab-Jehováʼga ise-sogar sogded: “Bab-Jehová-Bela-Gangued-Nikadye, Andi be-mai-wilegedid. Be an-dake, an nue wile-itodiid, mer be an-iege. Bab-Jehováʼye, be anga machi-wargwen-ukele, na degisadegu bega-arbaega an imakoed. E-sailagia, bipisaale ei siklegosulid.”