Génesis 15:1 - Kuna San Blas

¹ Weyob-gusad-sorbali, Abram negburgan-daksad. Agi, Bab-Jehová ega sunmakded, ega sogded: “Abram, melle be dobguo, ar sigu-abgaedyobi, an be-irwa gwisgudioed. Degine, bega-ibmar-nued-uklegoedi, bega ibmar-dummadga guoed.”

Génesis 15:1 Iomraidhean Croise

Génesis 15:2

Abram Bab-Jehová-abin sogded: —Bab-Jehová-Bela-Negsemaid, ar be wisid, an mimmigan-sated, degite, ibmar-dummad be anga ukoye sogedi, ¿ar wede ibi-nuedga anga guosunna? Degisoggu, bela-an-ibmar-nikadi, we-anga-neg-daked-Damasco-dule-Eliezer, an-sorba bela ibmar gaoed.

Génesis 15:4

Bab-Jehová Abram-abin sogded: —Suli, degisuli. Be-sorba ibmar-bela-gaoedi, be-machi-sunnad bela be-ibmar gaoed. We-Eliezerʼdi suli.

Génesis 21:17

Bab-Dummad, machigwa bosiid itosad. Bab-Dummad-e-baliwitur nibneg-akar Agarʼse gornonikid, ega sogded: “¿Agar, igi be itoge? Mer be bukib itoge, ar Bab-Dummad be-machi-bosiid itosad.

Génesis 22:1

Undar birgamar nasadgine, Bab-Dummad Abraham-wilub-dakesokalid, bule egi nue bensurdibeye. Bab-Dummad nugba Abrahamʼse gornonikid: —¡Abraham! Abraham Bab-Dummad-abin sogded: —Na, degite, an be-itomai.

Génesis 22:20

Degi-undaradgine, Abrahamʼga soglenonikid, e-urba-Nacor machimala-nikamoye, Milca ega baksaye.

Génesis 26:24

A-mutikidgine, Bab-Jehová Isaacʼse magarosad, ega sogded: “Ani, an be-bab-Abraham-e-Bab-Dummadid. Melle be dobguo, an beba gudiguad. An-mai-Abraham-ulale, begi ise-nued an binsaoed, wagan-bukidar an bega ukoed.”

Génesis 31:7

Emidi, be-bab an-yardakdiguad. An-bennuked anga irambegus (10) ogwadanikid. Deginbali, Bab-Dummad be-bab-an-naibi-saegala gwen imaksasulid.

2 Samuel 22:3

An-Bab-Dummad an-niga-ogannogedid, egi an benguosulid. Anga sigu-abgaedyob gued, an-abonoged-gandikidid. Bab-Jehová an-odukuedga gued, an-bendakedid. Neg-bulegangi be an-bendaksadid.

2 Reyes 1:15

Geb degi, Bab-Jehová-e-baliwitur, Elíasʼga sogded: “Melle be dobgu, eba be nae.” Degisoggu, Elías gwichibin-imaksad, geb sordamar-idudiidba Rey-Ocozíasʼse nadsunnad.

1 Crónicas 28:20

David a-uki, e-machi-Salomónʼga sogdebalid: “Gandik na be imako, mer galakuo. Be-arbaed na be imako, Bab-Dummadse-goled-neg be sobo. Mer dobguo, mer be niga-galakuo. Ar an-Bab-Dummad-Jehová beba gudii guoed, begi banguosulid. Ese-goled-neg-oguedse beba gudii guoed.

Salmo 115:10

Aarón-wagan, dule-irwa-Bab-Dummadse-gormalad, ¡mer Bab-Jehováʼgi bengumala! Na e be-bendaked gued, be-sigu-abgaedga gued.

Salmo 119:114

Bab-Dummad, bedi an-odukuega gued, bedi an-sigu-abgaedibayobi anga gued, Be-Ibmar-Sogsadi, an edarbediid.

Salmo 142:5

Bab-Jehová, be-an-bendakegala, an bese gochad. An bega sogsad: “Bebi unnila an-bendaked maid. We-napneggi dulemar-bukwad-abargi bebi unnila anga gudiid.”

Salmo 18:2

Bab-Jehováʼye, be an-akwasailaga gued. Be an-garganguedsoggu, an begi bensulid. Bab-Jehováʼye, be an-neggandikidid. Sigu-abgaedyob be an-idu bonigan-irwa gwisgued. Be-garganguedgi be an-bendaked. Bebi unnila bonigan-idu an-odukued-birigined maid. Bab-Jehováʼye, be an-ollor-imakedid. Bonigangi be an-ollor-imakdiid. Ar an bese gotele, an-isdarmaladgi-nakwega be an-imaked.

Salmo 27:1

Bab-Jehová anga burba-dulad ukedid, an-abonogedid. ¿An doa dobguosunna? Bab-Jehová an-gandikidga gued. ¿An doase gwayosunna?

Salmo 3:3

Bab-Jehová, bedi an-isdarmalad-idu, sigu-abgaedyob be an-irwa gwisguedid. Be, an-ganguedid. Be, an-niga-ogannogedid.

Salmo 3:4

Bab-Jehováʼse binnasur an goled. Na e-neg-islidikid-akale, an-abin-imaked.

Salmo 5:12

Bab-Jehová, dule-ibmar-innikii-imakedgi be nued binsaoed. Bab-Jehová, be-sabedi dulega sigu-abgaedyob guoed.

Salmo 58:11

Agine, dulemar sogdemaloed: “Napirado. Dule-inniki-gudimaladga ibmar-nued ega ukleged. Bab-Dummad nue-mai dakledo, ar we-napneggi bela dulemarga igar innikii nabomaid.”

Salmo 84:11

Bab-Jehová, dad-ibeleryob gued, sigu-abgaedyob gued. Bab-Dummad, anmar-nug dummarba imaked, anmarga gangued uked. Bab-Jehová, dule-galagwensuli-gudisurmaladga, e-ibmar-nikadi obinagwar uked.

Salmo 84:9

Bab-Dummad, be anmar-irwa sigu-abgaedyob gued. Be-dule-nug-imaksadgi be nued binsae.

Salmo 91:4

Igi gannir e-sakan-urba e-mimmigan-odukue, deyobi Bab-Jehová be-edarbedga guoed. Bab-Jehováʼgi be dukued amioed. E-gayaburba be-sigu-abgaedyob guoed, be-edarbedga guoed.

Éxodo 14:13

Moisésʼdi Israel-dulemar-abin sogded: —Melle be dobgumar. Gandik be imakmar. Bab-Jehová bemar-bendakega-ibmar-imakoed be nue dakmar. Ar ade, emi bemar Egipto-dulemar-dakedi, bipisaale gwen bar-dakosurmalad.

Proverbios 11:18

Dule-isgana ibmar-isgana-imakedgi-ibmar-amied binsaledid. Dule-ibmar-inniki-imakedgi-ibmar-amied, ega ibnuedga gued.

Proverbios 30:5

”Bela Bab-Dummad-gayaburbagi bensuli guleged. Bab-Dummadi, sigu-abgaedyob dule-egi-bendakleged-amimalad-irwa gwisgued.

Isaías 35:4

Dule-dobeganaga weyob be sogmar: “Gandik be samala, melle be dobgumar. Be-Bab-Dummad danikoed, bemarga buged-imakega danikoed. Bab-Dummad-sunnagwad bemar-bendaknonikoed.”

Isaías 40:10

”Bab-Jehová-gandikidba-danikid, be dakmar. Bab-Jehová e na negsemaid. E-dulamar-ollor-imaksadi, ebali nidanikid. Ibidar-nued-amisadi eba sedanikid.

Isaías 41:10

Melle be gwayo. An beba gudiguad. Melle be suli-suli-itogo. Ani an be-Bab-Dummadid. An be-ogannogoed, an be-bendakoed, an-sakwa-gandikid-nuedsikidgi an be-ganikioed.

Isaías 41:14

Bab-Jehová soged: “Bemar-Israel-dulemar ichee-gue-inigwele, melle be gwayemalo. Bemar-Jacob-wagan-gandik-gusur-inigwele, melle be gwayemalo. Ar an-sunnagwad an be-bendakoed. Ani an Israel-dulemar-e-Bab-Dummad-Isligwaled gued. Ar an be-Bendakedid.

Isaías 43:1

Jacob-wagan, Bab-Jehová-be-obinnisadi soged, Israel-dulemar, Bab-Dummad-be-urbisadi, weyob soged: “Melle be dobguo, ar ani an be-nudaksad. Be-nugba an bese gochad. Be an-mimmi gued.

Isaías 43:5

Melle be dobguo. Ar an beba gudiid. Dad-nakwed-akale, an be-anagan sedagoed. Dad-argwaned-akale, an be-urboed.

Isaías 44:2

Weyob Bab-Jehová-be-obinnisadi, sapibeneggi be-omesisadi, be-bendakmaidi, soged: “Jacob-dulamar, melle be dobgu, be an-mai gued, Jesurún, ani an be-susad.

Isaías 44:8

¡Melle be gwayemar, gandik be imakmar! ¿Ar bato an bega sogsasursi? ¿Dikasurgus an be-owisossursi? Ar bemar an-barsogega gumalad. ¿Ar Bab-Dummad-baid maisi? Suli. ¿Bab-Dummad-baid bebina-sogedi maisi? Suli. Gwen Bab-Dummad-baid-gudii an dakdisulid.”

Isaías 51:12

Bab-Jehová weyob soged: “Ani an bemar-gwage baisur-itoge imakedid. ¿Ar ibiga be dulemar-dobe? Ar wemardi, unnila gagan-durganyob gumalad.

Jeremías 39:17

Gines a-ibagine, ani an be-bendakoed. Be dulemar-dobgudiidgi an be-bendakoed, be-oakalogosurmalad.

Lamentaciones 3:24

Degisoggu, an soged: “Bab-Jehováʼbi anga unni gued, agala, an egi bensulid.”

Ezequiel 1:1

Dakleargua, birga-dulagwen-gakambegwadgi gaka nii-walabakegwad-ibataledgine, dulemar-gales-selesmalad-abargi Quebar-diwar-gakaba-sii, nibneg argade an dakalid. Agine, Bab-Dummad anga negburgan oyosad.

Ezequiel 11:24

A-sorbali, Bab-Dummad-Burba gannar an-susad, nakwaa an-imaksad. Geb burbale, Babilonia-yargi-dulemar-galesbukwamaladse an-sesad. Geb an negburgan-dakedi anga berguded.

Ezequiel 3:4

Anga sogdebalid: “Dule-machi, Israel-dulemarse be nae, an-gayaburba be barsognae.

Números 12:6

Bab-Jehová ega sogded: “An bemarga-ibmar-sogoed, nue be itomalo: Bemar-abargi an-gayaburba-barsoged gudiile, negburgan-dakedba an ese magaroged, gabdakedba an ega ibmar soged.

Números 18:20

Bab-Jehová Aarónʼga sogdebalid: “Israel-dulemar-abargi bega nainumar an ukosulid, ar ade, ani we-Israel-dulemar-abargi an begadga gued.

Números 24:4

Ani, Bab-Dummad-ibmar-soge-itosad-guedi soged, Bab-Dummad-Bela-Gangued-Nikad ibmar-guoed-oyoged dakedid, dule negoesayob an megisdaedid, negburgan-dakdegudaedid, weyob an soged:

Mateo 28:5

Ar baliwiturdi omeganga sogded: —Mer be dobgumar. Ar bemar Jesús-nakrusgi-bioklesgusad-amidanimalad an wisid.

Mateo 8:26

Jesús abin-sogded: —¿Ar ibi be dobmala? ¿Ar be an-benmarsi? Bemar dobguewilubsulinad. Degine, geb Jesús gwisgusgua, burwaga, degi, demarga sabsur sogded: “Be bogidik gumar.” Geb degi, bela neg bogidik nadsunnad.

Lucas 1:13

Ar baliwiturdi ega sogded: “Zacarías, melle be dobgu, ar Bab-Dummadse-be-goledi Bab-Dummad be-itosad, be-ome-Elisabet bega mimmi-wargwen-bakoedi, Juanʼye be onugsao.

Lucas 1:30

Degi, baliwitur ega sogdesunnad: —María, mer be dobgu, ar Bab-Dummad nabir begi binsasad.

Lucas 12:32

Jesús sogdebar: “Mer be dobgumar, ar bemar an-sibad-wawaad-ichegwadyobid. Ar be-Bab nabir na e-binsaedbali bemarga na e-negdakmaid ukoed.

Gusmalad 10:22

Amar, Pedro-abin sogded: —Roma-dule-sorda-dulatar-sediid, Cornelioʼye-nugad-nuggi anmar danikid. A-dulede, igar-napiragwadbadaed-duled, Bab-Dummad-dobekwaa-nanadiid-dulebalid. Deginbali, Judíoʼmar bela a-dule nabir dakmalad, bela bina sogedbimarbalid. Bab-Dummad e-baliwitur-isligwaledba Cornelioʼga sogsad bese gordaye, Pedro-ibmar-bega-sogoed, be nue itogoye.

1 Corintios 3:22

Degisoggu, Pabloʼdibe, Apolosʼdibe, Pedroʼdibe, we-napneg-naiddibe, bemar-san-burba-dula-gudiiddibe, burgwaleddibe, emisgwagwaddibe, yoo-ibmar-danikoeddibe, we-ibmar belagwapa bemargadga guoedbiid.

Deuteronomio 18:2

Degisoggu, Levitaʼmar na e-gwenadgan-abargi nainu nikuosurmalad. Ar Bab-Jehová ega sogsadba, Bab-Jehová e-nainuyob ega gunonikid.

Deuteronomio 31:6

Degisoggu, ¡be gangumar! ¡Mer galakumar! Ar ade, be-Bab-Dummad-Jehová bemar-idunadapsoggu, melle be we-dulemar dobgumalo, melle ese be gwayemalo. Bab-Jehová walagwen bemar-metosulid, bemargi banguosulid.”

Hebreos 1:1

Bab-Dummad, dikasurgus na E-gayaburba-barsogmaladba akar-akar anmar-babganga sunmakdanikid.

Apocalipsis 1:17

A-dule deyob an dakargu, burgwisayob an e-nag-naba aimukuded. We-dule, e-argan-nued an-birgi-mesisgu, anga sogded: “Mer dobgu, ani an Gebesailaginedid, ani an Napisoladbalid.

Rut 2:12

Bab-Jehová bega ibmar-buged ukena gadin. We-ibmar Israel-e-Bab-Dummad-Jehová-nuggine be abingaoed. A-Bab-Dummadgi be bendakleged amis gusad.

1 Samuel 15:10

Bab-Jehová, Samuelʼga sogded:

1 Samuel 9:9

(Ar epennegwa, Israel-yargi dule-wargwen Bab-Dummadse ibmar-wisgunabiele, sogdedaed: “Anmar dule-negburgan-dakedse namala.” Ar epennegwa, Bab-Dummad-gayaburba-barsoged, dule-negburgan-dakedye bileged).