Génesis 13:8 - Kuna San Blas

⁸ Ibagwengi Abram Lotʼga sokalid: “Anmar na gwenadgan gumalad. Degisoggu, anmar na boni-nika gudiile, ibnuedsulid. Degi, anga-moli-bebe-nikad-edarbemalad, bega-moli-bebe-nikad-edarbemarmogadbogwa urwemarmogale, we ibnuedsurbalid.

Génesis 13:8 Iomraidhean Croise

Génesis 13:9

Emi be dakena, napa unniguar be-asabin naid. Degisoggu, be-abegedba na be sudo, igid bur be suoe. Degisoggu, angi be bangusun. Ar be argan-sapiledsik naye be sogele, andi argan-nuedsik naoed. Argan-nuedsik be naye sogele, andi argan-sapiledsik naoed.”

Génesis 14:14

Abram itoargu e-niga gales-selesye, geb e-maimar-e-neg-yagi-gwalulesmaladse gochad. Wemarde bila-onomaladid. Belagwapa dulataled-ilapaa gakambe-gakabaabak (318) mergued. Amarmala, Dan-neggweburse reymar-Lot-gasa-sesmalad-balegitemalad.

Génesis 45:24

José nuedgi e-gwenadgan-barmisgu, amarga sogsad: “Melle igarba be urwenadapi gumalo.” Geb degine, e-iamar nadsunnad.

Génesis 46:34

bemar abin-sogoed, bemarde gusgu be-dadganyobi sibad-wawaad-akwedgi arbamarye. Deyob be sogele, adi, nabir bemar Gosén-yalaganba megmaloed, ar ade, Egipto-dulemarga igar maisulid, dule-sibad-wawaad-akwemalad-ebo megmalad.

Salmo 133:1

¡Ibibayobi, gwenatigwale-ambikued nuedi! Ibibayobi, gwenatigwale-bulakwa-ambikued yeer-itolege.

Éxodo 2:13

A-banedgine, Moisés gannar e-gwenadganse nade gusbalid. Agi dakalid, Hebreo-dulemar na ebo-urwenanai. Dule-sabsur-imaknaidse Moisés egichided: —¿Ibiga na be-ablis-emalad be sabsur sarsonai?

Proverbios 15:1

Binnalegwadgi dule-urwenaid-abin-imakedi, urweleged bargaleged. Urwedgi dule-urwenaid-abin-imakeddi, urweleged baligannoged.

Proverbios 15:18

Dule-gadi-urwedi, emarga gadi-urwed amied. Dule na san-bargaed-nikaddina, neg-bogidik imaked.

Proverbios 20:3

Dule-e-urwedgi-banguedi, bur nug-dummarba gued. Dule-binsaedsulidaeddi, urwed-amied.

Mateo 5:9

Dulemar emar-gwage-bogidik-imakmalad, amargi nued binsalesad. Ar amar Bab-Dummad-mimmiganye bilenonimaloed.

Gusmalad 7:26

A-banedgine, Moisés, Israel-dule, Israel-dule-baidbo sarsonanai dakargu, aisaar emarga igar-naboye sokalinad, ega sogded: ‘Gwenadgan, ¿ibiga na be sarsonanai? Melle be urwemar, ar bemar na gargwenad gumalad.’

Romanos 12:10

Na be muchub-muchub sabgumar, na gwenatigwale be sabgumar. Na be muchub-muchub dummaganyob be dakmar.

Filipenses 2:14

Mer bemar ibmar-isdar-itogedgi, degi, mer na abin-abin-imakmaladgi, be ibmar imakmala.

1 Tesalonicenses 4:9

Na gwenadgan-sabgumalad-igarsikdi, an-bemarga-garda-narmaked bemar abesulid. Ar Bab-Dummad-sunnad na bemar-odurdaksad, na be muchub-muchub sabgumarye.

Hebreos 12:14

Dulemar-baiganbo bela bogidik-nanaed be imakmar, degine, gwage-swilidik-nanadii be imakmarbar. Ar dule gwage-swilidiksulile, gege Bab-Dummad-daked.

Hebreos 13:1

Na be Cristoʼgi gwenadganga gunonikidgi na be muchub-muchub sabgudii nanamalo.

1 Pedro 1:22

Emide, bemar Bab-Burba-Isligwaledgi, igar-napiragwadba nanaed-ular, Bab-Dummad bemar-san-burba uruknonikid. Adi, be gwenadgan nue-napiragwadgi sabgumalagar. Degisoggu, gwage-swilidikidgi na be muchub-muchub ise-nue-sabguar nanamarsun.

1 Pedro 2:17

Bela dulemargi binsaed-nikaa be damar. Na be gwenadgan sabgumar, Bab-Dummad-dobekwaa be nanamar. Reygi binsaed-nikaa be damar.

1 Pedro 3:8

Deginbali, napi an bemarga sogsun: Bela na be emarbi binsabukwa gumar, wile na be dakmaladba, na be muchub-muchub-bendakbukwa gumar, gwenatigwar na be nue sabgumar, wile na be dakmar, aigwar na be nanamar.

1 Pedro 4:8

A-ukine, bela bur bule na be muchub-muchub sabgumar. Ar sabguedi, isgumalad-bukidar elied, na muchub-muchub igbarsaye-sogega emar-imaked.

2 Pedro 1:7

Bab-Dummad-ibmarbina-sogedgi, gwenadganbina-itogee be nanabalo. Gwenadganbina-itogedgi, gwenadgan-sabee be nanabalo.

1 Juan 4:7

Gwenadgan-sabesailamalad, sabguedi Bab-Dummadgi danikid, degisoggu, na be muchub-muchub sabgumarsun. Bela dule-sabgumaladi, we-dulemar Bab-Dummadgi burbar gwalulesmaladid, degisoggu, Bab-dakmalad.

Jueces 9:26

Ibagwengine, Ebed-machi-Gaal, e-gwenadganmala, Siquem-neggweburse modapgusmalad. Degi, Siquem-dulemar Gaal baisur-daksamalad, egi bensurgusmalad.