Génesis 13:7 - Kuna San Blas

⁷ Molimarga mas unnisulidba, Abramʼga-dule-moli-bebe-nikad-akwemalad, Lotʼga-dule-moli-bebe-nikad-akwemalad-ebo na uluardamalad. Aginbali, a-ibagangine, Canaán-dulemar, degi, Ferezeo-dulemar a-yargine amba bukwamarmogad.

Génesis 13:7 Iomraidhean Croise

Génesis 10:19

Canaán-dulemar e-yar-gasadi, wemalad: Sidón-neggweburgi onoded, Gerar-yalasik, Gaza-neggweburse warmaksad. We-yar-e-neggweburmarde, wemalad: Sodoma, Gomorra, Adma, degine, Zeboimʼsik, Lasa-neggweburse.

Génesis 12:6

Geb Abram Canaán-yalagi dogded. Siquem-neggweburse warmakdapid, bia sapi-islidikid-Moreʼye-nugad-gwichidse. Deunni, a-yalagangine, Canaán-dulemala bukwamalad.

Génesis 21:25

Geb degine, Abraham, Abimelecʼga sogded, igi Abimelec-e-maimala e-ibe dia susmala.

Génesis 26:20

Ar Gerar-nebagi-sibad-wawaad-edarbedimaladdi Isaac-sibad-wawaad-edarbemalad-ebo uluarmalad, ar ade, sogmalad: We-dii anmargadye. A-ulale, Isaac we-dia Esekʼye onugsasad. A-sogleged: Urwedye. Ar ade, a-diabina ulusmalad.

Génesis 34:30

Geb degine, Jacob, Simeónʼga, degi, Levíʼga sogded: —Ar emigindi, boni-dummad bemar anga uksamalad. Dulemar-we-yargi-mamaimalad, Canaán-dulemar, Ferezeo-dulemar, isdar an-dakdamaloed. Emar, anmargi bila-onomalaga atodmaloed. Ar anmar machergan-ichee gumarsoggu, ani, degi, an-gwenadgan bela oburgwilemaloed.

Génesis 46:34

bemar abin-sogoed, bemarde gusgu be-dadganyobi sibad-wawaad-akwedgi arbamarye. Deyob be sogele, adi, nabir bemar Gosén-yalaganba megmaloed, ar ade, Egipto-dulemarga igar maisulid, dule-sibad-wawaad-akwemalad-ebo megmalad.

Nehemías 5:9

Degidgine, an sogdebalid: —Bemar ibnued imaknanaisurmalad. Ar bemar anmar-Bab-Dummad dobee nanae-wilubmalanad, adi, anmar-isdarad-Judíoʼsurmalad melle anmargi dodomalagar.

Éxodo 2:17

Ar sibad-wawaad-edarbemalad-baigan nonimogad. Amar, bunamala-ononnosmalad. Moisés we-bunamala-walagugled-bendakega ulusad. Geb degine, Moisés bunamala-sibad-wawaadmar diigi ogobsad.

Proverbios 20:3

Dule-e-urwedgi-banguedi, bur nug-dummarba gued. Dule-binsaedsulidaeddi, urwed-amied.

Marcos 3:25

Ar dulemar-na-negyagi-gudimalad, na egi dukin-dukin aibitemalale, we-negyaur bergudeled.

1 Corintios 3:3

Ar amba bemar dule-Bab-wissulidyobi gumalad. Na be muchub-muchub nobmalad, na be muchub-muchub urwemalad, degine, na be danar-danar sorda-gadimalad. Ar deyob-be-damaladde, ¿dule-Bab-wissuliyob be damarsi?

Gálatas 5:20

Bab-dummadyob-imakleged-e-nug odummoged. Emargi ina-isgana imaked. Na isdar-dakmalad. Gadi ourwemalad. Gadi nobgumalad. Sae ibmar-itomalad. Abin-abin imakmalad. Na abin-abin urwemalad. Igar-nued-maidgi bangumalad.

Colosenses 4:5

Dulemar-Bab-Dummadba-naisurmalad-abargi, nue-binsaed-nikaa be nanamar. Cristoʼgi-sunmaked-e-iba-nagunonikile, be sunmako.

1 Tesalonicenses 4:12

Deyobi, dulemar-Bab-Jesúsʼba-naisurmalad bemargi binsaed-nikaa gumaloed. Deginbali, bemar dule-baidse ibmar-egisdii gumarbalosulid.

Tito 3:3

Ar anmar epenne deyob binsaedsuli-gudii gusmogad, Bab-Dummadba ibmar-imaksuli-gudii gusmogad. Weyob anmar gudii gusad: Yardakles-gudii, ibmar-isgana-maiga-gudii, ibmar-isganagi-wergudii, ibmar-isganagi-binsadii, nobgudii, dulemarse-isdar-dakledii, degine, muchub-muchub-na-isdar-dakdii, anmar gusmalad.

Santiago 3:16

Ar bemar-abargi nobed-nikale, degi, urwed-nikabalile, agi neg-isgued nikad, degi, bela ibmar-isgana-imaked nikabalid.

Santiago 4:1

¿Wede, bia urweleged danisunna, degi, wede, bia bemar na abin-abin-imakmalad danibarsunna? Ar bemargi ibmar-isgana-imakbied-naidgi danikid. Ar amar be-ulubgi abin-abin imaknanaid.

1 Pedro 2:12

Gwenadgan, bemar dule-Bab-Dummad-wissurmalad-abargi nued-nanadii be imakmar. Adi, gakansaar-dule-isganaye-begi-sunmakdimaladi be ibmar-nuegan-imakedbali, a-dulemar, Bab-Dummad-bela-dulemarga-igar-nabodanikid-ibagi, Bab-Dummad-nug odummomalagar.