Biblia Todo Logo
Bìoball air-loidhne

- Sanasan -




Génesis 13:10 - Kuna San Blas

10 Lot bela Jordán-diwarsik Zoar-neggweburse neba-naid dakded. A-nebagi dii nue-nika, degine, Bab-Jehová-nainu-nuedyob-daklege dakalid. E-daklegedde Egipto-yaryob daklebalid. Ar Bab-Jehová Sodoma-neggwebur, degi, Gomorra-neggwebur-obelogoed-iduale, we-neggweburmar yeer daklegenad.

Faic an caibideil Dèan lethbhreac




Génesis 13:10
26 Iomraidhean Croise  

We, Taré-e-igar: Taré, Abram-e-babad. Nacor, degi, Harán amba Taré-masmalamogad. Haránʼde, Lot-e-babad.


Geb degine, Lot bela Jordán-diwarsik-neba-naid susad. Na e-maidgi dad-nakwedsik nade gusad. Weyobi, Abram, Lot-ebogwa, na bangud gusmalad.


Emi be dakena, napa unniguar be-asabin naid. Degisoggu, be-abegedba na be sudo, igid bur be suoe. Degisoggu, angi be bangusun. Ar be argan-sapiledsik naye be sogele, andi argan-nuedsik naoed. Argan-nuedsik be naye sogele, andi argan-sapiledsik naoed.”


A-ibagangi, deunni, we-reymar-walabakegwad, baigan-reymar-ataled-ebo bila-onogega na atosmalad. We-reymar-walataled atosmarmogad: Sodoma-e-rey-Bera, Gomorra-e-rey-Birsa, Adma-e-rey-Sinab, Zeboim-e-rey-Semeber, degi, Bela-e-rey. We-Bela-neggweburde, Zoarʼye nugbalid.


Geb degine, Sodoma-e-rey, Gomorra-e-rey, Adma-e-rey, Zeboim-e-rey, Bela-e-rey, bila-onomalaga, Sidim-nebase nonimalad. Bela-neggweburde, Zoarʼye nugbalid.


Ome sapi-san-dakdegu, dakalid, sapi-san yeerdaklege, nued-gulle-daklege, degine, nue-ibmar-wisi sunna dule-imake daklege. Degisoggu, ome sapi-san-gwachagu, guchad. Geb ome e-suiga uksamogad. E-suide guchamogad.


Egipto-yala bega guakwaa naid. Be-gwenadgan-megega Gosén-yar ega be uke, ar ade, a-napa, napa-baiganba bur nuedid. Ar be-gwenadgan-abargi machergan-nue-yeer-ibmar-durgan-akwemalad-nikadibe, amar an-ibmar-durgan-akwega be onugsaodo.


masmala-Bab-Dummadba-nanamalad dakalid, dulemar-yagan yeer daklemala. Degisoggu, masmala-Bab-Dummadba-nanamalad dulemar-yagana-ebo-nikuega na e-abegedba susdamalad.


Rey-Salomón, Jordán-neba-naidgi, Sucot-neg, Saretán-negbo-abingunaidgi, soogi esgoro-gordikid diree imaksad. Geb ibmar-wilub-napsagi-sobaledgi eosad.


We-ibdula diwar-noalile, gwen bai itodasulid, diwar-Jordán e-gayase ubomaile, gwen bai itodasulid.


Bab-Dummadi, e-dulamar-ichakwadamalad-ular, napa-gadi-ibmar-sanmakedi, napa-ichakwaga imaksad.


Moab-yar-ulale, an nue-bukib binsaed, E-dulemar, Zoar-neggweburse duurmakmamaid, Eglat-Selesiyáʼye-neg-nugadse duurmakmamaid. Luhitʼye-neg-nugadba ise-boar-boar nakwemamaid. Horonaim-neggwebur-igarba ise-boar-boar nadapmalad.


Ani Bab-Jehová, Sión-yala wiledakedsegad. Bela e-neg-bibichismaladi, wiledakoed. E-nega-dulesulidgan Edénʼgi-nainu-nued-naigusayobi, imakoed. E-nainu-geg-ibmar-egi-sanmakedi, an-nainuga guoed. A-nainugine weligwar-itomaloed, egi wergumaloed. Anga namaklegedgi namakmaloed, dog-nuedye anga sogmaloed.


”Hesbón-dulemar-boedi, Eleale-neggweburse itoleged, Jahaza-neggweburse e-boed warmaked. E-goledi, Zoar-neggwebur-akar, Horonaim-neggweburse itoleged, degi, Eglat-Selesiyáʼse warmaked. Ar Nimrim-diwarbela dinna guoed.”


Samaria, be-iorad, na e-neggwebur-burwiganmala be-dad-nakwed-argan-sapiledsik siid. Sodoma, be-urbad, na e-neggwebur-burwiganmala be-dad-nakwed-argan-nuedsik siid.


”Be-urba-Sodoma, degi, dulemar-e-neggwebur-burwiganginmalad na san-dummarba-imakedgi, mas-obinebaka-nikadgi, degi, dule-gwen-bai-daksulidgi isgusmalad. Deginbali, dule-wileged, degi, dule-ibmar-sate-gudiid bendaksasulidgi na isgusmarbalid.


Bab-Dummad-nainu-Edénʼye-nugadgi, be galagwensuli-akwamar uniryeerdaklemalad, a yeerdaklemalad-nai gudii gusanad: Akwa-Cornerinaʼye-nugad, akwa-Topacioʼye-nugad, akwa-arad-Jaspeʼye-nugad, akwa-Crisólitoʼye-nugad, akwa-Beriloʼye-nugad, akwa-Óniceʼye-nugad, akwa-Zafiroʼye-nugad, akwa-Carbuncloʼye-nugad, akwa-Esmeraldaʼye-nugad, degine, ormar. We-akwa-nuegan-nai be aibirdii gusanad. Be-dukargi-nagued, be-sakwagi-nagued, degi, be-uaduki-nagued bela orgi soblesadbiid. Be-obinnilesad-akale, we-ormar bega guagwar-dakles bukwa gusad.


Bab-Dummad-nainugi urwar-bamalad-gwichigusmaladi, wegiid-urwargi-obined, sategusad. Baryawar-sargwensaale, Líbano-urwar-anagan-nikadyob, e-anagan nikasulid. Wag-ulu-sargwensaale, Líbano-urwar-gagan-nikadyob, e-gagan nikasulid. Bab-Dummad-nainugi sapi-sargwensaale, Líbano-urwar-yeerdaklegedyob daklesulid.


Ani an yeerdaklege, we-urwar imaksad, e-anagan-bukidar-nika an imaksad. Bab-Dummad-nainu-Edénʼgi, bela bamalad-sapimar egi nobdamalad.’ ”


”Dad-nakwedsik, Jordán-diwar yar-abinguedga guoed. Yar-abingunaidi, Haurán-yar, Damasco-yarbo-abingunaidgi onodoed. Geb Galaad-yar, Israel-yarbo-abingunaidgi nasaoed, Tamar-neggweburse. Tamarʼdi Demar-Gagbidye-nugad-walik siid. Weyob dad-nakwedsik yar abingunaioed.


We-dulemar sooyobi gumalad, bela ese ibmar gummaked. We-dulemar-nonikoed-iduale, soo bela ibmar-ogumaked, we-dulemar-nasad-sorbali, soo bela ibmar-obeloged. We-dulemar, amba yoo dagegua, we-yar-naidi, Edén-nainuyobi daklegenad. We-dulemar, we-yargi-nasmargua, e-sorbali, yar, nega-dulesulidganyob nagusad. E-ganguedgi ibmarmar geg wakinned.


Deginbali, Neguev-yalagan, degine, neba, Jericó-neba-akar Zoar-neggweburse oyosbalid. A-Jericó-neggweburde sapimar-ogobgi-dakleged yaisur nikad.


Lean sinn:

Sanasan


Sanasan