Génesis 12:2 - Kuna San Blas

² Begine, dulamar bukidar-mergue an imakoed. An begi ise-nued-binsaedgi, an bega ibmar imakoed. Dule-nue-nug-nikadga an be-imakoed. Degine, be-nuggi dulemargi ise-nued binsalemarmogoed.

Génesis 12:2 Iomraidhean Croise

Génesis 13:16

Ukubyob be-wagan yaisur-mergu, an imakoed. Ar igi ukub geg ebislege, deyobi, be-wagan geg ebisle gumogoed.

Génesis 15:5

Geb degine, Bab-Jehová magaba Abram-sesad, ega sogded: —Nue be niba atake, be niisgwamar ebise, ar sunna be ebisodibe. Weyob-mergu wagan be nikuoed.

Génesis 17:20

”Emi, be-machi-Ismaelʼga be ibmar-egichisadi, an be-itosbalid. Be-machi-Ismaelʼgine ise-nued an binsamogoed. Mimmigan-bukidar-nikuega an imakoed, degine, wagan-bukidar-merguega an imakbaloed. Ismael, dule-dummagan-nuga-nikamalad e-ambe-gakabogwad-e-dadga (12) an imakoed, degine, e-dulamar ichesur an imakoed.

Génesis 18:18

Abrahamʼde dulemar-bukidarad-e-babga guosoggu, degine, dulemar-dutusulid-e-babga gubalosoggu, an ibmar-imaksokalid an ega sogergebed. Deginbali, an ega sogsabalid: ‘Begi bela we-napneggi yar-baid-baidgi-bukmaladgi an ise-nued binsaoye.’

Génesis 18:19

Deginbali, Abraham an susbalid, adi, an-igar-maidba e-mimmigan-odurdakega, degi, e-wagan-odurdakega, adi, igar-nueganba nanamalaga, degine, igar-innikigwadbi imakdii gumalagar. ”Adi, an Abrahamʼga ibmar-imakoye-sogsadba, an imakegar.”

Génesis 19:29

Weyobi, Bab-Dummad Lot-maigusadgi neggweburmar-nebagi-bukwad obelosad. Bab-Dummad Abrahamʼgi nued-binsaed-ular, Lot-onosad, melle Lot dule-baiganba burgwegar.

Génesis 24:1

Abraham bato nue selebagusad. Bab-Jehová Abrahamʼgi bela ise-nueganbi binsadii gusad.

Génesis 24:35

Bab-Jehová ibiba nued an-dummadgi binsasa, mani-ibedga imaksad. We-ibmarmar ega uksad: Sibad-wawaadmar, moli-bebe-nikamalad, ormar, manimar, mai-machergan, mai-omegan, moli-yargan-muremalad, degi, moli-uayasuigan-bukidar ega uksad.

Génesis 25:11

Abraham-burgwisad-sorba, Bab-Dummad Isaacʼgi ise-nued binsasad. Isaacʼde dia-naba megidapid. We-diade Lajay-Roíʼye nugad.

Génesis 26:3

Ar emigindi, wegi sikwas be mego. An beba gudii guoed, degine, ise-nued an begi binsaoed. Ar ade, begala, degine, be-wagangala we-yar an ukoed. Ar igi be-bab-Abrahamʼga ise-sogar an sogsa, deyob an imakedsegad.

Génesis 26:4

Be-wagan ichesur niisgwamar-nibneggi-merguedyob an imakoed. Be-wagangala bela we-yar ega an ukoed. Deginbali, bela dulemar-we-napneggi-bukmalad be-wagwaba ise-nued an egi binsaoed.

Génesis 27:29

Dulemar-yar-baid-baidgi-bukmaladi bukidar bega arbamalaga gumaloed, dulemar-akar-akar-soga-iliba be-asabin yokorgi-sindigar sigmaloed. Be-gwenadgan-e-iduedga be guoed. Be-nan-e-masmala be-asabin bela sindigar sigmaloed. Dulemar-be-ukabsamalale, amar ukabsalemogoed. Dulemar-ise-nued-begi-binsamalale, amargi ise-nued binsalemogoed.”

Génesis 28:14

Be-wagan we-napneg-ukub-merguedyob bela-bela mergu guoed. Degine, be-wagan dad-nakwedsik, dad-argwanedsik, dad-nakwed-argan-nuedsik, dad-nakwed-argan-sapiledsik bela aisakis ambikuoed. Degine, bebali bela dule-yar-baid-baidgi-bukwamalad, degi, be-waganbali, egi ise-nued binsalegoed.

Génesis 35:11

Bab-Dummad Jacobʼga sogdebalid: “Ani, an Bab-Dummad-Bela-Gangued-Nikadid. Mimmigan-bukidar, degine, wagan-bukidar be nikuo. Begi dulemar-sogagwen nodagoed, degine, dulemar-sog-akar-akar begi nodabaloed. Be-waganmala reymarga gumaloed.

Génesis 46:3

Geb degi, Bab-Dummad sogded: —Ani, an Bab-Dummadid, be-bab-e-Bab-Dummadmogad. Egipto-yarse-be-naed mer dobguo, ar ade, agi be-wagan bukidar-merguega an imakoed.

2 Samuel 7:9

Bia be naddibele, ani an beba naidaed, degi, an be-isdarmaladgi be-onakwisdaed. Dule-nuga-nikamalad-abalagi an be-nug-odummosad.

1 Reyes 1:47

Deginbali, Davidʼga-dummaganga-gudimalad, anmar-rey-Davidʼse ataknonimarmogad, ega sognonimarmogad: ‘Bab-Dummad, Salomón-e-nug, Rey-David-e-nugba bur nug-dummarba imakena gadin. Aginbali, e-yar-seoed Davidʼgadba bur-dummarba-imakbalina gadin.’ Geb Rey-David e-obunnogedgi-mai Bab-Dummad-e-nug odummomai gusad. Weyob David sogded:

Job 35:8

Ar be ibmar-isgana imakdibe, be ibmar-nued imakdibe, unnila be-abargi-gudimaladi, beba wilegoed.

Salmo 107:38

Bab-Dummad we-dulemargi nued-binsasad, e-dulamar mergudmalad, e-molimar merguega imaksabalid.

Éxodo 1:7

Ar Israel-dulemar mimmigan-ichesur-nikussoggu, yaisur merguded. Degisoggu, dutusur gunonimalad. Egipto-yargi Israel-dulemar bela-bela-mergu ambikunonimalad.

Éxodo 32:10

Degisoggu, emigindi be an-dako. An sae-itoged. We-dulemar an obelogoed. Bedina, wagan-bukidar-nikuega an be-imakoed.

Isaías 51:2

Be nue-dakmar, ar dad-Abraham bemar dad-dummadid, degi, muu-Sara bemar-urbisadid. An Abrahamʼse gochagua, na sana-walagwen gudiinad. Degi-inigwele, an egi nued binsasad, an ega dula omelosad.

Ezequiel 34:26

An wemargi doggus-nued binsaoed, degi, an-yar-mullu-e-dikarmar ibmar-nuegan-nikuedga an imakoed. E-ibagan-sekalaa an dii owioed. We-dii ibmar-nuegan-nikuega imakoed.

Miqueas 7:20

Jacob-waganga, be-ibmar-inniki-imaked, be oyoge, Abraham-waganga, dule-ise-wiledaked be oyoge. Epennegwa anmar-dadganga ise-sogar-imaksayobi, be ibmar imake.

Zacarías 8:13

Judá-dulemar, Israel-dulemar, mer dobgumalo, gatik niga-ogannomalo. Bemar, dule-yar-baid-baidgi-bukmalad-abargi, ibmar-isganayob ukabsales gusmalad. Emigindi, an be-bendakmaloed, ibnuedga be gunonimaloed.”

Números 14:12

Aka bur boni-dummagan ega an barmidoed, bela wemar an ogilogoed. Moisés, ar begine anagan-baigan ainidagega an imakoed. Amar, dule-burgwemaloedba bur bukidar gumaloed, degi, dutusuli gumarbaloed. A-iduega an be-imakoed.”

Números 22:12

Degi, Bab-Dummad Balaamʼga sogded: —Melle we-dulemarba be nao. Melle Israel-dulemar-ukabsanao. Ar ani an Israel-dulemargi ise-nued binsamaid.

Números 23:20

Bab-Jehová anga soged: ‘Israel-dulemargi ise-nued be sunmakoye.’ Degisoggu, ise-nued an egi sunmakergebed, geg an sogsuli gued, sogergebed.

Romanos 4:11

Abraham Bab-Dummadgi-bensulid-e-wilub-nasikegala, abgan-uka-duku-siked-igar imaksad. Adi, oyogega, bato Bab-Dummad, amba yoo ede abgan-uka-duku-sikeunni, egi-bensulidbali isgussulidyob e-daksaye. Degisoggu, Abraham bela dulemar-Bab-Dummadgi-bensurmalad-abgan-uka-duku-sikarsurmalad-e-babga, gunonisunnad. Adi, Bab-Dummad, we-dulemar-egi-bensulidba isgussulidyob dakmogagar.

Gálatas 3:14

Cristo deyob anmar-baknonikid, adi, Judíoʼsurmalad Cristo-Jesúsʼgi Bab-Dummad-Abrahamʼgi-nued-binsasad abingamogagar. Adi, Bab-Dummad-anmarga-E-Burba-ukoye-sogsad, Cristo-Jesúsʼgi-bensulidgi we-Burba anmar abingaegalad.

Gálatas 3:7

Degisoggu, bemar nue wisgumar, dulemar-Bab-Dummad-bensurmalad Abraham-waganga gunonidamalad.

Deuteronomio 26:5

Geb degine, weyob be-Bab-Dummad-Jehová-asabin be sogoed: ” ‘An-dad, Arameo-dule, nega-sate-gudigusad. An-dadde, Egipto-yalase nadegusad. Agi, na e-gwenadgan-bokwagwad-abargi mai-gusad. Agi gudigusad, dulemar ega ichesuli mergudgusad, degine, dutusuli gunonibalid.