Génesis 11:3 - Kuna San Blas

³ Ibagwengi, na ga muchub-muchub sokarmalad: “Anmar dakebinne, anmar napa-ginnid akwayob dutusuli sobe, geb degine, anmar soogine ogumakar imakoed.” Weyob akwa-anar napa-ginnid-akwayob-dutusuli-sobaled ebusmalad, degine, barya ebusmarbalid, ebo acha-acha imakegar.

Génesis 11:3 Iomraidhean Croise

Génesis 11:4

Geb a-sorba, sogdemarbalid: “Anmar dakebinne, anmar neggwebur-dummad sobmala. Geb neg-matusulid nibnegse-warmakedse, anmar sobbaloed. Anmar deyob imakele, bela anmar nug-nika gumaloed, dule-dummaganga anmar gumaloed, degine, adi, mer anmar we-napneggi aisakimalagar.”

Génesis 11:7

A-ulale, anmar aidenaergebed, ei gaya oburnaegar, adi, na aku itomaloed.”

Génesis 14:10

Dakargua, bela Sidim-nebagi yaa-dummagan-bukidar-bukwa nanaed. We-yaa-dummagande barya-yaisur nikad. Sodoma-e-rey, degi, Gomorra-e-rey urwenanaigua, wakite gusmalanad. Degi-inigwele, yaa-dummadgi argwatapmalad. E-sordamar-baigandi yalaganba wakitemalad.

2 Samuel 12:31

David Rabá-dulemar Rabá-neggweburgi onosad. Amar oarbaega imaklesad. Amarga we-ibmar uklenai gualid: Esnali-dummad, napa-omued, degi, akanmar. Aginbali, napsa-ginnid soogi akwayob-sobnai guarmarbalid. Amón-dule-bamalad deyob imaklesmarmogad. Geb David e-sordaganmala Jerusalén-neggweburse gannar nonigusmalad.

Salmo 64:5

Dule-isganamar, na muchub-muchub e-igar-isganagi ogannobukwadamalad. Idu igar-amibukwadamalad, igi imakmalodibeye. Sogdedamarbalid: “¿Ar doa anmar-dakosunna?”

Éxodo 1:14

Nue wiosmalad, arbaed-dutusulid ega ukdamalad, napsa-obured, degi, napsa-ginnid akwayob-sobega, deginbali, bela sapurba-arbaleged amarga uksabalid. Bela wemargine, Israel-dulemala sabsur imakledamalad.

Éxodo 2:3

Ar geg bar-dikasurgus odukugussoggu, sargi-garba susad. Geb a-garba-e-yaa-ollo-ollogwad baryagi enir-enir imaksad. Geb degine, e-nan sargi-garbagi machi-bipi-mesisgu, nargammugiid-diwar-gakaba-bukwad-imbaba nasiksad.

Proverbios 1:11

Bega sokarmalale: “Anmarba be dage. Anmar dule-ibmar-oakalossulid oburgwenae. Anmar binsa-nabir-itogedba dule-baisur-binsadiid oburgwenae.

Eclesiastés 2:1

An-gwagegi an sogsa gusad: “Emigindi, ibmar-galagwensuli-imakedgi-yeer-itolegedi, an imakdii guoye, an nue-yeer-itodii gubaloye.” Ar amba deyob gudiguedi, binsarsunna imaklebalid.

Isaías 5:5

An bega sogmalodo, igi an-uva-nainu an imakoe: An e-ibe galu-emakaled earoed, adi, bela berguegar. An e-galu-matusulid e-ibe earbaloed, adi, bela egi annalegegar.

Isaías 65:3

We-dulemar, bali-bali an-ourwega an-imakmalad. Dutugalumargine, bab-dummadyob-ibmar-imaklemaladga ibmar ukmalad. Ibmar-ogumakar-ukleged-ailamargi, ina-wawadikmalad ogumakmalad.

Isaías 9:10

‘Ar negmar ayarele, akarsulid. Ar anmar gannar akwagi-nuesaar sobmaloed. Ar higuera-sapiwar-nagubirga-mamaid babatidele, baisulid. Ar anmar a-muchub urwar mesoed.’

Nahúm 3:14

Nínive-neggwebur, be-isdarmalad be-neggwebur-ebiris-ambikunonimaloed-iduar, dii be enomar, be-neg-gandikmalad be ogannomala. Napa-olli-ollid-birgi be gwisgue, napsa-ginnid-birgi be annae, akwa-napsa-ginnidgi-sobaled be sobe.

Hebreos 10:24

Degisoggu, anmar binsamarsun igi anmar saergebe, adi, na muchub-muchub na gatik sabgumalagar, degi, na ibmar-nuegan imakmarbaligar.

Hebreos 3:13

Bur bane-bane na be ogannodii imakmar, emi amba soglenaidgi, emi-ibaginye, adi, melle bemar-isguedse-yardakleged-ular, uayasuli guegar.

Santiago 4:13

Emigi, we be nue itomala, bemar sogmalad: “Emi, igi bandibe, anmar a-neggweburse namaloed. A-neggweburgi anmar birgagwen megmaloed. Agi anmar ibmar-ukmaloed, degi, mani-dummad anmar onomaloed.”

Santiago 5:1

¡Bemar mani-ibgan, emigi nue an-itomar! Bemar naibid-dummad-itogoedba be bomar, degi, nunmak-itogoedba be ise-gollar imakmar.