Génesis 11:2 - Kuna San Blas

² Dad-nakwedsik dulemar nadgua, Sinarʼgi nebabi-nai dakdapid. Agi ambikudapmalad.

Génesis 11:2 Iomraidhean Croise

Génesis 10:10

Nimrod, we-neggweburmargi negsemai gusad: Babelʼgi, Erecʼgi, Acadʼgi, degi, Calneʼgi. We-neggweburmar, Sinar-yargi bukwagusad.

Génesis 11:1

Epennegwa, bela dulemar unnila gaya-gwennaa sunmakmalanad.

Génesis 11:9

We-neggweburgine, Bab-Jehová weyob dulemar gaya-akar-akar-sunmakega imaksad. A-ulale, we-neggwebur Babelʼye nuggusad. Geb wegine, Bab-Jehová bela dulemar we-napneg-ugakaase osakisad.

Génesis 13:11

Geb degine, Lot bela Jordán-diwarsik-neba-naid susad. Na e-maidgi dad-nakwedsik nade gusad. Weyobi, Abram, Lot-ebogwa, na bangud gusmalad.

Génesis 14:1

Deunni, we-reymar negdakmamaid: Sinar-e-rey-Amrafel, Elasar-e-rey-Arioc, Elam-e-rey-Quedorlaomer, degi, Goim-e-rey-Tidal, wemar, neg-dakmaid.

Isaías 11:11

A-ibagangine, Bab-Jehová bela e-dulamar-amba-yar-baid-baidgi-mimiles-bubukwad gannar-sedagega imakoed. We-yarmargi mimiles bubukwad: Asiria-yalagi, Egipto-yalagi, Patros-yalagi, Cus-yalagi, Elam-yalagi, Sinar-yalagi, degi, Hamat-yalagi, degine, demar-gakagi-besmalad. Wemar gannar senonikoed.

Daniel 1:2

Bab-Jehová, Rey-Nabucodonosorʼga Judá-e-rey-Joacim-urmaksad. Degine, Bab-Dummadse-goled-neggi ibmar-ebulemalad-swilidikid-bukwad abala sulegega imaksabalid. We-ibmar, Nabucodonosor, Babilonia-yarse sesad. Babiloniaʼde, Sinarʼye nugbalid. Degine, Nabucodonosor a-ibmar-ebulemalad-olobiid e-bab-dummadse-goled-neggi, mani-saboleged-neggi urbenonikid.

Zacarías 5:11

Baliwitur an-abin-imakded: “Babilonia-yarse semamai, adi, e-neg ega sobmalagar. E-neg-ogulesale, agi we-mete-dummad aila-soblesad-birgi sinonimaloed.”